Mammootty Kalidas Jayaram Stills
ഇപ്പോൾ പുറത്തു വരുന്ന റിപ്പോർട്ടുകൾ ശരിയാണെങ്കിൽ മെഗാസ്റ്റാർ മമ്മൂട്ടിയും യുവ താരം കാളിദാസ് ജയറാമും ഒന്നിക്കുന്ന ഒരു ചിത്രം വരികയാണ്. പൂമരം എന്ന ചിത്രത്തിലൂടെ മലയാള സിനിമയിൽ ഈ വർഷം നായകനായി അരങ്ങേറിയ കാളിദാസ് ജയറാം ഇനി ചെയ്യാൻ പോകുന്നത് ജീത്തു ജോസഫ് ഒരുക്കുന്ന ഒരു മലയാള ചിത്രം ആണ്. തമിഴിൽ കാർത്തിക് നരെയ്ൻ ഒരുക്കുന്ന നാടക മേടൈ എന്ന ചിത്രത്തിലും കാളിദാസ് ജയറാം ആയിരിക്കും നായകൻ. മമ്മൂട്ടി- കാളിദാസ് ടീം ആദ്യമായി ഒരുമിക്കാൻ പോകുന്ന പോകുന്ന ചിത്രം സംവിധാനം ചെയ്യുന്നത് പുതുമുഖ സംവിധായകൻ ആയ രാം ദാസ് ആണ്. അദ്ദേഹം തന്നെ തിരക്കഥയും രചിക്കുന്ന ഈ ചിത്രത്തിന്റെ പേര് ജാനമ്മ ഡേവിഡ് എന്നാണ്. പ്രശസ്ത നടി മീന ആയിരിക്കും ഈ ചിത്രത്തിൽ മമ്മൂട്ടിയുടെ നായിക ആയെത്തുന്നത്. ചിത്രത്തിന്റെ തിരക്കഥാ രചന പുരോഗമിക്കുകയാണ് എന്നാണ് വിവരം.
അടുത്ത വർഷമേ സിനിമയുടെ ചിത്രീകരണം തുടങ്ങുകയുള്ളു എന്നാണ് അറിവ്. രാം ദാസ് പറഞ്ഞ കഥ കേട്ട് ഇഷ്ടപെട്ട മമ്മൂട്ടി അദ്ദേഹത്തോട് തന്നെ ചിത്രം സംവിധാനം ചെയ്യാൻ ആവശ്യപ്പെട്ടു എന്നാണ് വിവരം. ബിജിപാൽ സംഗീതം നൽകുന്ന ഈ ചിത്രത്തിന് ദൃശ്യങ്ങൾ ഒരുക്കാൻ പോകുന്നത് പ്രശസ്ത ക്യാമറാമാൻ ആയ എം ജെ രാധാകൃഷ്ണൻ ആയിരിക്കും. ഒരു കുടുംബ കഥ ആയിരിക്കും ഈ ചിത്രം പറയാൻ പോകുന്നത് എന്നാണ് സൂചന. അൽഫോൻസ് പുത്രൻ അടുത്താതെയി സംവിധാനം ചെയ്യാൻ പോകുന്ന തമിഴ് ചിത്രത്തിലും കാളിദാസ് ആയിരിക്കും നായകൻ എന്ന വാർത്തകളും പുറത്തു വന്നിരുന്നു. ഏതായാലും മമ്മൂട്ടി- കാളിദാസ് ചിത്രത്തിന്റെ കൂടുതൽ വിവരങ്ങൾ അധികം വൈകാതെ തന്നെ അണിയറപ്രവർത്തകർ പുറത്തു വിടുമെന്നാണ് പ്രതീക്ഷിക്കുന്നത്. സേതു സംവിധാനം ചെയ്ത കുട്ടനാടൻ ബ്ലോഗ് ആണ് മമ്മൂട്ടിയുടെ അടുത്ത റിലീസ്. ഓണം റിലീസ് ആയി ഈ ചിത്രം തീയേറ്ററുകളിൽ എത്തും.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.