മെഗാസ്റ്റാർ മമ്മൂട്ടി നായകനായി എത്തുന്ന ഏറ്റവും പുതിയ ചിത്രങ്ങളിലൊന്നാണ് കാതൽ. രണ്ട് പെൺകുട്ടികൾ, കുഞ്ഞു ദൈവം, കിലോമീറ്റർസ് ആൻഡ് കിലോമീറ്റർസ്, ദി ഗ്രേറ്റ് ഇന്ത്യൻ കിച്ചൻ, ഫ്രീഡം ഫൈറ്റ് എന്നീ ചിത്രങ്ങൾക്ക് ശേഷം ജിയോ ബേബി സംവിധാനം ചെയ്യുന്ന ചിത്രമാണിത്. ലിജോ ജോസ് പെല്ലിശേരി ഒരുക്കിയ നൻ പകൽ നേരത്ത് മയക്കം, നിസാം ബഷീർ ഒരുക്കിയ റോഷാക്ക് എന്നിവക്ക് ശേഷം മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെ നിർമ്മിക്കുന്ന ഈ ചിത്രത്തിന്റെ ഹൈലൈറ്റ് ഇതിൽ നായികാ വേഷം ചെയ്യുന്നത് പ്രശസ്ത തെന്നിന്ത്യൻ നായികയായ ജ്യോതിക ആണെന്നതാണ്. പ്രിയദർശൻ ഒരുക്കിയ രാക്കിളിപ്പാട്ട്, ടി കെ രാജീവ് കുമാർ ഒരുക്കിയ സീതാകല്യാണം എന്നീ മലയാള ചിത്രങ്ങൾക്ക് ശേഷം, ഏകദേശം 13 വർഷം കഴിഞ്ഞാണ് ജ്യോതിക മലയാള സിനിമയിൽ തിരിച്ചെത്തുന്നത്. ഇപ്പോഴിതാ ഈ ചിത്രത്തിലേക്ക് ജ്യോതികയെ നിർദേശിച്ചത് മമ്മൂട്ടിയാണെന്ന വെളിപ്പെടുത്തലുമായി എത്തിയിരിക്കുകയാണ് സംവിധായകൻ ജിയോ ബേബി.
തിരക്കഥ കേട്ടയുടൻ കഥാപാത്രത്തിന് മമ്മൂട്ടി അനുയോജ്യനായിരിക്കുമെന്ന് തോന്നി എന്നും, താൻ കേട്ട കഥകളിൽ ഏറ്റവും താത്പര്യം തോന്നിയ ഒന്നാണ് ഈ ചിത്രത്തിന്റെ കഥയെന്നും ജിയോ ബേബി പറയുന്നു. കൊച്ചി ടൈംസിന് നൽകിയ അഭിമുഖത്തിലാണ് ജിയോ ബേബി മനസ്സ് തുറന്നത്. തന്റെ ഓരോ ചിത്രവും വ്യത്യസ്തമാകണമെന്നാണ് ആഗ്രഹമെന്നും കാതലും അത്തരത്തിൽ വ്യത്യസ്തമായ ചിത്രമാണെന്നും അദ്ദേഹം വിശദീകരിച്ചു. കഥയിഷ്ടപെട്ട മമ്മൂട്ടി തന്നെയാണ് അദ്ദേഹത്തിന്റെ ജോഡിയായി ജ്യോതികയുടെ പേര് കൂടി നിർദേശിച്ചതെന്നും ജിയോ ബേബി പറഞ്ഞു. ലാലു അലക്സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദർശ് സുകുമാരൻ എന്നിവരും വേഷമിടുന്ന ഈ ചിത്രം രചിച്ചിരിക്കുന്നത് ആദർഷ് സുകുമാരനും പോൾസൺ സ്കറിയയും ചേര്ന്നാണ്.
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.