ഏറ്റവും കൂടുതൽ ഇഷ്ടമുള്ള ആ ഒരു കാര്യം നിർത്തിയതിനുള്ള കാരണം വ്യക്തമാക്കി മമ്മൂട്ടി

മലയാളികളുടെ സ്വകാര്യ അഹങ്കാരമാണ് നടൻ മമ്മൂട്ടി. വ്യക്തി ജീവിതത്തിൽ കൃത്യമായ നിലപാടും സാമൂഹിക പ്രശ്നങ്ങളിൽ പ്രതികരിക്കുകയും ചെയ്യുന്ന വ്യക്തിയാണ് മമ്മൂട്ടി. മമ്മൂട്ടിയുടെ പുകവലിയെ ഒരുകാലത്ത് മാധ്യമങ്ങൾ ഏറെ ചർച്ച ചെയ്ത വിഷ യമായിരുന്നു. ആരോഗ്യം സംരക്ഷിക്കുന്നതിന്റെ ഭാഗമായി ഇപ്പോൾ വർഷങ്ങളായി മമ്മൂട്ടി പുകവലി നിർത്തിയിട്ട്. പണ്ട് ഒരുപാട് വലിച്ചിരുന്ന വ്യക്തിയാണ് താനെന്നും മമ്മൂട്ടി ഒരു അഭിമുഖത്തിൽ സൂചിപ്പിച്ചിട്ടുണ്ട്. പുകവലി നിർത്തിയതിനെ കുറിച്ചു മമ്മൂട്ടി പണ്ട് ഒരു അഭിമുഖത്തിൽ തുറന്ന് പറഞ്ഞതാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.

താങ്കൾ നിഷ്കരണം തള്ളിക്കളഞ്ഞ ഏറ്റവും പ്രിയപ്പെട്ട കാര്യം എന്താണന്ന് അവതാരകൻ മമ്മൂട്ടിയോട് ചോദിച്ചപ്പോൾ വളരെ രസകരമായ മറുപടിയാണ് മമ്മൂട്ടി നൽകിയത്. പുകവലി തള്ളി കളഞ്ഞതാണ് തനിക്ക് ഏറ്റവും ഇഷ്ടപ്പെട്ട കാര്യമെന്ന് മമ്മൂട്ടി തുറന്ന് പറയുകയുണ്ടായി. ഒരു 15 വർഷങ്ങൾക്ക് മുൻപ് പുകവലിക്കുന്നത് ഏറെ ഇഷ്ടമായിരുന്നു എന്ന് താരം കൂട്ടിച്ചേർത്തു. പുകവലിക്കുന്നത് ശാരീരികമായി തനിക്ക് മാത്രമല്ല ആർക്കും നല്ലതല്ലയെന്നും നമ്മുടെ ശരീരത്തിന്റെ അഭിപ്രായം ചോദിക്കാതെയാണ് ഒരു സാധാനം കടത്തി വിടുന്നതെന്നും മമ്മൂട്ടി വ്യക്തമാക്കി. നമുക്ക് ജീവിക്കാൻ പുക വേണ്ടെന്നും ആഹാരവും വായും മാത്രം മതിയെന്നും മമ്മൂട്ടി സൂചിപ്പിക്കുകയായിരുന്നു. താൻ സിഗരറ്റ് വലിക്കുന്നത് എന്തായാലും കുറച്ചു പേരെങ്കിലും അനുകരികാതെ ഇരിക്കില്ലയെന്നും തന്റെ സിഗരറ്റ് വലി മറ്റുള്ളവരെ സ്വാധീനിക്കുന്നുണ്ടെങ്കിൽ അത് ഉപേക്ഷിക്കുന്നതാണ് നല്ലതെന്ന് തനിക്ക് തോന്നിയെന്നും മമ്മൂട്ടി വ്യക്തമാക്കി. ലോക്ക് ഡൗൺ സമയത്ത് ഫിറ്റ്നെസിന് ഏറെ പ്രാധാന്യം നൽകിക്കൊണ്ട് എന്നും വർക്ക്ഔട്ട് ചെയ്ത് ആരോഗ്യം സംരക്ഷിക്കുന്ന വ്യക്തിയാണ് നടൻ മമ്മൂട്ടി.