വീണ്ടും പ്രമോദ് പപ്പനിക്ക് അപ്പ്രോച്; തസ്ക്കരവീരൻ 2 വരുന്നു

69 വയസ്സ് പൂർത്തിയാക്കി മലയാള സിനിമയിൽ ഇന്നും നിറഞ്ഞു നിൽക്കുന്ന താരമാണ് മമ്മൂട്ടി. കൈനിറയെ ചിത്രങ്ങളാണ് മമ്മൂട്ടിയ്ക്ക് വേണ്ടി അണിയറയിൽ ഒരുങ്ങുന്നത്. സന്തോഷ് വിശ്വനാഥ് സംവിധാനം ചെയ്തിരിക്കുന്ന വൺ പോസ്റ്റ് പ്രൊഡക്ഷൻ വർക്കുകൾ പൂർത്തിയാക്കി റിലീസിന് തയ്യാറെടുത്തിയിരിക്കുകയാണ്. കൊറോണയുടെ കടന്ന് വരവ് മൂലം തീയറ്ററുകൾ അടച്ചിട്ടിരിക്കുന്നത് സിനിമ മേഖലയ്ക്ക് കനത്ത തിരിച്ചടിയായിരിക്കുകയാണ്. മമ്മൂട്ടി ചിത്രമായ വൺ തീയറ്റർ റിലീസ് ആയിരിക്കുമോ ഒ.ടി.ടി റിലീസ് ആയിരിക്കുമോ എന്ന ആകാംക്ഷയിലാണ് ആരാധകർ. ഇപ്പോൾ ലഭിക്കുന്ന റിപ്പോർട്ടുകൾ അനുസരിച്ചു ഒരു കാലത്ത് ഏറെ ശ്രദ്ധ നേടിയ തസ്കരവീരൻ എന്ന ചിത്രത്തിന്റെ രണ്ടാം ഭാഗം അണിയറയിൽ ഒരുങ്ങുകയാണ്.

മമ്മൂട്ടി, നയൻതാര എന്നിവരെ കേന്ദ്ര കഥാപാത്രങ്ങളാക്കി പ്രമോദ്‌ പപ്പൻ സംവിധാനം ചെയ്ത ചിത്രമാണ് തസ്ക്കരവീരൻ. അറക്കളം കൊച്ചു ബേബി എന്ന കഥാപാത്രമായി മമ്മൂട്ടി മികച്ച പ്രകടനമാണ് കാഴ്ച്ചവെച്ചത്. 15 വർഷങ്ങൾക്ക് ശേഷമാണ് ഇപ്പോൾ തസ്ക്കരവീരൻ രണ്ടാം ഭാഗം ഒരുങ്ങുന്നത്. പ്രമോദ് പപ്പൻ തന്നെയാണ് ചിത്രം സംവിധാനം ചെയ്യുന്നത്. മമ്മൂട്ടിയുടെ പിറന്നാൾ ദിവസം പ്രമോദ് പപ്പൻ ഒരുക്കിയ കലാ ഭൈരവൻ എന്ന മ്യൂസിക്കൽ വിഡിയോ സമൂഹ മാധ്യമങ്ങളിൽ ഏറെ ശ്രദ്ധേയമായിരുന്നു. മമ്മൂട്ടിയുടെ ഒരുപാട് വേഷപകർച്ചകൾ കോർത്തിണക്കി ഔസേപ്പച്ചന്റെ സംഗീതത്തിൽ പുറത്തിറങ്ങിയ കലാ ഭൈരവൻ ഒരുപാട് സിനിമ താരങ്ങളും ഷെയർ ചെയ്തിരുന്നു. 2013 ൽ പുറത്തിറങ്ങിയ മുസാഫിർ എന്ന ചിത്രമാണ് പ്രമോദ് പപ്പൻ അവസാനമായി സംവിധാനം ചെയ്ത ചിത്രം. 7 വർഷങ്ങൾക്ക് ശേഷം മലയാള സിനിമയിൽ വലിയൊരു തിരിച്ചുവരവിന് ഒരുങ്ങുകയാണ് പ്രമോദ് പപ്പൻ.