എന്നോട് എല്ലാ കഥയും എല്ലാവരും പറയാറില്ല; മലൈക്കോട്ടൈ വാലിബനെക്കുറിച്ച് മമ്മൂട്ടി

മെഗാസ്റ്റാർ മമ്മൂട്ടി നായകനായി വരുന്ന ലിജോ ജോസ് പെല്ലിശ്ശേരി ചിത്രം നൻ പകൽ നേരത്ത് മയക്കം റിലീസിന് ഒരുങ്ങുകയാണ്. ഈ വരുന്ന ജനുവരി പത്തൊൻപത് വ്യാഴാഴ്ച ആണ് ഈ മമ്മൂട്ടി ചിത്രം റിലീസ് ചെയ്യുക. അതിന് മുന്നോടിയായി ചിത്രത്തിന്റെ പ്രൊമോഷന്റെ ഭാഗമായി നടന്ന പ്രസ് മീറ്റിൽ, ലിജോ ജോസ് പെല്ലിശ്ശേരി- മോഹൻലാൽ ചിത്രം മലൈക്കോട്ടൈ വാലിബനെക്കുറിച്ചും മമ്മൂട്ടിയോട് ചോദ്യം വന്നു. ആ ചിത്രത്തെ കുറിച്ചു ചോദിച്ചപ്പോൾ മമ്മൂട്ടി പറഞ്ഞ മറുപടി, തന്നോട് എല്ലാ കഥയും എല്ലാവരും പറയാറില്ല എന്നും, താൻ ചോദിച്ചില്ല, അത് ശരിയല്ല എന്നുമാണ്. മോഹൻലാൽ നായകനായ ലിജോ ജോസ് പെല്ലിശ്ശേരി ചിത്രം 18 ന് രാജസ്ഥാനിലെ ജയ് സാൽമീറിൽ ആണ് ആരംഭിക്കുന്നത്.

ലിജോ തന്നെ രചിച്ച കഥക്ക് പി എസ് റഫീഖ് തിരക്കഥ രചിച്ച ഈ ചിത്രം ഷിബു ബേബി ജോണിന്റെ ജോൺ മേരി ക്രീയേറ്റീവ്, സെഞ്ച്വറി ഫിലിംസ്, മാക്സ്‌ലാബ് എന്നിവർ ചേർന്നാണ് നിർമ്മിക്കുന്നത്. കാത്ത നന്ദി, രാജ്പാൽ യാദവ്, സോണാലി, ഹരീഷ് പേരാടി, ഡാനിഷ് തുടങ്ങി ഒട്ടേറെ കലാകാരൻമാർ വേഷമിടുന്ന ഈ ചിത്രം ഒരു ബിഗ് ബഡ്ജറ്റ് മാസ്സ് പീരിയഡ് ചിത്രമാണ്. മമ്മൂട്ടി കമ്പനി എന്ന തന്റെ നിർമ്മാണ കമ്പനിയുടെ ബാനറിൽ അദ്ദേഹം തന്നെ നിർമ്മിച്ച ചിത്രമാണ് നൻ പകൽ നേരത്ത് മയക്കം. രമ്യാ പാണ്ട്യൻ, അശോകൻ, കൈനകരി തങ്കരാജ്, സുരേഷ് ബാബു, ചേതൻ ജയലാൽ, അശ്വന്ത് അശോക് കുമാർ, രാജേഷ് ശർമ്മ എന്നിവരും വേഷമിട്ട ഈ ചിത്രം രചിച്ചത് എസ് ഹരീഷ് ആണ്.