അമ്മയ്ക്കും രണ്ടു ബേബീസ് ഉണ്ട്, കണ്ടാൽ ഇതുവഴി ഒന്ന് വരാൻ പറയണേ; പൂർണ്ണിമ ഇന്ദ്രജിത്തിന്റെ ഫേസ്ബുക് പോസ്റ്റിൽ കിടിലൻ കമന്റുമായി മല്ലിക സുകുമാരൻ

ഫേസ്ബുക്കിൽ ആക്റ്റീവ് ആയ നടി മല്ലിക സുകുമാരൻ മക്കളായ ഇന്ദ്രജിത്തിനും പൃഥ്വിരാജ് സുകുമാരനും ഇടയ്ക്കിടയ്ക്ക് സോഷ്യൽ മീഡിയിയിൽ കൂടി രസകരമായ മറുപടികൾ കൊടുക്കാറുണ്ട്. കിടിലൻ കമന്റുകളുമായി എത്തുന്ന മല്ലിക സുകുമാരന്റെ വാക്കുകൾ പലപ്പോഴും സോഷ്യൽ മീഡിയയിൽ ട്രെൻഡിങ്ങുമാണ്. കുറച്ചു നാൾ മുൻപ് അയ്യപ്പനും കോശിയും എന്ന ചിത്രത്തിലെ ഒരു ഫോട്ടോ ഫേസ്ബുക് പേജിലിട്ട പൃഥ്വിരാജ് സുകുമാരന് രസകരമായ മറുപടി കൊടുത്തു കൊണ്ട് മല്ലിക സുകുമാരനിട്ട കമന്റു വൈറലായിരുന്നു. ഇപ്പോഴിതാ ഇന്ദ്രജിത്തിന്റെ ഭാര്യയും നടിയുമായ പൂർണ്ണിമ ഇന്ദ്രജിത്തിന്റെ ഫേസ്ബുക് പോസ്റ്റിനു മല്ലിക സുകുമാരനിട്ട ഫേസ്ബുക് കമന്റാണ് ശ്രദ്ധ നേടുന്നത്.

മകൾക്കു ഒരു മുത്തം കൊടുക്കുന്ന ചിത്രം തന്റെ ഫേസ്ബുക് പേജിലിട്ടു കൊണ്ട് പൂർണ്ണിമ പറഞ്ഞത് നമ്മുടെ കുട്ടികൾക്ക് നമ്മൾ മുത്തം കൊടുക്കുകയും, അവരെ കെട്ടിപ്പിടിക്കുകയും അവരോട് നമ്മൾ അവരെ ഒരുപാട് സ്നേഹിക്കുന്നു എന്ന് പറയുകയും വേണമെന്നായിരുന്നു. ഇംഗ്ലീഷിലിട്ട ആ പോസ്റ്റിനു താഴെ മല്ലിക സുകുമാരൻ കുറിച്ച രസകരമായ വാക്കുകളിങ്ങനെ, Correct. അമ്മക്കും രണ്ടു Babies ഉണ്ട്. മോള് പറഞ്ഞതുപോലെയൊക്കെ ഒന്നു ചെയ്യണമെന്നുണ്ട്. കണ്ടാൽ ഊ വഴിയൊക്കെ ഒന്നു വരാൻ പറയണേ. അതിനു താഴെ ഒട്ടേറെ ആരാധകരും രസകരമായ മറുപടികളുമായി എത്തി. തിരക്കായകൊണ്ടല്ലേ. ഓണത്തിനു ഒരുമിച്ചു കൂടാല്ലോ എന്ന് ഒരു ആരാധകൻ ചോദിച്ചപ്പോൾ, അല്ലെങ്കിലും കൂടാറുണ്ട്. എന്റെ മൂത്ത മോളെ ഒന്നു ചൊടിപ്പിക്കാൻ പറഞ്ഞതല്ലേ. എന്നായിരുന്നു മല്ലിക സുകുമാരന്റെ മറുപടി. ഏതായാലും മല്ലിക സുകുമാരന്റെ ഈ കമാറ്റുകൾ സോഷ്യൽ മീഡിയയിപ്പോൾ ആഘോഷിക്കുകയാണെന്നു തന്നെ പറയാം.