സൂപ്പർ താരങ്ങൾ അഭിനയത്തിനു പുറമേ സിനിമയിലെ മറ്റു മേഖലയിലേക്കും ചുവടുവയ്ക്കുന്ന കാലമാണിത്. നടൻ പൃഥ്വിരാജ് ലൂസിഫർ എന്ന ചിത്രം ഒരുക്കിയതും മോഹൻലാൽ ബാറോസ് എന്ന ബ്രഹ്മാണ്ട ചിത്രം സംവിധാനം ചെയ്യാൻ പോകുന്നതും മലയാള സിനിമയിലെ നടപ്പ് രീതികൾക്ക് വിപരീതമാണ്. മുഖ്യധാരാ നടന്മാർ ഇത്തരത്തിൽ മറ്റു മേഖലയിലും പരീക്ഷണം നടത്തുമ്പോൾ സിനിമയിൽ അഭിനയം അല്ലാതെ മറ്റേതെങ്കിലും മേഖലയിലേക്ക് തിരിയാൻ താല്പര്യമുണ്ടോ എന്ന ചോദ്യം മമ്മൂട്ടി നേരിടാൻ തുടങ്ങിയിട്ട് കാലങ്ങളേറെയായി. അത്തരത്തിലുള്ള ചോദ്യങ്ങൾക്ക് തന്റെ സ്വതസിദ്ധ ശൈലിയിൽ മമ്മൂട്ടി വീണ്ടും മറുപടി നൽകിയിരിക്കുകയാണ്. നവാഗതനായ സംവിധായകൻ ജോഫിൻ ടി ചാക്കോ ഒരുക്കുന്ന ദി പ്രീസ്റ്റ് എന്ന ചിത്രത്തിലെ പ്രചരണാർത്ഥം സംഘടിപ്പിച്ച പത്രസമ്മേളനത്തിലാണ് മമ്മൂട്ടി സിനിമയിലെ തന്റെ മറ്റ് പ്രവർത്തനങ്ങളെക്കുറിച്ചുള്ള നിലപാട് വ്യക്തമാക്കിയത്. മമ്മൂട്ടിയെ കൂടാതെ മഞ്ജുവാര്യർ, സംവിധായകൻ ജോഫിൻ ടി ചാക്കോ, ബി.ഉണ്ണി കൃഷ്ണൻ, ആന്റ്റോ ജോസഫ് എന്നിവരും പങ്കെടുത്ത പത്രസമ്മേളനത്തിൽ മമ്മൂട്ടി തന്റെ വരാനിരിക്കുന്ന പുതിയ ചിത്രങ്ങളുടെ വിശേഷങ്ങളും പങ്കുവച്ചു.
ദി പ്രീസ്റ്റ്, ഭീഷ്മപർവ്വം, പുഴു തുടങ്ങിയ പുതിയ ചിത്രങ്ങളുടെ വിശേഷങ്ങൾ പറയുമ്പോഴാണ് അഭിനയം അല്ലാതെ മറ്റേതെങ്കിലും മേഖലയിലേക്ക് തിരിയാൻ താല്പര്യമുണ്ടോയെന്ന് മാധ്യമ പ്രവർത്തകൻ ചോദിക്കുന്നത്. എന്റെ അഭിനയം ഇതുവരെ ശരിയായിട്ടില്ല. അത് ആദ്യം നേരെ ആവട്ടെ, എന്നിട്ട് സംവിധാനവും ബാക്കിയുള്ള കാര്യങ്ങളുമൊക്കെ നോക്കാം എന്നാണ് മമ്മൂട്ടി മറുപടി നൽകിയത്. മുമ്പ് നിരവധി തവണയും മമ്മൂട്ടി ഇത്തരത്തിലുള്ള ചോദ്യം നേരിട്ടിട്ടുണ്ട്. അപ്പോഴെല്ലാം അദ്ദേഹം നൽകിയ മറുപടിക്ക് സമാനമാണ് ഇപ്പോഴും നൽകിയിട്ടുള്ളത്. നിലവിൽ അമൽ നീരദ് സംവിധാനം ചെയ്യുന്ന ഭീഷ്മപർവം എന്ന ചിത്രത്തിലാണ് മമ്മൂട്ടി അഭിനയിച്ചു കൊണ്ടിരിക്കുന്നത്. ഈ ചിത്രത്തിന് ശേഷം നവാഗതയായ റത്തീന സംവിധാനം ചെയ്യുന്ന പുഴു എന്ന ചിത്രത്തിലാവും അഭിനയിക്കുക എന്നും മമ്മൂട്ടി പത്രസമ്മേളനത്തിൽ വ്യക്തമാക്കുകയും ചെയ്തു. നടി പാർവതി തിരുവോത്ത് ആണ് പുഴുവിൽ നായികയായി എത്തുന്നത്. പാർവതി ആദ്യമായിട്ടാണ് ഒരു മമ്മൂട്ടി ഈ ചിത്രത്തിൽ അഭിനയിക്കുന്നത്. ഈ ചിത്രത്തിൽ മമ്മൂട്ടി ആദ്യമായി ഒരു സ്ത്രീ സംവിധായികയുടെ ചിത്രത്തിൽ അഭിനയിക്കുന്നു പ്രത്യേകതയും ഉണ്ട്.
ഫോട്ടോ കടപ്പാട്: SHAMON SALIM
ധ്യാൻ ശ്രീനിവാസൻ നായകനാകുന്ന റൊമാന്റിക് ഡ്രാമ ചിത്രം 'വിവാഹ്'ന്റെ സെക്കൻഡ് ലുക്ക് പോസ്റ്റർ പുറത്തിറങ്ങി. ബ്ലെസ്സൺ എൽസ സംവിധാനം ചെയ്യുന്ന…
സംവിധായകൻ ജി. മാർത്താണ്ഡൻ ഒരുക്കുന്ന പുതിയ ചിത്രം 'ഓട്ടം തുള്ളൽ' ജൂലൈ 24ന് തിയേറ്ററുകളിലെത്തും. 'ഒരു തനി നാടൻ തുള്ളൽ'…
വിസ്മയ മോഹൻലാലിന്റെ അരങ്ങേറ്റ ചിത്രമായ ‘തുടക്കം’ എന്ന സിനിമയിലെ ആദ്യ വീഡിയോ ഗാനമായ ‘തളിരോമലേ... ചെറുതൂവലേ...’ പുറത്തിറങ്ങി. കെ. എസ്.…
സംവിധായകൻ ജി. മാർത്താണ്ഡൻ ഒരുക്കുന്ന ഏറ്റവും പുതിയ ചിത്രമായ 'ഓട്ടം തുള്ളൽ' ജൂലൈ 24 ന് തിയേറ്ററിൽ. 'ഒരു തനി…
പാൻ-ഇന്ത്യൻ ആക്ഷൻ–അഡ്വഞ്ചർ ചിത്രം ‘നാഗബന്ധം’ ട്രെയിലർ പുറത്തിറങ്ങി. പുരാണം, ചരിത്രം, ഫാന്റസി, സാഹസികത എന്നിവ സമന്വയിപ്പിച്ച വിപുലമായ ദൃശ്യലോകമാണ് ചിത്രം…
വിനീത് കുമാർ കേന്ദ്രകഥാപാത്രത്തെ അവതരിപ്പിക്കുന്ന പുതിയ ചിത്രം ‘നോട്ട്’ പൂജാ ചടങ്ങോടെ ഔദ്യോഗികമായി ആരംഭിച്ചു. നവാഗതരായ ആശിഷും കിരണും ചേർന്ന്…
This website uses cookies.