പ്രശസ്ത സംവിധായകൻ ഒമർ ലുലു ഒരുക്കിയ ഒരു അഡാര് ലവ് എന്ന ചിത്രത്തിലെ ആദ്യ ഗാനം ഇന്നലെ റിലീസ് ചെയ്തിരുന്നു. ഈ ഗാനത്തിന് ഇപ്പോൾ മെഗാ സ്റ്റാർ മമ്മൂട്ടിയുടേയും അഭിനന്ദനം ലഭിച്ചിരിക്കുകയാണ്. തന്റെ ചിത്രത്തിലെ ഈ ഗാനം വാട്സാപ്പ് വഴി ഒമർ ലുലു മമ്മൂട്ടിക്ക് അയച്ചു കൊടുക്കുകയും അത് കണ്ടിട്ട് മമ്മൂട്ടി ഗാനം ഇഷ്ടപെട്ടെന്നു സൂചിപ്പിച്ചു കൊണ്ടുള്ള സ്മൈലി റിപ്ലൈ ആയി കൊടുക്കുകയുമാണ് ചെയ്തത്.
തനിക്കു ഇനി മറ്റൊന്നും വേണ്ട എന്ന ക്യാപ്ഷൻ ഇട്ടു മെഗാസ്റ്റാർ മമ്മൂട്ടിയുടെ ആ മെസ്സേജിന്റെ സ്ക്രീൻ ഷോട്ട് ഒമർ ലുലു തന്റെ ഫേസ്ബുക് പേജ് വഴി ഷെയർ ചെയ്യുകയും ചെയ്തു. നേരത്തെ ഈ ചിത്രത്തിന്റെ പൂജ സമയത്തും, ഒമർ ലുലുവിന്റെ ക്ഷണം കണ്ട മമ്മൂട്ടി വാട്സാപ്പ് വഴി അദ്ദേഹത്തിനോട് ബെസ്റ്റ് വിഷസ് അറിയിച്ച വിവരം ഒമർ ലുലു പറഞ്ഞിരുന്നു.
ഹാപ്പി, വെഡ്ഡിംങ്, ചങ്ക്സ് എന്നീ ചിത്രങ്ങൾക്ക് ശേഷം ഒമർ ലുലു ഒരുക്കുന്ന ചിത്രമാണ് ഒരു അഡാര് ലവ്. പുതുമുഖങ്ങളെ വെച്ച് ഒരുക്കുന്ന ഈ ചിത്രം സ്കൂൾ ലൈഫിന്റെ കഥയാണ് പറയുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.
വലിയ രീതിയിലുള്ള ഓഡിഷൻ നടത്തിയാണ് ഇതിലെ പ്രധാന കഥാപാത്രങ്ങൾ അവതരിപ്പിക്കുന്ന പുതുമുഖങ്ങളെ ഒമർ ലുലു കണ്ടെത്തിയത്. ഷാൻ റഹ്മാൻ സംഗീതം നൽകി വിനീത് ശ്രീനിവാസൻ ആലപിച്ച ഗാനമാണ് ഈ ചിത്രത്തിലേതായി ഇന്നലെ റിലീസ് ചെയ്തത്.
ഈ ഗാനം ഇപ്പോൾ സോഷ്യൽ മീഡിയയിൽ വലിയ തരംഗമായി കഴിഞ്ഞു എന്ന് തന്നെ പറയാം. ഗംഭീര പ്രേക്ഷകാഭിപ്രായമാണ് ഈ ഗാനം നേടിയെടുക്കുന്നത്. ഒമർ ലുലുവിന്റെ ആദ്യ രണ്ടു ചിത്രങ്ങളും ബോക്സ് ഓഫീസിൽ സൂപ്പർ ഹിറ്റ് ആയിരുന്നു. ഒരു അഡാര് ലവിലൂടെ ഹാട്രിക് വിജയമാണ് ഒമർ ലുലു ലക്ഷ്യമിടുന്നത്.
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
This website uses cookies.