സോഷ്യൽ മീഡിയ കീഴടക്കി മെഗാ സ്റ്റാറിന്റെ മാമാങ്കം ഫസ്റ്റ് ലുക്ക് പോസ്റ്റർ..!

മെഗാ സ്റ്റാർ മമ്മൂട്ടിയുടെ കരിയറിലെ ഏറ്റവും വലിയ ചിത്രമായ മാമാങ്കത്തിന്റെ ഫസ്റ്റ് ലുക്ക് പോസ്റ്റർ ഇന്ന് രാവിലെ പത്തു മണിക്കാണ് റിലീസ് ചെയ്തത്. എം പദ്മകുമാർ സംവിധാനം ചെയ്യുന്ന ഈ ചിത്രത്തിന്റെ തിരക്കഥ രചിച്ചിരിക്കുന്നത് ശങ്കർ രാമകൃഷ്ണൻ ആണ്. കാവ്യാ ഫിലിമ്സിന്റെ ബാനറിൽ വേണു കുന്നപ്പിള്ളി നിർമ്മിച്ചിരിക്കുന്ന ഈ ചിത്രം ഈ വർഷം തന്നെ മലയാളം, തമിഴ്, തെലുങ്കു, ഹിന്ദി ഭാഷകളിൽ ആയി റിലീസ് ചെയ്യും. മമ്മൂട്ടിക്ക് ഒപ്പം ഉണ്ണി മുകുന്ദൻ, സുദേവ് നായർ, പ്രാചി, അനു സിതാര തുടങ്ങി ഒരു വലിയ താര നിര തന്നെ ഈ ചിത്രത്തിൽ അണിനിരക്കുന്നുണ്ട്. ഇന്ന് രാവിലെ റിലീസ് ചെയ്ത ഇതിന്റെ ഫസ്റ്റ് ലുക്ക് പോസ്റ്റർ ഇപ്പോൾ സോഷ്യൽ മീഡിയയിൽ തരംഗമായി മാറുകയാണ്. വലിയ പ്രതീക്ഷയാണ് ഈ ഫസ്റ്റ് ലുക്ക് പോസ്റ്റർ മാമാങ്കത്തെ കുറിച്ച് പ്രേക്ഷകർക്ക് ഇപ്പോൾ നൽകിയിരിക്കുന്നത്.

മനോജ് പിള്ളൈ ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന് വേണ്ടി സംഘട്ടനം ഒരുക്കിയത് ശ്യാം കൗശൽ ആണ്. ആർ സി കമല കണ്ണൻ വി എഫ് എക്സ് വിഭാഗം കൈകാര്യം ചെയ്യുന്ന ഈ ചിത്രത്തിന് വേണ്ടി ഗാനങ്ങൾ ഒരുക്കിയത് എം ജയചന്ദ്രനും പശ്ചാത്തല സംഗീതം ഒരുക്കുന്നത് സഞ്ചിത് ബെൽഹാര, അങ്കിത് ബെൽഹാര എന്നിവരുമാണ്. രാജ മുഹമ്മദ് ആണ് ഈ ചിത്രം എഡിറ്റ് ചെയ്യുന്നത്. വമ്പൻ ബഡ്ജറ്റിൽ ഒരുക്കുന്ന ഈ ചിത്രം ആദ്യം ആരംഭിച്ചത് സജീവ് പിള്ളൈ എന്ന സംവിധായകൻ ആയിരുന്നു എങ്കിലും പിന്നീട് അദ്ദേഹത്തെ മാറ്റി എം പദ്മകുമാറിനെ സംവിധാന ചുമതല ഏൽപ്പിക്കുകയിരുന്നു.