ആദ്യ ചിത്രത്തിലെ പ്രകടത്തിന് തന്നെ ഫിലിം ഫയർ അവാർഡ് നേടിയ കല്യാണി പ്രിയദർശന് അഭിനന്ദങ്ങളുമായി മോഹൻലാൽ..

മലയാള സിനിമയിലെ ഏറ്റവും മികച്ച കൂട്ടുകെട്ടാണ് മോഹൻലാൽ- പ്രിയദർശൻ എന്നിവരുടേത്, അവസാനമിറങ്ങിയ ‘ഒപ്പം’ ബോക്സിൽ തരംഗം സൃഷ്ട്ടിച്ചിരുന്നു. പ്രിയദർശൻ സംവിധാനം ചെയ്യുന്ന ‘മരക്കാർ അറബിക്കടലിന്റെ സിംഹം’ എന്ന സിനിമയാണ് ഈ കൂട്ടുകെട്ടിൽ ഇനി പിറക്കാൻ പോകുന്ന ബിഗ് ബഡ്ജറ്റ് ചിത്രം. പ്രിയദർശൻ- മോഹൻലാൽ എന്നിവർ ചെറുപ്പം മുതൽ ഉറ്റസുഹൃത്തുകളാണ്, മോഹൻലാൽ എന്ന നടന്റെ വളർച്ചക്ക് പ്രധാന പങ്ക് വഹിച്ച സംവിധായകൻ എന്ന് കൂടി വിശേഷിപ്പിക്കാം. എന്നാൽ ഇന്ന് ഇരുവരുടെ മക്കളും അതേ സൗഹൃദം നിലനിർത്തുന്നുണ്ട്. പ്രണവ് മോഹൻലാൽ ഈ വർഷം ‘ആദി’ എന്ന സിനിമയിലൂടെ മലയാള സിനിമയിൽ രംഗ പ്രവേശനം നടത്തിയപ്പോൾ കല്യാണി പ്രിയദർശൻ ‘ഹലോ’ എന്ന തെലുഗ് ചിത്രത്തിലൂടെയാണ് കഴിഞ്ഞ വർഷം നായികയായി പ്രത്യക്ഷപ്പെട്ടു. ഇവർ ഒന്നിച്ചുള്ള ഒരു മലയാള ചിത്രത്തിന് വേണ്ടിയാണ് സിനിമ പ്രേമികൾ കാത്തിരിക്കുന്നത്.

മലയാള സിനിമയുടെ താര രാജാവായ മോഹൻലാലിന്റെ ഫേസ്ബുക്ക് പോസ്റ്റാണ് സോഷ്യൽ മീഡിയയിൽ ചർച്ച വിഷയം. കല്യാണി പ്രിയദർശൻ ആദ്യമായി നായികയായിയെത്തിയ ‘ഹലോ’ എന്ന സിനിമയിലെ പ്രകടനത്തിൽ ഫിലിം ഫയർ അവാർഡ് താരം കരസ്ഥമാക്കി. മലയാള സിനിമയിൽ ഒട്ടനവധി താരങ്ങൾ ഫിലിം ഫയർ നേടിയെങ്കിലും മോഹൻലാൽ തന്റെ ഉറ്റ സുഹൃത്ത് പ്രിയന്റെ മകളുടെ നേട്ടത്തെ പ്രശംസിച്ചാണ് പോസ്റ്റ് ഇട്ടിരിക്കുന്നത്. ഇന്നലെ നടന്ന ഫിലിം ഫയർ അവാർഡിൽ തെലുഗിലെ പുതുമുഖ നായികക്കുള്ള അവാർഡാണ് കല്യാണി പ്രിയദർശൻ നേടിയെടുത്തത്. സൂര്യ നായകനായിയെത്തിയ 24 സിനിമയുടെ സംവിധായകൻ വിക്രം കുമാറിന്റെ കഴിഞ്ഞ വർഷത്തെ ഏറ്റവും മികച്ച ചിത്രം കൂടിയാണ് ‘ഹലോ’. നാഗാർജ്ജുന നിർമ്മിച്ച ചിത്രത്തിൽ തന്റെ മകനായ അഖിൽ അഖിനെനിയാണ് നായക വേഷം കൈകാര്യം ചെയ്തത്.