[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ആ കോളേജ് പയ്യന്‍ സിനിമയിലെത്തിയത് അര നൂറ്റാണ്ട് മുമ്പ് ഇതേ ദിവസം; അഭിനയ ജീവിതത്തിന്റെ അമ്പതാം വര്‍ഷത്തില്‍ മമ്മൂട്ടി..!

മമ്മൂട്ടി എന്ന മലയാളത്തിന്റെ മഹാനടൻ ഇന്ന് സിനിമയിൽ വന്നിട്ട് അമ്പതു വർഷം പൂർത്തിയാക്കുകയാണ്. 50 വര്‍ഷങ്ങള്‍ക്ക് മുമ്പ് ഒരു ആഗസ്റ്റ് ആറിനാണ് കോട്ടയം ജില്ലയിലെ ചെമ്പിലെ പി.ഐ മുഹമ്മദ് കുട്ടിയെന്ന കോളേജ് പയ്യന്‍ ആദ്യമായി സിനിമയില്‍ തന്റെ മുഖം കാണിക്കുന്നത്. തകഴിയുടെ അനുഭവങ്ങള്‍ പാളിച്ചകള്‍ എന്ന സിനിമ കെ.എസ്. സേതുമാധവന്‍ അതേ പേരില്‍ സിനിമ ആക്കിയപ്പോൾ അതിൽ ഒരു ജൂനിയർ ആര്ടിസ്റ് ആയാണ് മമ്മൂട്ടി അഭിനയിച്ചത്. 50 വര്‍ഷങ്ങള്‍ക്ക് ശേഷം ആ കോളേജ് പയ്യന്‍ ഇന്ന് മമ്മൂട്ടി എന്ന പേരിൽ മലയാള സിനിമയുടെ നേടും തൂണുകളിൽ ഒന്നായി നിൽക്കുന്നു. 1971 ഓഗസ്റ്റ് 6 നു റിലീസ് ചെയ്ത അനുഭവങ്ങള്‍ പാളിച്ചകള്‍ എന്ന ചിത്രത്തിൽ ബഹുദൂറിന്റെ കൂടെ ഒരു സീനിലായിരുന്നു മമ്മൂട്ടി അഭിനയിച്ചത്. എന്നാൽ മമ്മൂട്ടിക്ക് ആദ്യമായി ഒരു ഡയലോഗ് കിട്ടിയത് 1973 ല്‍ അഭിനയിച്ച കാലചക്രത്തിലാണ്. പിന്നീട് ഏഴു വർഷത്തെ കാത്തിരിപ്പിനു ശേഷം എം.ടി. വാസുദേവന്‍ നായര്‍ കഥയും തിരക്കഥയും സംഭാഷണവുമെഴുതി സംവിധാനം ചെയ്ത ദേവലോകം എന്ന മലയാള ചിത്രത്തിലാണ് മമ്മൂട്ടിക്ക് ഒരു വേഷം ലഭിക്കുന്നത്.

എന്നാല്‍ ഈ ചിത്രത്തിന്റെ ചിത്രീകരണം പൂര്‍ത്തിയായില്ല എന്നത് തിരിച്ചടിയായി. സജിന്‍ എന്ന പേരിൽ ആണ് മമ്മൂട്ടി ആ സമയത്തു അഭിനയ രംഗത്ത് സജീവമായത് എങ്കിലും പിന്നീട് മുഹമ്മദ് കുട്ടി മമ്മൂട്ടി ആയി. 1980 ല്‍ കെ.ജി ജോര്‍ജ് സംവിധാനം ചെയ്ത മേളയാണ് മമ്മൂട്ടിക്ക് കരിയറില്‍ ബ്രേക്ക് നൽകുന്നത്. നായക വേഷം അല്ലെങ്കിലും അതിലെ നിർണ്ണായക വേഷം മമ്മൂട്ടിക്ക് വലിയ പ്രേക്ഷക ശ്രദ്ധ നേടിക്കൊടുത്തു. പിന്നീട് പി.ജി വിശ്വംഭരന്‍, ഐ.വി ശശി, ജോഷി, സാജൻ തുടങ്ങി ഒട്ടേറെ സംവിധായകരുടെ ചിത്രങ്ങളിലൂടെ വലിയ താരമായ മമ്മൂട്ടി 1987 ഇൽ റിലീസ് ചെയ്ത ന്യൂഡൽഹി എന്ന ജോഷി- ഡെന്നിസ് ജോസഫ് ചിത്രത്തിലൂടെ മലയാളത്തിലെ സൂപ്പർ താരങ്ങളിൽ ഒരാളായി മാറി. 50 വര്‍ഷത്തെ അഭിനയ കാലയളവില്‍ മികച്ച നടനുള്ള ദേശീയപുരസ്‌കാരം മൂന്ന് തവണ നേടിയ മമ്മൂട്ടി അഞ്ചു സംസ്ഥാന അവാർഡും 12 തവണ ഫിലിംഫെയര്‍ പുരസ്‌കാരവും സ്വന്തമാക്കി. ഇതിനോടകം നാനൂറിൽ അധികം സിനിമകളിൽ അഭിനയിച്ച അദ്ദേഹത്തിന് ഭാരത സർക്കാരിന്റെ പദമശ്രീ പുരസ്‍കാരവും ലഭിച്ചിട്ടുണ്ട്.

