100 കോടിയിൽ തൊട്ട് മമ്മൂട്ടിയുടെ കണ്ണൂർ സ്ക്വാഡ്; ബിസിനസ് പുറത്ത് വിട്ട് മമ്മൂട്ടി കമ്പനി
മെഗാസ്റ്റാർ മമ്മൂട്ടി നായകനായ കണ്ണൂർ സ്ക്വാഡ് എന്ന എന്ന ചിത്രം തീയേറ്റർ പ്രദർശനത്തിന്റെ അവസാന ഘട്ടത്തിലാണ്. മമ്മൂട്ടിയുടെ കരിയറിലെ ഏറ്റവും വലിയ രണ്ടാമത്തെ ഹിറ്റായ ഈ ചിത്രത്തിന്റെ മൊത്തമുള്ള ബിസിനസ് കണക്കുകളാണ് ഇപ്പോൾ ഈ ചിത്രം നിർമ്മിച്ചിരിക്കുന്ന മമ്മൂട്ടി കമ്പനി പുറത്ത് വിട്ടിരിക്കുന്നത്. ആകെ മൊത്തമുള്ള ബിസിനസ്സ് ആയി കണ്ണൂർ സ്ക്വാഡ് 100 കോടിയോളം രൂപ നേടിയെന്നാണ് മമ്മൂട്ടി കമ്പനി പുറത്ത് വിട്ട വിവരങ്ങൾ പറയുന്നത്. ആഗോള ഗ്രോസ് കളക്ഷനായി 80 കോടിക്ക് മുകളിൽ നേടിയ ഈ ചിത്രം മറ്റ് ബിസിനസ്സുകൾ വഴി കൂടി നേടിയ കണക്കാണ് ഈ 100 കോടി. ഇതിന് മുൻപ് മമ്മൂട്ടിയുടെ ഭീഷ്മ പർവ്വം എന്ന ചിത്രവും 100 കോടിയുടെ ബിസിനസ്സ് നടത്തിയിരുന്നു. 85 കോടിയോളമാണ് ആ ചിത്രം നേടിയ ആഗോള ഗ്രോസ്. 40 കോടിക്ക് മുകളിൽ കേരളത്തിൽ നിന്നും ഗ്രോസ് നേടിയ കണ്ണൂർ സ്ക്വാഡ്, ഏകദേശം അത്ര തന്നെ ഗ്രോസ് കേരളത്തിന് പുറത്ത് നിന്നും നേടി.
മലയാള സിനിമയുടെ ചരിത്രത്തിലെ ഏറ്റവും വലിയ ആറാമത്തെ ആഗോള ഗ്രോസ്സറാണ് കണ്ണൂർ സ്ക്വാഡ്. 2018 , പുലി മുരുകൻ, ലൂസിഫർ, ഭീഷ്മ പർവ്വം, ആർഡിഎക്സ് എന്നിവക്ക് പിന്നിലായാണ് കണ്ണൂർ സ്ക്വാഡ് സ്ഥാനം പിടിച്ചത്. ദുൽഖർ സൽമാന്റെ കുറുപ്പ്, നിവിൻ പോളിയുടെ പ്രേമം, മോഹൻലാലിൻറെ ദൃശ്യം തുടങ്ങിയ ചിത്രങ്ങളുടേയും, രോമാഞ്ചം, കായംകുളം കൊച്ചുണ്ണി എന്നീ ചിത്രങ്ങളുടേയും ആഗോള ഗ്രോസ് കണ്ണൂർ സ്ക്വാഡ് മറികടന്നിരുന്നു. നവാഗതനായ റോബി വർഗീസ് രാജ് സംവിധാനം ചെയ്ത ഈ ചിത്രം രചിച്ചത് നടൻ റോണി ഡേവിഡ് രാജ്, മുഹമ്മദ് റാഫി എന്നിവർ ചേർന്നാണ്. മമ്മൂട്ടിയോടൊപ്പം അസീസ് നെടുമങ്ങാട്, ശബരീഷ് വർമ്മ, റോണി ഡേവിഡ് രാജ് എന്നിവരും വേഷമിട്ട ഈ ചിത്രത്തിന് സംഗീതമൊരുക്കിയത് സുഷിൻ ശ്യാമാണ്.
ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം എന്ന ചിത്രം ഓണം റിലീസായി പ്രേക്ഷകരുടെ…
യുവതാരം ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണത്തിന്റെ ട്രെയിലറിന് പാൻ ഇന്ത്യൻ തലത്തിൽ…
റീ റിലീസ് ചെയ്ത് സൂപ്പർ വിജയം നേടിയ മോഹൻലാൽ ചിത്രം ദേവദൂതൻ തീയേറ്ററുകളിൽ അൻപത് ദിവസം പിന്നിട്ട് പുതിയ ചരിത്രമാകുന്നു.…
മലയാളത്തിന്റെ മെഗാസ്റ്റാർ മമ്മൂട്ടിയെ നായകനാക്കി പ്രശസ്ത തമിഴ് സംവിധായകൻ ഗൗതം വാസുദേവ് മേനോൻ സംവിധാനം ചെയ്യുന്ന ചിത്രത്തിന്റെ ടൈറ്റിലും ഫസ്റ്റ്…
ദളപതി വിജയ് നായകനായ ഗോട്ട് എന്ന ചിത്രം കഴിഞ്ഞ ദിവസമാണ് ആഗോള റിലീസായി എത്തിയത്. വെങ്കട് പ്രഭു രചിച്ചു സംവിധാനം…
സി എൻ ഗ്ലോബൽ മൂവീസിന്റെ ബാനറിൽ ലിസി കെ ഫെർണാണ്ടസ് ആൻഡ് ടീം ചേർന്ന് നിർമ്മിച്ച്, അജു വർഗ്ഗീസ്, ജോണി…
This website uses cookies.