‘ഭീഷ്മ പർവ്വം’ തിയേറ്റർ ഇളക്കിമറിക്കുമോ..? രസകരമായ ചോദ്യത്തിന് മമ്മൂട്ടിയുടെ കിടിലൻ മറുപടി….

സിനിമാപ്രേമികൾ വളരെ ആവേശത്തോടെയാണ് ഭീഷ്മ പർവ്വം എന്ന ചിത്രത്തിന്റെ പ്രഖ്യാപനത്തെ ഏറ്റെടുത്തത്. വർഷങ്ങൾക്കുശേഷം സംവിധായകൻ അമൽ നീരദും മമ്മൂട്ടിയും ഒന്നിക്കുന്ന പുതിയ ചിത്രം ഭീഷ്മ പർവ്വത്തിന്റെ ഫസ്റ്റ് ലുക്ക് പോസ്റ്റർ സാമൂഹ്യ മാധ്യമങ്ങളിൽ വലിയ തരംഗമാണ് സൃഷ്ടിച്ചത്. വളരെ വലിയ സസ്പെൻസ് നൽകിക്കൊണ്ടാണ് ചിത്രത്തിന്റെ പേരും മമ്മൂട്ടിയുടെ വ്യത്യസ്തമായ ഗെറ്റപ്പും അണിയറ പ്രവർത്തകർ പുറത്തുവിട്ടത്. പ്രേക്ഷകർ വളരെ പ്രതീക്ഷയോടെ കാത്തിരിക്കുന്ന ബിലാൽ എന്ന ചിത്രത്തിന് മുൻപായി ഭീഷ്മ പർവ്വം എത്തുമെന്ന പ്രഖ്യാപനവും ആരാധകരിൽ വലിയ ആവേശം നൽകിയിരുന്നു. മമ്മൂട്ടിയോടൊപ്പം മലയാളത്തിലെ തന്നെ നിരവധി താരങ്ങൾ ഈ ചിത്രത്തിൽ അണിനിരക്കും. ചിത്രത്തിൽ മമ്മൂട്ടി ഒരു ഗ്യാങ് ലീഡർ ആയാണ് എത്തുന്നതെന്ന് റിപ്പോർട്ടുകൾ പുറത്തു വന്നിരുന്നു. എന്നാൽ അണിയറ പ്രവർത്തകർ ഇതുവരെയും ചിത്രത്തെ കുറിച്ചുള്ള കൂടുതൽ വിവരങ്ങളൊന്നും പുറത്തുവിട്ടിട്ടില്ല. പ്രേക്ഷകർ വളരെ ആകാംക്ഷയോടെ ഉറ്റുനോക്കുന്ന ചിത്രത്തെക്കുറിച്ച് മമ്മൂട്ടി നടത്തിയ പരാമർശം ഏറെ ശ്രദ്ധേയമായിരിക്കുകയാണ്. മമ്മൂട്ടിയുടെ പുതിയ ചിത്രം വണ്ണിന്റെ വിജയാഘോഷമായി ബന്ധപ്പെട്ട സംഘടിപ്പിച്ച പത്രസമ്മേളനത്തിലാണ് ആരാധകർ കാത്തിരിക്കുന്ന ഭീഷ്മപർവ്വത്തെ കുറിച്ച് മമ്മൂട്ടി വളരെ രസകരമായ പരാമർശം നടത്തിയത്.

മാധ്യമ പ്രവർത്തകന്റെ രസകരമായ ചോദ്യത്തിന് മമ്മൂട്ടിയുടെ കിടിലൻ മറുപടിയെന്ന് വിശേഷിപ്പിക്കാവുന്ന പ്രസ്താവന ഇതിനോടകം ആരാധകർ ഏറ്റെടുത്തിരിക്കുകയാണ്. ഭീഷ്മ പർവ്വത്തിൽ ഒരു കട്ടമാസ് പ്രതീക്ഷിക്കാമോ ചിത്രം തീയേറ്റർ ഇളക്കിമറിക്കുമൊ എന്ന ചോദ്യത്തിന് മമ്മൂട്ടി നൽകിയ മറുപടി ഇങ്ങനെ: ഇളക്കിമറിക്കും എന്നൊക്കെ ഞാൻ പറഞ്ഞാൽ. മറിഞ്ഞില്ലെങ്കിൽ നിങ്ങൾ എന്റെ മേക്കത്ത് കേറില്ലേ ? നമ്മൾ അതിനൊക്കെ നോക്കുന്നുണ്ട്, നിങ്ങളും കൂടി ഒത്തുപിടിച്ചാൽ ഇതൊക്കെ നമുക്ക് തരിപ്പണമാക്കി കളയാം. മമ്മൂട്ടിയുടെ ഈ മറുപടി ചിത്രത്തിനു വേണ്ടി കാത്തിരിക്കുന്ന ആരാധകരെ സംബന്ധിച്ചിടത്തോളം വലിയ ആവേശവും പ്രതീക്ഷയും നൽകുന്ന ഒന്നാണ്. നിലവിൽ പുറത്ത് വന്നിരിക്കുന്ന ചിത്രത്തിന്റെ പോസ്റ്ററും മമ്മൂട്ടിയുടെ കഥാപാത്രത്തെ സംബന്ധിക്കുന്ന ചില റിപ്പോർട്ടുകളും നൽകുന്ന സൂചന ഭീഷ്മപർവ്വം ഒരു കട്ടമാസ് ചിത്രമായിരിക്കും എന്ന് തന്നെയാണ്. ചിത്രത്തിന്റെ കൂടുതൽ വിശേഷങ്ങൾ വരും ദിവസങ്ങളിൽ പുറത്തുവരുമെന്നാണ് ഏവരും പ്രതീക്ഷിക്കുന്നത്.

ഫോട്ടോ കടപ്പാട്: Babi Photography

webdesk