മെഗാസ്റ്റാർ മമ്മൂട്ടി നായകനായ ഏറ്റവും പുതിയ ചിത്രം കാതൽ ഇപ്പോൾ പ്രേക്ഷകരും നിരൂപകരും ഹൃദയത്തിലേറ്റുന്ന കാഴ്ചയാണ് കാണാൻ സാധിക്കുന്നത്. ഞെട്ടിക്കുന്ന പ്രമേയവും അത്തരമൊരു പ്രമേയം ചർച്ച ചെയ്യാൻ കാണിച്ച മനസ്സും മമ്മൂട്ടി ഉൾപ്പെടെയുള്ള അഭിനേതാക്കളുടെ മികച്ച പ്രകടനവും ഈ ചിത്രത്തെ പ്രേക്ഷകരുടെ പ്രീയപ്പെട്ടതാക്കുന്നു. കാതൽ കേരളം മുഴുവൻ ചർച്ചാ വിഷയമാകുമ്പോൾ, ജിയോ ബേബി എന്ന സംവിധായകനും മമ്മൂട്ടി എന്ന നടനും ആദർശ് സുകുമാരൻ, പോൾസൺ സ്കറിയ എന്നീ എഴുത്തുകാർക്കുമൊപ്പം കയ്യടി നൽകേണ്ടത് മമ്മൂട്ടി കമ്പനി എന്ന നിർമ്മാണ കമ്പനിക്കും കൂടിയാണ്. സ്ഥാപിതമായി വെറും രണ്ട് വർഷങ്ങൾ കൊണ്ട് ഈ കമ്പനിയിലൂടെ പുറത്ത് വന്നത് മലയാള സിനിമയിലെ ക്ലാസിക്കുകൾ ആയി മാറുന്ന നാല് ചിത്രങ്ങളാണ്. കലാമൂല്യം കൊണ്ടും പ്രേക്ഷക പ്രിയത കൊണ്ടും ഒരേപോലെ തിളങ്ങുകയാണ് ഈ ചിത്രങ്ങൾ. റോഷാക്ക്, നൻപകൽ നേരത്ത് മയക്കം, കണ്ണൂർ സ്ക്വാഡ്, കാതൽ എന്നിവയാണ് ഈ കമ്പനിയിൽ നിന്ന് ഇതുവരെ പുറത്ത് വന്നത്.
ഈ ഓരോ ചിത്രങ്ങളും പ്രേക്ഷകർ സ്വീകരിച്ചതിനൊപ്പം തന്നെ, ഇവ ചർച്ച ചെയ്ത പ്രമേയങ്ങൾ, ഇവയുടെ മേക്കിങ് സ്റ്റൈൽ, ഇതിലെ മമ്മൂട്ടിയുടെ പ്രകടനം എന്നിവയെല്ലാം വലിയ രീതിയിലാണ് സ്വീകരിക്കപ്പെട്ടത്. മലയാള സിനിമയെ അതിന്റെ സുവർണ്ണ കാലത്തിലേക്ക് വീണ്ടും കൈപിടിച്ച് നടത്തുകയാണ് മമ്മൂട്ടി കമ്പനി. അഭിനയത്തോടും നല്ല ചിത്രങ്ങളോടുമുള്ള ആർത്തി ഒരിക്കലും മാറാത്ത മമ്മൂട്ടി എന്ന പ്രതിഭ അമരത്തു നിൽക്കുമ്പോൾ മമ്മൂട്ടി കമ്പനി കൂടുതൽ ഉയരങ്ങളിലേക്കാണ് കുതിക്കുന്നത്. വൈശാഖ് സംവിധാനം ചെയ്യുന്ന ടർബോ എന്ന മാസ്സ് എന്റർടൈനറാണ് മമ്മൂട്ടി കമ്പനി ഇപ്പോൾ നിർമ്മിക്കുന്നത്. മലയാള സിനിമയുടെ കൊമേർഷ്യൽ സമവാക്യങ്ങൾ മാറ്റിയെഴുതുന്ന ഒരു പാൻ ഇന്ത്യൻ മാസ്സ് എന്റർടൈനറായിരിക്കും ടർബോ എന്നാണ് ഇപ്പോൾ ലഭിക്കുന്ന സൂചന. ഏതായാലും സിനിമക്കൊപ്പം ഒരു സിനിമാ നിർമ്മാണ കമ്പനിയും ചർച്ചാ വിഷയമാകുന്ന അപൂർവമായ കാഴ്ചക്കാണ് ഇപ്പോൾ മലയാള സിനിമ സാക്ഷ്യം വഹിക്കുന്നത്.
ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം എന്ന ചിത്രം ഓണം റിലീസായി പ്രേക്ഷകരുടെ…
യുവതാരം ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണത്തിന്റെ ട്രെയിലറിന് പാൻ ഇന്ത്യൻ തലത്തിൽ…
റീ റിലീസ് ചെയ്ത് സൂപ്പർ വിജയം നേടിയ മോഹൻലാൽ ചിത്രം ദേവദൂതൻ തീയേറ്ററുകളിൽ അൻപത് ദിവസം പിന്നിട്ട് പുതിയ ചരിത്രമാകുന്നു.…
മലയാളത്തിന്റെ മെഗാസ്റ്റാർ മമ്മൂട്ടിയെ നായകനാക്കി പ്രശസ്ത തമിഴ് സംവിധായകൻ ഗൗതം വാസുദേവ് മേനോൻ സംവിധാനം ചെയ്യുന്ന ചിത്രത്തിന്റെ ടൈറ്റിലും ഫസ്റ്റ്…
ദളപതി വിജയ് നായകനായ ഗോട്ട് എന്ന ചിത്രം കഴിഞ്ഞ ദിവസമാണ് ആഗോള റിലീസായി എത്തിയത്. വെങ്കട് പ്രഭു രചിച്ചു സംവിധാനം…
സി എൻ ഗ്ലോബൽ മൂവീസിന്റെ ബാനറിൽ ലിസി കെ ഫെർണാണ്ടസ് ആൻഡ് ടീം ചേർന്ന് നിർമ്മിച്ച്, അജു വർഗ്ഗീസ്, ജോണി…
This website uses cookies.