ആരാധകർക്ക് ആവേശം സമ്മാനിക്കാൻ മെഗാസ്റ്റാർ മമ്മൂട്ടി എത്തുന്നത് തുടർച്ചായി മൂന്ന് റിലീസുകളുമായാണ്. ഈ വർഷം ഭീഷ്മ പർവ്വം, റോഷാക്ക് എന്നീ വിജയ ചിത്രങ്ങൾ സമ്മാനിച്ച മമ്മൂട്ടി ഇനി ഒന്നര മാസത്തെ ഗ്യാപ്പിൽ 3 ചിത്രങ്ങളുമായാണ് പ്രേക്ഷകരുടെ മുന്നിലെത്തുക. അതിൽ ആദ്യത്തെ റിലീസ് ലിജോ ജോസ് പെല്ലിശ്ശേരി ഒരുക്കിയ നൻ പകൽ നേരത്ത് മയക്കമാണ്. കേരളാ അന്താരാഷ്ട്ര ഫിലിം ഫെസ്റ്റിവലിലും മത്സരിക്കുന്ന ഈ ചിത്രത്തിന്റെ രണ്ട് ടീസർ, ഏതാനും പോസ്റ്ററുകൾ എന്നിവയാണ് പുറത്ത് വന്നിരിക്കുന്നത്. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെ നിർമ്മിച്ചിരിക്കുന്ന ഈ ചിത്രം ഡിസംബർ പതിനാറിന് റിലീസ് ചെയ്യുമെന്നാണ് സൂചന. എസ് ഹരീഷാണ് ഈ ചിത്രം രചിച്ചിരിക്കുന്നത്. ഇത് കഴിഞ്ഞു റിലീസ് ചെയ്യാൻ പോകുന്നത് മമ്മൂട്ടി അഭിനയിച്ച തെലുങ്ക് ചിത്രമായ ഏജൻറ് ആണ്. അഖിൽ അക്കിനേനി നായകനായി എത്തുന്ന ഈ ചിത്രത്തിൽ നിർണ്ണായകമായ വേഷമാണ് മമ്മൂട്ടി ചെയ്യുന്നത്.
സുരീന്ദർ റെഡ്ഡി സംവിധാനം ചെയ്ത ഈ ചിത്രം ഹോളിവുഡിലെ ബോൺ സീരിസിൽ നിന്ന് പ്രചോദനം ഉൾക്കൊണ്ടൊരുക്കിയ ആക്ഷൻ ചിത്രമാണ്. ജനുവരിയിൽ സംക്രാന്തി റിലീസായാണ് ഏജൻറ് എത്തുക. ഇപ്പോൾ ലഭിക്കുന്ന റിപ്പോർട്ടുകൾ പ്രകാരം ജനുവരി അവസാന വാരം മമ്മൂട്ടി- ബി ഉണ്ണികൃഷ്ണൻ ചിത്രമായ ക്രിസ്റ്റഫറും പ്രേക്ഷകരുടെ മുന്നിലെത്തും. ഉദയ കൃഷ്ണ രചിച്ച ഈ ഇൻവെസ്റ്റിഗേഷൻ ത്രില്ലർ നിർമ്മിക്കുന്നതും ബി ഉണ്ണികൃഷ്ണൻ തന്നെയാണ്. ഒരു പോലീസ് ഓഫീസറായി മമ്മൂട്ടി വേഷമിടുന്ന ഈ ചിത്രത്തിൽ വലിയ താരനിരയാണ് അണിനിരക്കുന്നത്. ഐശ്വര്യ ലക്ഷ്മി, അമല പോൾ. ഷൈൻ ടോം ചാക്കോ തുടങ്ങിയവർ ഇതിൽ നിർണ്ണായക വേഷങ്ങൾ ചെയ്യുന്നുണ്ട്.
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന മജു ചിത്രം 'പെരുമാനി'യിലെ ആദ്യ ഗാനം…
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
This website uses cookies.