ബോബി സഞ്ജയ് ചിത്രം വൺ; കേരള മുഖ്യമന്ത്രിയാവാൻ മെഗാസ്റ്റാർ മമ്മൂട്ടി

മലയാളത്തിലെ ഏറ്റവും ശ്രദ്ധേയരായ തിരക്കഥാകൃത്തുക്കളാണ് ബോബി- സഞ്ജയ്. അടുത്തിടെ ഇരുവരും രചിച്ച ‘ഉയരെ’ കേരള ബോക്സ് ഓഫീസിൽ വമ്പൻ വിജയം കരസ്ഥമാക്കി മുന്നേറി കൊണ്ടിരിക്കുകയാണ്. ബോബി- സഞ്ജയ് എന്നിവർ അടുത്ത തിരക്കഥ രച്ചിക്കുന്നത് മെഗാസ്റ്റാർ മമ്മൂട്ടിയ്ക്ക് വേണ്ടിയാണനാണ് റിപ്പോർട്ടുകൾ സൂചിപ്പിക്കുന്നത്. ഒരു പൊളിറ്റിക്കൽ ത്രില്ലർ ആയിരിക്കുമെന്ന് സൂചനയുണ്ട്. ‘ചിറകൊടിഞ്ഞ കിനാക്കൾ’ എന്ന സിനിമയുടെ സംവിധായകൻ സന്തോഷ് വിശ്വനാഥായിരിക്കും ചിത്രം സംവിധാനം ചെയ്യുക. ഇപ്പോൾ ലഭിക്കുന്ന റിപ്പോർട്ടുകൾക്കനുസരിച്ചു ‘വൺ’ എന്നാണ് ചിത്രത്തിന് ടൈറ്റിൽ നൽകിയിരിക്കുന്നത്. ഇച്ചായിസ് പ്രൊഡക്ഷന്റെ ബാനറിലാണ് ചിത്രം നിർമ്മിക്കുന്നത്. കേരള മുഖ്യമന്ത്രിയുടെ വേഷമായിരിക്കും മമ്മൂട്ടി ചിത്രത്തിൽ കൈകാര്യം ചെയ്യുക.

വിഷ്ണു ഉണ്ണികൃഷ്ണൻ, രഞ്ജി പണിക്കർ, ശ്രീനിവാസൻ ചിത്രത്തിൽ പ്രധാന വേഷങ്ങൾ കൈകാര്യം ചെയ്യും എന്ന വാർത്തയുണ്ട്, എന്നാൽ ഔദ്യോഗിക സ്ഥിതികരണത്തിനായി എല്ലാവരും കാത്തിരിക്കുകയാണ്. ഈ വർഷം തന്നെ സിനിമയുടെ ചിത്രീകരണം ആരംഭിക്കും. മമ്മൂട്ടിയുമായി ആദ്യമായിട്ടാണ് ബോബി- സഞ്ജയ് എന്നിവർ ഒന്നിക്കുന്നത്. ‘മാമാങ്കം’ സിനിമയുടെ ചിത്രീകരണത്തിന്റെ തിരക്കിലാണ് മമ്മൂട്ടി. പദ്മകുമാറാണ് ചിത്രം സംവിധാനം ചെയ്യുന്നത്. അതിന് ശേഷം രമേശ് പിഷാരടി ചിത്രം ‘ഗാനഗന്ധർവൻ’ എന്ന ചിത്രത്തിൽ താരം ഭാഗമാവും. അമൽ നീരദിന്റെ ബിലാലും, അമീറുമെല്ലാം അണിയറയിൽ ഒരുങ്ങുന്ന വലിയ ചിത്രങ്ങൾ