വിസ്മയിപ്പിക്കാൻ മഹാനടി ഇന്നുമുതൽ കേരളത്തിലും.. തീയേറ്റർ ലിസ്റ്റ് ഇതാ…

ദുൽഖർ സൽമാൻ നായകനായ ആദ്യ തെലുങ്ക് ചിത്രം മഹാനടി തെന്നിന്ത്യൻ സിനിമ ലോകത്ത് വലിയ ചർച്ചയായി മാറുകയാണ്. ചിത്രം തെലുങ്ക് തമിഴ് എന്നീ ഭാഷകളിലാണ് ഒരുക്കിയിരിക്കുന്നത്. ചിത്രത്തിന്റെ തമിഴ് പതിപ്പിന് നടികർ തിലകം എന്നാണ് പേര് നൽകിയിരിക്കുന്നത്. കേരളത്തിൽ ഒരുപാട് ആരാധകരുള്ള ദുൽഖർ സൽമാന് പ്രേക്ഷകരെ കൂടി മുന്നിൽ കണ്ടാണ് ചിത്രം ഇന്ന് കേരളത്തിൽ കൂടി എത്തുകയാണ്. മഹാനടി എന്ന പേരിൽ തന്നെയാണ് ചിത്രം എത്തുക. ന്യൂ സൂര്യ മൂവീസ് ചിത്രം വിതരണത്തിന് എത്തിക്കുന്നു. ചിത്രത്തിന്റെ തീയറ്റർ ലിസ്റ്റ് കഴിഞ്ഞ ദിവസം പുറത്ത് വന്നിരുന്നു. തെലുങ്കിലും തമിഴിലും വമ്പൻ റിലീസായായിരുന്നു ചിത്രമെത്തിയത്. പുറത്തിറങ്ങിയത് മുതൽ മികച്ച പ്രതികരണമാണ് ചിത്രത്തിന് ലഭിക്കുന്നത്.

തെലുങ്കിലെ ഒരുകാലത്തെ സൂപ്പർ താരമായിരുന്ന അന്തരിച്ച നടി സാവിത്രിയുടെ കഥ പറയുന്ന ചിത്രത്തിൽ നായകനായ ദുൽഖർ ജെമിനി ഗണേശന്റെ വേഷത്തിൽ എത്തുമ്പോൾ സാവിത്രിയുടെ വേഷത്തിൽ എത്തിയത് കീർത്തി സുരേഷാണ്. ചിത്രത്തിൽ സമന്തയും ഒരു സുപ്രധാന വേഷത്തിൽ എത്തുന്നുണ്ട്. ചിത്രത്തിനായി ദുൽഖർ സൽമാൻ വളരെയേറെ പ്രയത്നിച്ചിരുന്നു. ചിത്രം തന്റെ കരിയറിലെ മികച്ച കഥാപാത്രമാകും എന്ന ദുൽഖറിന്റെ വാക്കുകൾ എന്തായാലും സത്യമായി മാറി. ചിത്രത്തിനും ദുൽഖറിനും വളരെ മികച്ച അഭിപ്രായങ്ങൾ ആണ് ഇതുവരെ ലഭിച്ചതും. രാജമൗലി ഉൾപ്പടെ ഉള്ള തെലുങ്ക് താരങ്ങൾ എല്ലാം തന്നെ ചിത്രത്തിന് ആശംസയുമായി എത്തിയിരുന്നു. ഇത്രയും വലിയ വിജയം തീർത്ത് ഒരേ സമയം ഇരു ഭാഷകളിലും മുന്നേറുന്നത് അപൂർവമായ കാഴ്ചയാണ്. ആ വിജയം മലയാളത്തിലും തുടരുമോ എന്ന് ഇന്നറിയാം.