സൂപ്പർ താരം മമ്മൂട്ടി നായകനായ മാമാങ്കം എന്ന എം പദ്മകുമാർ ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച നടിയാണ് പ്രാചി ടെഹ്ലൻ. പഞ്ചാബിയായ ഈ നടി ഹിന്ദി സീരിയലുകളിലൂടെ ഏറെ ശ്രദ്ധ നേടിയ കലാകാരിയാണ്. അഭിനയത്തിന് പുറമെ ഒരു കായിക താരം കൂടിയാണ് പ്രാചി ടെഹ്ലൻ. മാമാങ്കത്തിലെ ഉണ്ണിമായ എന്ന കഥാപാത്രത്തിലൂടെ, തന്റെ സൗന്ദര്യം കൊണ്ടും അഭിനയ മികവ് കൊണ്ടും പ്രാചി പ്രേക്ഷക ശ്രദ്ധ നേടിയെടുത്തിരുന്നു. ഇപ്പോഴിതാ മലയാള സിനിമയിലെ തന്റെ പ്രീയപ്പെട്ട മൂന്നു നടൻമാർ ആരോക്കെയെന്നു വെളിപ്പെടുത്തിയിരിക്കുകയാണ് പ്രാചി ടെഹ്ലൻ. ഇൻസ്റ്റാഗ്രാമിൽ തന്റെ ആരാധകർക്കൊപ്പം നടത്തിയ ഒരു ലൈവ് സംവാദത്തിലാണ് പ്രാചി ടെഹ്ലൻ ഈ വെളിപ്പെടുത്തൽ നടത്തിയത്. പ്രാചിയുടെ മലയാളത്തിലെ ഏറ്റവും പ്രീയപ്പെട്ട നടനാരാണെന്ന ചോദ്യത്തിന് മമ്മൂട്ടി, ടോവിനോ തോമസ്, പൃഥ്വിരാജ് സുകുമാരൻ എന്നീ പേരുകളാണ് പ്രാചി പറഞ്ഞത്.
ഈ നടന്മാരുടെ അഭിനയ മികവ് മാത്രമല്ല, വ്യക്തിത്വം കൂടി തന്നെ ആകർഷിച്ചു എന്നാണ് പ്രാചി ടെഹ്ലൻ പറയുന്നത്. ഇന്ത്യൻ ദേശീയ നെറ്റ് ബോൾ ടീമിന്റെ ക്യാപ്റ്റനായി കോമൺവെൽത് ഗെയിംസിൽ ഇന്ത്യയെ പ്രതിനിധീകരിച്ചിട്ടുള്ള പ്രാചി ടെഹ്ലൻ ഒരു ഹിന്ദി ടിവി ഷോയിലൂടെയാണ് അഭിനയ രംഗത്ത് അരങ്ങേറ്റം കുറിക്കുന്നത്. രണ്ടു പഞ്ചാബി ചിത്രങ്ങളിൽ അഭിനയിച്ചിട്ടുള്ള ഈ നടിക്ക് മാമാങ്കത്തിന് ശേഷം ഏറെ ഓഫറുകൾ മലയാളത്തിൽ നിന്ന് വന്നിരുന്നു. പക്ഷെ ഇതുവരെ തന്റെ അടുത്ത ചിത്രമേതെന്നു പ്രാചി ഔദ്യോഗികമായി പ്രഖ്യാപിച്ചിട്ടില്ല. സൂപ്പർ താരം മോഹൻലാൽ നായകനായ ജീത്തു ജോസഫ് ചിത്രം റാമിൽ പ്രാചി അഭിനയിക്കുന്നു എന്നൊരു റിപ്പോർട്ട് വന്നിരുന്നു. റാമിന്റെ സെറ്റിൽ പോയി മോഹൻലാൽ, ജീത്തു ജോസഫ് എന്നിവരെ പ്രാചി കാണുകയും ചെയ്തിരുന്നു.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.