സഹായിക്കാനെത്തിയത് മമ്മൂട്ടി മാത്രം, മാതാവാണെ സത്യം ഞാന്‍ ആരെയും വഞ്ചിച്ചിട്ടില്ല; തുറന്നു പറഞ്ഞ് നടി മോളി കണ്ണമാലി

കുറച്ചു ആഴ്ചകൾ മുൻപാണ് രോഗ ബാധിതയായി ദുരിതത്തിൽ കഴിയുന്ന മോളി കണ്ണമാലിയുടെ അവസ്‌ഥ സോഷ്യൽ മീഡിയയിൽ വൈറൽ ആയത്. അന്ന് മോളിയെ സഹായിക്കാം എന്ന വാഗ്ദാനം നൽകിയത് മെഗാ സ്റ്റാർ മമ്മൂട്ടി ആണ്. ഹൃദയ സംബന്ധമായ അസുഖത്തെ തുടര്‍ന്ന് ആണ് മോളി കണ്ണമാലി അവശനിലയില്‍ ആയത്. സാമ്പത്തികമായി വളരെ മോശം സ്ഥിതിയിൽ കഴിയുന്ന മോളി കണ്ണമാലിയുടെ ചികിത്സ ചെലവുകൾ അന്ന് മമ്മൂട്ടി ഏറ്റെടുത്തിരുന്നു. എന്നാൽ അതിന് പിന്നാലെ ആണ് ഈ നടിക്ക് അസുഖമൊന്നുമില്ലെന്നും എല്ലാവരെയും പറ്റിക്കുകയാണെന്നുമുള്ള ചില വ്യാജ പ്രചാരണങ്ങൾ സോഷ്യല്‍ മീഡിയയില്‍ നിറഞ്ഞത്. ഇപ്പോഴിതാ ആ ആരോപണങ്ങൾക്കു മറുപടിയുമായി സത്യാവസ്ഥ തുറന്നുപറഞ്ഞ് രംഗത്തെത്തിയിരിക്കുകയാണ് മോളി കണ്ണമാലി. ഏഷ്യാവില്ലുമായുള്ള ഒരു അഭിമുഖത്തിലാണ് ഈ നടി ഇതിനെ കുറിച്ചുള്ള തന്റെ മറുപടി പറയുന്നത്.

മോളി കണ്ണമാലി പറയുന്നത് മാതാവ് സത്യമായി താൻ ആരെയും വഞ്ചിച്ചിട്ടില്ല എന്നും ഇങ്ങനെ ഒക്കെ പ്രചരിപ്പിക്കുന്നത് ആരാണെന്ന് അറിയില്ല എന്നുമാണ്. അവര്‍ക്ക് തന്നോട് വല്ല വൈരാഗ്യമുണ്ടോ എന്നും അറിയില്ല എന്നു പറഞ്ഞ ഈ നടി തനിക്ക് ആരോടും ഒന്നുമില്ല എന്നും പറയുന്നു. തന്റെ ഈ അവസ്ഥയും കോലവും കണ്ട് പറയുമോ താന്‍ നാട്ടുകാരെ പറ്റിക്കുകയാണെന്ന് എന്നും മോളി ചോദിക്കുന്നുണ്ട്. തന്നെ നേരിട്ട് വന്ന് കണ്ടിട്ട് നിങ്ങള്‍ പറ എന്നാണ് മോളി പറയുന്നത്.