ജോണ് എബ്രഹാം നായകനായെത്തുന്ന ചിത്രത്തില് വില്ലനാകാൻ രാജീവ് പിള്ള. സത്യമേവ ജയതേ 2 വിലാണ് താരം വില്ലൻ കഥാപാത്രത്തെ അവതരിപ്പിക്കുന്നത്. ഓണ്ലൈന് ഓഡിഷന് വഴിയാണ് രാജീവ് ചിത്രത്തിലേക്ക് തെരഞ്ഞെടുക്കപ്പെട്ടത്. 2018 ല് പുറത്തെത്തിയ ചിത്രത്തിന്റെ രണ്ടാം ഭാഗമാണ് സത്യമേവ ജയതേ 2. മിലാപ് സവേരി സംവിധാനം ചെയ്യുന്ന ചിത്രത്തിൽ ദിവ്യ ഖോസ്ല കുമാർ ആണ് നായിക. ലഖ്നൗവില് വച്ചാണ് സിനിമയുടെ ചിത്രീകരണം നടക്കുന്നത്. വില്ലൻ വേഷമാണ് താൻ ചെയ്യുന്നതെന്നും ഈ അവസരം ലഭിച്ചതിൽ ലോക്ക്ഡൗൺ സമയത്തിന് നന്ദിയെന്നും രാജീവ് പിള്ള പ്രതികരിക്കുകയുണ്ടായി. ചിത്രം അടുത്ത വർഷം മെയിൽ റിലീസ് ആകുമെന്നാണ് സൂചന.
അതേസമയം മൂന്ന് ചിത്രങ്ങളാണ് രാജീവ് പിള്ളയുടേതായി പുറത്തിറങ്ങാനുള്ളത്. മുതിര്ന്ന ഛായാഗ്രാഹകന് കെ പി നമ്പ്യാതിരിയുടെ സംവിധാന അരങ്ങേറ്റ ചിത്രമായ വര്ക് ഫ്രം ഹോം, ഷലീൽ സംവിധാനം ചെയ്യുന്ന ബഹുഭാഷാ ത്രിഡി ഹൊറര് ചിത്രം സാല്മണ്, നവാഗതനായ വിഷ്ണു സംവിധാനം ചെയ്യുന്ന പ്രതിമുഖം എന്നിവയാണ് ചിത്രങ്ങൾ. ഏഴ് ഭാഷകളില് ഒരുങ്ങുന്ന സാല്മണില് വിജയ് യേശുദാസ് ആണ് നായകന്. ചിത്രത്തിന്റെ ഷൂട്ടിങ് ഏകദേശം പൂർത്തിയായെന്നും സംഘടന രംഗങ്ങളും പാട്ട് സീനുകളും മാത്രമാണ് ഇനി ബാക്കിയുള്ളതെന്നും രാജീവ് പിള്ള വ്യക്തമാക്കി. വര്ക് ഫ്രം ഹോമില് ബോസ് വെങ്കിട്ട് ആണ് നായക കഥാപാത്രത്തെ അവതരിപ്പിക്കുന്നത്. റിയാസ് ഖാന്, രവികാന്ത്, ശിവാനി ഭായ് തുടങ്ങിയവരും അഭിനയിക്കുന്നുണ്ട്. ചിത്രത്തിന്റെ മലയാളം മൊഴിമാറ്റ പതിപ്പും പ്രദര്ശനത്തിനെത്തും. നേരത്തെ രണ്ട് ഹിന്ദി ചിത്രങ്ങളില് രാജീവ് അഭിനയിച്ചിട്ടുണ്ട്.
മാളികപ്പുറം,2018 എന്നി ചിത്രങ്ങളുടെ വൻ വിജയത്തിന് ശേഷം കാവ്യ ഫിലിം കമ്പനിയും ആൻ മെഗാ മീഡിയയും ചേർന്നു പ്രേക്ഷകർക്ക് മുന്നിലെത്തിക്കുന്ന…
മലയാളത്തിൻ്റെ യുവതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ റിലീസാണ് പാൻ ഇന്ത്യൻ തെലുങ്ക് ചിത്രമായ ലക്കി ഭാസ്കർ.…
ധ്യാൻ ശ്രീനിവാസൻ, സണ്ണി വെയ്ൻ, അജു വർഗീസ്, നിരഞ്ജ് മണിയൻപിള്ള രാജു എന്നിവർ പ്രധാന കഥാപാത്രങ്ങളായെത്തുന്ന 'ത്രയം' ഒക്ടോബര് 25-ന്…
സൗബിൻ ഷാഹിർ, ബേസിൽ ജോസഫ്, ചെമ്പൻ വിനോദ് എന്നിവരെ പ്രധാന കഥാപാത്രങ്ങളാക്കി നവാഗതനായ ശ്രീരാജ് ശ്രീനിവാസൻ സംവിധാനം ചെയ്യുന്ന 'പ്രാവിൻ…
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
This website uses cookies.