ഒരുകാലത്തു മലയാള സിനിമയിലും തമിഴ് സിനിമയിലും നിറഞ്ഞു നിന്ന മേക്കപ്പ് മാൻ ആയിരുന്നു സലിം. ഉലക നായകൻ കമൽ ഹാസൻ, കംപ്ലീറ്റ് ആക്ടർ മോഹൻലാൽ എന്നിവരുടെ പേഴ്സണൽ മേക്കപ്പ് മാൻ ആയും ഏറെക്കാലം ജോലി ചെയ്തിട്ടുള്ള സലിം ഇപ്പോൾ തമിഴ്- തെലുങ്കു ചിത്രങ്ങളിലാണ് കൂടുതൽ ജോലി ചെയ്യുന്നത്. ഇപ്പോഴിതാ ക്യാൻ എന്ന ഓൺലൈൻ മീഡിയക്ക് നൽകിയ അഭിമുഖത്തിൽ സലിം വെളിപ്പെടുത്തിയ കാര്യങ്ങൾ ഏറെ ശ്രദ്ധ നേടുകയാണ്. തന്റെ മകളുടെ വിവാഹ സമയത്തു സാമ്പത്തിക ബുദ്ധിമുട്ടിൽ പെട്ടുഴറിയ തന്നെ വലിയ തുക തന്നു സഹായിച്ചത് മോഹൻലാൽ, ആന്റണി പെരുമ്പാവൂർ എന്നിവരാണ് എന്നും, ആദ്യത്തെ മകളുടെ വിവാഹ സമയത്തും എല്ലാ സഹായങ്ങളുമായി ചേർത്ത് പിടിച്ചു കൊണ്ട് കൂടെ നിന്നതും ഇവർ ആയിരുന്നുവെന്നും സലിം വെളിപ്പെടുത്തുന്നു. തന്നെ സഹായിക്കേണ്ട ഒരാവശ്യവും അവർക്കില്ലാതിരുന്നിട്ടും സഹായിക്കാൻ മുന്നോട്ടു വന്നത് അവർക്കു ഒരു വലിയ മനസ്സുള്ളതു കൊണ്ടാണെന്നും സലിം പറയുന്നു.
ആപത്തില് സഹായിക്കുന്നവനാണ് യഥാര്ത്ഥ സുഹൃത്തെന്ന് അവര് തന്നെ പഠിപ്പിച്ചു എന്നും 2006 ഇൽ ലാൽ സാറുമായി പിണങ്ങി ഇറങ്ങിയതാണ് തന്റെ ജീവിതത്തിൽ എടുത്ത ഏറ്റവും മോശപ്പെട്ട തീരുമാനമെന്നും സലിം വ്യക്തമാക്കി. ആ കാരണത്താൽ അവർക്കു തന്നെ സഹായിക്കാതെ ഇരിക്കാമായിരുന്നു എങ്കിലും തനിക്കൊരാവശ്യം വന്നപ്പോൾ അവർ തന്നെ ചേർത്ത് നിർത്തിയെന്നും സലിം പറഞ്ഞു. അങ്കിൾ ബൺ എന്ന ചിത്രത്തിന് വേണ്ടി മോഹൻലാലിന് സ്പെഷ്യൽ മേക്കപ്പ് ചെയ്യാൻ എത്തിയ സലിം പിന്നീട് പതിനഞ്ചു വർഷത്തോളം മോഹൻലാലിന്റെ പേഴ്സണൽ മേക്കപ്പ് മാൻ ആയി ജോലി ചെയ്തു. അതിനു മുൻപും അതിനു ശേഷവും സലിം ജോലി ചെയ്തതു കമൽ ഹാസന്റെ മേക്കപ്പ് മാൻ ആയാണ്. കിഴക്കുണരും പക്ഷി മുതൽ മഹാസമുദ്രം വരെ സലിം ആയിരുന്നു മോഹൻലാലിന്റെ പേഴ്സണൽ മേക്കപ്പ്മാൻ. ലാല്സാറിനും കമല്സാറിനുമൊപ്പം ജോലി ചെയ്യാൻ കഴിഞ്ഞതാണ് ജീവിതത്തിൽ ലഭിച്ച ഏറ്റവും വലിയ ഭാഗ്യം എന്നും ഇനിയുള്ള കാലം മുഴുവനും ജീവിക്കാന് ആ ക്രെഡിറ്റ് മതി എന്നും സലിം കൂട്ടിച്ചേർത്തു.
Picture courtesy: Bennet M Varghese
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
This website uses cookies.