ട്രിപ്പിൾ സ്‌ട്രോങ്ങാണെന്ന് തെളിയിച്ചു രാജയുടെ 25 ദിവസങ്ങൾ ;മധുര രാജവിജയകരമായി പ്രദശനം തുടരുന്നു

പോക്കിരിരാജ എന്ന സൂപ്പർഹിറ്റ് ചിത്രത്തിന് ശേഷം മമ്മൂട്ടി- വൈശാഖ് കൂട്ടുകെട്ടിൽ പുറത്തിറങ്ങിയ ചിത്രമാണ് ‘മധുര രാജ ഉദയ്കൃഷ്ണയാണ് ചിത്രത്തിന് വേണ്ടി തിരക്കഥ രചിച്ചിരിക്കുന്നത്. ഒരു മാസ്സ്- കോമഡി എന്റർട്ടയിനർ രൂപത്തിലാ ണ് ചിത്രം അണിയിച്ചൊരുക്കിയിരിക്കുന്നത്. മമ്മൂട്ടിയുടെ കരിയറിലെ തന്നെ ഏറ്റവും വലിയ വരവേൽപ്പ് ലഭിച്ച ചിത്രങ്ങളിൽ ഒന്ന് തന്നെയാണ് മധുര രാജ. ആദ്യ ദിനം വമ്പൻ കളക്ഷൻ നേടിയ ചിത്രം പിന്നീട് നിറഞ്ഞ സദസ്സിൽ തന്നെയായിരുന്നു പ്രദർശനം തുടർന്നത്. യുവാക്കളും കുടുംബ പ്രേക്ഷകരും ഒരുപോലെ സ്വീകരിച്ച ചിത്രം 25 ദിവസം കേരളത്തിൽ വിജയകരമായി പ്രദർശനം പൂർത്തിയാക്കിയിരിക്കുകയാണ്.

10 ദിവസം കൊണ്ട് തന്നെ ചിത്രം 50 കോടി ക്ലബ്ബിൽ സ്ഥാനം ഉറപ്പിച്ചുവെന്ന് അണിയറ പ്രവത്തകർ അറിയിച്ചിരുന്നു .പുതിയ റിലീസുകൾ കേരള ബോക്സ് ഓഫീസിൽ പിന്നീട് ഉണ്ടായെങ്കിലും തീയറ്ററുകൾ നിലനിർത്തി രാജ ട്രിപ്പിൾ സ്‌ട്രോങ്ങാണെന്ന് തെളിയിച്ചിയിരിക്കുകയാണ്. കേരളത്തിലെ തന്നെ പല സ്ഥലങ്ങളിൽ എക്സ്ട്രാ ഷോസും നാലാം വാരത്തിൽ കളിക്കുന്നത് ചിത്രത്തിന്റെ വലിയ വിജയത്തെ സൂചിപ്പിക്കുന്നു. തമിഴ് നടൻ ജയ്യും ചിത്രത്തിൽ പ്രധാന വേഷം കൈകാര്യം ചെയ്യുന്നുണ്ട്. മഹിമ നമ്പ്യാർ, അനുശ്രീ, ഷംന കാസിം, അന്ന രാജൻ തുടങ്ങിയവരാണ് ചിത്രത്തിൽ നായികമാരായി വേഷമിടുന്നത്. രാജ മൂന്നാം ഭാഗമുണ്ടാവുമെന്ന് അണിയറ പ്രവർത്തകർ ഔദ്യോഗികമായി അറിയിക്കുകയും ചെയ്തിരുന്നു.