മോഹൻലാൽ തന്റെ അടുത്ത ചിത്രമായ ഒടിയൻ എന്ന ഫാന്റസി ത്രില്ലറിൻറെ ഒരു ഷെഡ്യൂൾ കൂടി പൂർത്തിയാക്കി കഴിഞ്ഞു. ഇനി ഒരു ഷെഡ്യൂൾ കൂടി മാത്രം ചിത്രീകരണം ബാക്കിയുള്ള ഒടിയനിൽ തന്റെ ശരീര ഭാരം വളരെ കുറച്ചു ഒരു പുതിയ ഗെറ്റപ്പിൽ ആണ് മോഹൻലാൽ എത്തുക എന്ന് ചിത്രത്തിന്റെ സംവിധായകൻ ശ്രീകുമാർ മേനോൻ അറിയിച്ചു. അവസാനത്തെ ഷെഡ്യൂളിൽ മോഹൻലാൽ മീശയും താടിയും വടിച്ചു ക്ലീൻ ഷേവ് ലുക്കിൽ ആയിരിക്കും എത്തുക. അതുപോലെ തന്റെ ശരീര ഭാരം കുറക്കാൻ ആയിട്ട് അദ്ദേഹം കഠിനമായ വ്യായാമ മുറകളും യോഗയും പരിശീലിക്കുകയാണ് എന്നും സംവിധായകൻ ശ്രീകുമാർ മേനോൻ പറഞ്ഞു. ഫ്രാൻസിൽ നിന്നുള്ള ഒരു വിദഗ്ദ്ധ സംഘമാണ് മോഹൻലാലിനൊപ്പം ഉള്ളതെന്നും ഒടിയൻ ആയി മോഹൻലാലിനെ ഒരുക്കുന്നത് അവരാണെന്നും സംവിധായകൻ അറിയിച്ചു.
പാലക്കാട് ആയിരുന്നു കഴിഞ്ഞ ഒരു മാസം ആയിട്ട് ഒടിയന്റെ ക്ലൈമാക്സ് ചിത്രീകരണം നടന്നത്. രാത്രി കാലങ്ങളിൽ ആയിരുന്നു ചിത്രത്തിന്റെ ഷൂട്ട്. പീറ്റർ ഹെയ്ൻ സംഘട്ടന സംവിധാനം നിർവഹിക്കുന്ന ഈ ചിത്രത്തിന് വേണ്ടി ദൃശ്യങ്ങൾ ഒരുക്കുന്നത് ഷാജി കുമാർ ആണ്. മോഹൻലാലിന് ഒപ്പം പ്രകാശ് രാജ്, മഞ്ജു വാര്യർ, സിദ്ദിഖ്, ശരത് കുമാർ, ഇന്നസെന്റ് എന്നിവരൊക്കെ ഈ ചിത്രത്തിന്റെ ഭാഗമാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമിക്കുന്ന ഈ ചിത്രം ഒരു ഫാന്റസി ത്രില്ലർ ആയിട്ടാണ് ഒരുക്കുന്നത്. മലയാള സിനിമയിലെ ഏറ്റവും വലിയ ബഡ്ജറ്റിൽ ഉള്ള ചിത്രമായാണ് ഒടിയൻ ഒരുങ്ങുന്നത് എന്നാണ് സൂചനകൾ പറയുന്നത്.
ഹരികൃഷ്ണൻ തിരക്കഥ ഒരുക്കിയിരിക്കുന്ന ഈ ചിത്രത്തിന് സംഗീതം പകർന്നിരിക്കുന്നത് എം ജയചന്ദ്രൻ ആണ്. വാരാണസിയിലും കോയമ്പത്തൂരിലും ഒടിയൻ ചിത്രീകരിച്ചിരുന്നു. ചിത്രത്തിന്റെ റിലീസ് തീയതി ഇത് വരെ തീരുമാനിച്ചിട്ടില്ല. കേരളം കണ്ട ഏറ്റവും വലിയ റിലീസ് ആയിരിക്കും ഈ ചിത്രം എന്നുറപ്പാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.