കരിയറിലെ ഏറ്റവും വലിയ ഓപ്പണിങ്ങിന് വേണ്ടി മമ്മൂട്ടി ഒരുങ്ങുന്നു

മമ്മൂട്ടി ആരാധകർ പ്രതീക്ഷയോടെ കാത്തിരിക്കുന്ന മാസ്റ്റർപീസ് റിലീസിങിന് ഒരുങ്ങുന്നു. ഈ വർഷം ക്രിസ്തുമസ് റിലീസ് ആയാണ് ചിത്രം എത്തുക. പൂർണ്ണമായും ആരാധകർക്ക് വേണ്ടി ഒരുക്കിയിരിക്കുന്ന ചിത്രം സംവിധാനം ചെയ്തിരിക്കുന്നത് അജയ് വാസുദേവൻ ആണ്.

മമ്മൂട്ടിയുടെ കരിയറിലെ ഏറ്റവും വലിയ റിലീസ് ആയി മാസ്റ്റർപീസ് എത്തിക്കാനാണ് ചിത്രത്തിന്റെ അണിയറ പ്രവർത്തകർ ശ്രമിക്കുന്നത്.

മാസ്റ്റർപീസ് സംവിധായകനായ അജയ് വാസുദേവന്റെ ആദ്യ ചിത്രമായ രാജാധിരാജയിലും മമ്മൂട്ടി തന്നെയായിരുന്നു നായകൻ. 150 കോടി ക്ലബ്ബിൽ ഇടം നേടിയ പുലിമുരുകന് ശേഷം ഉദയ്കൃഷ്ണ തിരക്കഥയെഴുതുന്ന പുതിയ ചിത്രം കൂടിയാണിത്.

ഏതാനും ദിവസങ്ങൾക്ക് മുന്നേ റിലീസ് ചെയ്ത ചിത്രത്തിന്റെ ടീസർ സോഷ്യൽ മീഡിയയിൽ വളരെ ശ്രദ്ധ നേടിയിരുന്നു. തമിഴ്/തെലുങ്ക് ആക്ഷൻ സിനിമകളുടെ ചേരുവകളുമായി എത്തുന്ന ചിത്രം മമ്മൂട്ടി ആരാധകരെ പൂർണമായി സംതൃപ്തിപ്പെടുത്തും എന്നാണ് അണിയറപ്രവർത്തകർ കരുതുന്നത്.