webdesk

Recent Posts

അജിത് കുമാർ- മഗിഴ് തിരുമേനി ചിത്രം ‘വിടാമുയർച്ചി’ കേരളാ ടിക്കറ്റ് ബുക്കിംഗ് ആരഭിച്ചു; ചിത്രം കേരളത്തിലെത്തിക്കുന്നത് ശ്രീ ഗോകുലം മൂവീസ്

തമിഴകത്തിന്റെ സൂപ്പർതാരം അജിത് കുമാറിനെ നായകനാക്കി പ്രശസ്ത സംവിധായകൻ മഗിഴ് തിരുമേനി സംവിധാനം ചെയ്ത 'വിടാമുയർച്ചി'യുടെ കേരളത്തിലെ ടിക്കറ്റ് ബുക്കിംഗ്…

11 hours ago

ദുൽഖർ സൽമാൻ ചിത്രം ‘കാന്ത’ ഫസ്റ്റ് ലുക്ക് ഇന്ന്

ബ്ലോക്ക്ബസ്റ്റർ ഹിറ്റായ പാൻ ഇന്ത്യൻ തെലുങ്ക് ചിത്രം ലക്കി ഭാസ്കറിന് ശേഷം ദുൽഖർ സൽമാൻ നായകനായെത്തുന്ന 'കാന്ത'യുടെ ഫസ്റ്റ് ലുക്ക്…

11 hours ago

മോഹൻലാലിൻറെ ബ്രഹ്മാണ്ഡ പാൻ ഇന്ത്യൻ ചിത്രം ‘വൃഷഭ’ ചിത്രീകരണം പൂർത്തിയായി

മോഹൻലാലിനെ നായകനാക്കി ഒരുക്കുന്ന ബ്രഹ്മാണ്ഡ പാൻ ഇന്ത്യൻ ഇതിഹാസ ചിത്രം വൃഷഭയുടെ ചിത്രീകരണം പൂർത്തിയായി. മുംബൈയിൽ നടന്ന അവസാന ഷെഡ്യൂളോടെയാണ്…

11 hours ago

രണ്ടാം വാരത്തിൽ കേരളത്തിലെ 175 സ്‌ക്രീനുകളിൽ ‘ഡൊമിനിക് ആൻഡ് ദ ലേഡീസ് പേഴ്സ്’; പ്രദർശന വിജയം തുടർന്ന് മമ്മൂട്ടി- ഗൗതം മേനോൻ ചിത്രം

മെഗാസ്റ്റാർ മമ്മൂട്ടിയെ നായകനാക്കി സൂപ്പർ ഹിറ്റ് സംവിധായകൻ ഗൗതം വാസുദേവ് മേനോൻ ഒരുക്കിയ "ഡൊമിനിക് ആൻഡ് ദ ലേഡീസ് പേഴ്സ്"…

2 days ago

ഒരു വടക്കൻ വീരഗാഥാ പ്രിവ്യൂ ഷോ ചെന്നൈയിൽ നടന്നു

മലയാളത്തിലെ എക്കാലത്തെയും ക്ലാസിക് ചിത്രങ്ങളിലൊന്നായ ഒരു വടക്കൻ വീരഗാഥയുടെ 4 K പതിപ്പിന്റെ പ്രിവ്യൂ ഷോ ചെന്നൈയിൽ നടന്നു. ക്യൂബ്സ്…

3 days ago

മാസ് മാർക്കോയ്ക്ക് ശേഷം കൂൾ ലുക്കിൽ ഉണ്ണി മുകുന്ദൻ; ‘ഗെറ്റ് സെറ്റ് ബേബി’യുടെ റിലീസ് തിയതി പുറത്തു വിട്ടു.

പാന്‍ ഇന്ത്യന്‍ ബ്ലോക്ക് ബസ്റ്ററായ മാര്‍ക്കോയ്ക്ക് ശേഷം ഉണ്ണിമുകുന്ദന്‍ നായകനാവുന്ന 'ഗെറ്റ് സെറ്റ് ബേബി'യുടെ റിലീസ് തിയതി പുറത്തു വിട്ടു.…

4 days ago

This website uses cookies.