രാജ്യത്തിന് വേണ്ടി പോരാടി ജീവൻ വെടിഞ്ഞ ജവാന്മാരിൽ ഒരാൾ ആണ് മലയാളി ആയ മേജർ സന്ദീപ് ഉണ്ണികൃഷ്ണൻ. നാഷണൽ സെക്യൂരിറ്റി ഗാർഡിലെ അംഗം ആയിരുന്ന മേജർ സന്ദീപ് ഉണ്ണികൃഷ്ണൻ 2008 ഇൽ മുംബൈയിൽ നടന്ന തീവ്രവാദി ആക്രമണത്തിൽ ഭീകരവാദികളുമായുള്ള പോരാട്ടത്തിനിടെയാണ് രാജ്യത്തിന് വേണ്ടി സ്വന്തം ജീവൻ ബലി നൽകിയത്. ആ ധീര ജവാന് അടുത്ത വർഷം തന്നെ മരണാനന്തര ബഹുമതിയായി അശോക ചക്രം സമർപ്പിച്ചു രാജ്യം ആദരിക്കുകയും ചെയ്തു. ഇപ്പോഴിതാ ടോവിനോ തോമസ് നായകനായ എടക്കാട് ബറ്റാലിയൻ 06 എന്ന ചിത്രം കണ്ട മേജർ സന്ദീപ് ഉണ്ണികൃഷ്ണന്റെ ‘അമ്മ ടോവിനോ തോമസിനും ആ ചിത്രത്തിനും മേൽ അഭിനന്ദനം ചൊരിയുകയാണ്.
നവാഗതനായ സ്വപ്നേഷ് സംവിധാനം ചെയ്ത ഈ ചിത്രത്തിൽ ആർമി ഓഫീസർ ആയ ഷഫീക് എന്ന കഥാപാത്രം ആയാണ് ടോവിനോ തോമസ് എത്തിയിരിക്കുന്നത്. പട്ടാളക്കാരുടെ ജീവിതവും നമ്മുടെ സമൂഹത്തിൽ നടക്കുന്ന ചില പ്രശ്നങ്ങളുമെല്ലാം ഇടകലർത്തി പി ബാലചന്ദ്രൻ രചിച്ച ഈ സിനിമയ്ക്കു പ്രേക്ഷകരും നിരൂപകരും ഒരേ സ്വരത്തിൽ അഭിനന്ദന വാക്കുകൾ നൽകുകയാണ്. ഇപ്പോൾ മേജർ സന്ദീപ് ഉണ്ണികൃഷ്ണന്റെ അമ്മയുടെ വാക്കുകൾ ടോവിനോ ഷെയർ ചെയ്തിരിക്കുന്നത് ഇതിലും വലിയ അംഗീകാരം തനിക്കിനി കിട്ടാനില്ല എന്ന് പറഞ്ഞാണ്. തനിക്കു സ്നേഹം വാക്കുകളിലൂടെ തന്ന ആ അമ്മക്ക് ഒരുപാട് സ്നേഹവും നന്ദിയും ടോവിനോ തോമസ് അറിയിച്ചു.
മേജർ സന്ദീപ് ഉണ്ണികൃഷ്ണന്റെ അമ്മയായ ധനലക്ഷ്മി ഉണ്ണികൃഷ്ണൻ പറയുന്നത് ഈ ചിത്രം കണ്ടു കഴിഞ്ഞപ്പോൾ ടോവിനോ തോമസിനെ സ്വന്തം മകനെ പോലെ മാറോടു ചേർത്ത് നിർത്താൻ തോന്നി എന്നാണ്. അത്ര മനോഹരമായും ഉയർന്ന നിലയിലും ടോവിനോ തോമസ് ആ കഥാപാത്രത്തിന് ജീവൻ നൽകിയിട്ടുണ്ട് എന്നും, ആ കഥാപാത്രത്തിന് തന്റെ മകനുമായി വലിയ സാദൃശ്യം തനിക്ക് തോന്നി എന്നും ധനലക്ഷ്മി പറയുന്നു. ടോവിനോയെ എത്ര പുകഴ്ത്തിയാലും മതിയാവില്ല എന്നും ധനലക്ഷ്മി പറഞ്ഞു. ആ അമ്മ ടോവിനോയെ കുറിച്ച് പറയുന്ന വീഡിയോ ഇപ്പോൾ സോഷ്യൽ മീഡിയയുടെ വലിയ ശ്രദ്ധയാണ് നേടിയെടുക്കുന്നത്. പ്രേക്ഷകരുടെ മനസ്സിൽ സ്പർശിച്ചു കൊണ്ട് മികച്ച വിജയത്തിലേക്കാണ് ഈ ചിത്രം നീങ്ങുന്നത്.
https://www.instagram.com/p/B3zTt6bDtk2/?igshid=2fhzx5muor6m
സോഷ്യൽ മീഡിയയിൽ തരംഗമായി മോഹൻലാൽ അഭിനയിച്ച പുതിയ പരസ്യം. ഇന്ത്യൻ പരസ്യ സംവിധാന രംഗത്തെ അതികായനും "തുടരും" സിനിമയിലെ ജോർജ്…
പ്രശസ്ത മലയാള നടി ശ്രിന്ദ സംവിധായികയായി അരങ്ങേറ്റം കുറിക്കുന്നു. സൗബിൻ ഷാഹിർ ആണ് ശ്രിന്ദ ഒരുക്കുന്ന ആദ്യ ചിത്രത്തിലെ നായകൻ…
രോമാഞ്ചം, ആവേശം എന്നീ ചിത്രങ്ങളിലൂടെ ശ്രദ്ധ നേടിയ ജിത്തു മാധവൻ, തമിഴിൽ സൂര്യ- മോഹൻലാൽ ടീമിനെ പ്രധാന വേഷങ്ങളിൽ അവതരിപ്പിക്കുന്ന ചിത്രം ഒരുക്കുന്നു…
കേരളത്തെ നടുക്കിയ 2024 ലെ ചൂരൽമല ഉരുൾപൊട്ടൽ ദുരന്തം ആസ്പദമാക്കി ഒരു സിനിമ ഒരുങ്ങുന്നു എന്ന് വാർത്തകൾ. ഈ ദുരന്തത്തിന്റെ പശ്ചാത്തലത്തിൽ കഥ…
ഇന്ത്യയിൽ നിന്നല്ല ആദ്യത്തെ ഫോർമുല വൺ റേസിങ്ങിൽ പങ്കെടുത്തു ശ്രദ്ധേയനായ നരെയ്ൻ കാർത്തികേയന്റെ ജീവിതം സിനിമയാകുന്നു എന്ന് വാർത്തകൾ. പ്രശസ്ത…
സൂപ്പർ ഹിറ്റായ മലയാളം വെബ് സീരിസ് 'ലവ് അണ്ടർ കൺസ്ട്രക്ഷൻ' ഒരുക്കിയ സംവിധായകൻ വിഷ്ണു ജി രാഘവ് ഇനി മോഹൻലാൽ…
This website uses cookies.