ഇന്ന് മലയാള സിനിമയിലെ മികച്ച സംവിധായകരിൽ ഒരാളാണ് മഹേഷ് നാരായണൻ. മികച്ച എഡിറ്ററായി പേരെടുത്ത അദ്ദേഹം ടേക്ക് ഓഫ് എന്ന ചിത്രം സംവിധാനം ചെയ്ത് കൊണ്ടാണ് അരങ്ങേറ്റം കുറിച്ചത്. പാർവതി, കുഞ്ചാക്കോ ബോബൻ, ഫഹദ് ഫാസിൽ, ആസിഫ് അലി എന്നിവർ പ്രധാന വേഷങ്ങൾ ചെയ്ത ആ ചിത്രം വലിയ ഹിറ്റായി മാറിയിരുന്നു. അതിന് ശേഷം ഒടിടി റിലീസായെത്തി മികച്ച പ്രേക്ഷക പ്രതികരണം നേടിയ ഫഹദ് ഫാസിൽ ചിത്രങ്ങളായ മാലിക്, സീ യു സൂൺ എന്നിവയാണ് അദ്ദേഹമൊരുക്കിയത്. അതിനു ശേഷം ഫഹദ് ഫാസിൽ നായകനായ മലയൻ കുഞ്ഞ് രചിച്ച അദ്ദേഹം, കുഞ്ചാക്കോ ബോബൻ നായകനായ അറിയിപ്പ് എന്ന ചിത്രവും സംവിധാനം ചെയ്തു. എം ടി വാസുദേവൻ നായരയുടെ പത്ത് തിരക്കഥകളർ ആസ്പദമാക്കി ഒരുക്കുന്ന നെറ്റ്ഫ്ലിക്സ് ആന്തോളജി ചിത്രത്തിലെ ഒരു മണിക്കൂർ ദൈർഘ്യമുള്ള ഷെർലക് എന്ന ചിത്രവും അദ്ദേഹം ഒരുക്കിയിട്ടുണ്ട്. ഇതുവരെ റിലീസ് ചെയ്യാത്ത ആ ചിത്രത്തിൽ ഫഹദ് ഫാസിലാണ് നായകൻ.
ഇപ്പോൾ വരുന്ന സ്ഥിരീകരിക്കാത്ത ചില റിപ്പോർട്ടുകൾ പ്രകാരം അദ്ദേഹത്തിന്റെ അടുത്ത ചിത്രത്തിൽ മെഗാസ്റ്റാർ മമ്മൂട്ടിയാണ് നായകനായി എത്തുക. ഏപ്രിൽ മാസത്തിൽ ഈ ചിത്രം ആരംഭിക്കുമെന്നും സൂചനയുണ്ട്. ഇപ്പോൾ റോബി വർഗീസ് രാജ് ഒരുക്കുന്ന കണ്ണൂർ സ്ക്വാഡ് എന്ന ത്രില്ലർ ചിത്രത്തിലാണ് മമ്മൂട്ടി വേഷമിടുന്നത്. നൻ പകൽ നേരത്ത് മയക്കം, റോഷാക്ക്, കാതൽ എന്നിവക്ക് ശേഷം മമ്മൂട്ടി കമ്പനി നിർമ്മിക്കുന്ന ചിത്രമാണ് കണ്ണൂർ സ്ക്വാഡ്. ഇതിനു ശേഷം നവാഗതനായ ഡിനു ഡെന്നിസ് ഒരുക്കുന്ന ത്രില്ലറിലാണ് മമ്മൂട്ടി വേഷമിടുക എന്ന് റിപ്പോർട്ടുകളുണ്ട്. തീയേറ്റർ ഓഫ് ഡ്രീംസ് ആണ് ഈ ചിത്രം നിർമ്മിക്കുക. അതും പൂർത്തിയാക്കിയതിന് ശേഷമാകാം മഹേഷ് നാരായണൻ ചിത്രത്തിലേക്ക് അദ്ദേഹം വരിക. ആ ചിത്രവും മമ്മൂട്ടി കമ്പനിയാണോ നിർമ്മിക്കുക എന്നറിയാനുള്ള ആകാംഷയിലാണ് പ്രേക്ഷകർ. ഫാന്റം ഹോസ്പിറ്റൽ എന്ന ഒരു ഹിന്ദി ചിത്രവും മഹേഷ് നാരായണൻ ഒരുക്കുന്നുണ്ട്. അതുപോലെ കമൽ ഹാസൻ നായകനായ ചിത്രവും അദ്ദേഹം പ്ലാൻ ചെയ്യുന്നുണ്ടെന്ന് വാർത്തകൾ വന്നിരുന്നു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.