മമ്മൂട്ടിയുടെ സൗന്ദര്യവും കൂടി ചേർന്നപ്പോൾ പെർഫെക്റ്റ് സൂപ്പർസ്റ്റാറായി ദുൽഖർ: മധുബാല

റോജ എന്ന ചിത്രത്തിലൂടെ സൗത്ത് ഇന്ത്യ ഒട്ടാകെ തരംഗം സൃഷ്ട്ടിച്ച നായികയാണ് മധുബാല. മലയാളം, തമിഴ്, കന്നഡ, ഹിന്ദി തുടങ്ങി ഒട്ടേറെ ഭാഷകളിൽ താരം നായിക വേഷം കൈകാര്യം ചെയ്തിട്ടുണ്ട്. എല്ലാ ഭാഷാകളിലും സിനിമ പ്രേമികൾ എന്നും ഓർത്ത് വെക്കുന്ന രീതിയിൽ ശക്തമായ കഥാപാത്രങ്ങൾ ചെയ്തിട്ടുള്ള ഇന്ത്യയിലെ തന്നെ ചുരുക്കം ചില നടിമാരിൽ ഒരാളാണ് മധുബാല. മമ്മൂട്ടി ചിത്രമായ അഴകൻ എന്ന തമിഴ് ചിത്രത്തിലൂടെയാണ് മധുബാല സിനിമ ഇൻഡസ്‌ട്രിയിലേക്ക് രംഗ പ്രവേശനം നടത്തുന്നത്. പിന്നിട് മമ്മൂട്ടി ചിത്രമായ നീലഗിരിയിൽ നായികയായി താരം മികച്ച പ്രകടനം കാഴ്ച്ചവെച്ചു. പഴയകാല മലയാള സിനിമയിൽ സജീവമായിരുന്ന താരം പിന്നീട് മലയാളത്തിൽ വലിയ ഒരു ബ്രെക്ക് എടുക്കുകയായിരുന്നു. 2014 ൽ പുറത്തിറങ്ങിയ ദുൽഖർ ചിത്രമായ സംസാരം ആരോഗ്യത്തിന് ഹാനികരം എന്ന ചിത്രത്തിലാണ് മലയാളികൾ പിന്നീട് മധുബാലയെ കണ്ടത്. ദുൽഖർ സൽമാനെ കുറിച്ചു ഒരു അഭിമുഖത്തിൽ മധുബാല പറഞ്ഞ വാക്കുകളാണ് സമൂഹ മാധ്യമങ്ങളിൽ ഏറെ ശ്രദ്ധ നേടുന്നത്.

സാ​ധാ​ര​ണ​ ​യുവനടന്മാരെ പോലെ ​ഫൈ​റ്റും​ ​ഡാ​ൻ​സും​ ​മാ​ത്ര​മ​ല്ല​ ​അ​ഭി​ന​യ​ത്തി​ലും നല്ല കഴിവുള്ള നടന്നാണ് ദുൽഖർ സൽമാൻ എന്ന് താരം വ്യക്തമാക്കി. എല്ലാ ഗുണങ്ങൾക്കൊപ്പം മമ്മൂട്ടിയുടെ സൗന്ദര്യം കൂടി ചേർന്നപ്പോൾ ഒരു സൂപ്പർസ്റ്റാറായി ദുൽഖർ മാറുകയായിരുന്നു എന്ന് മധുബാല വ്യക്തമാക്കി. തന്റെ ആദ്യ സിനിമയിലെ നായകൻ മമ്മൂട്ടിയായിരുന്നു എന്നും 20 വർഷങ്ങൾക്ക് ശേഷം അദ്ദേഹത്തിന്റെ മകന്റെയൊപ്പം അഭിനയിച്ചത് യാദൃശ്ചികമെന്ന് പറയണമോ എന്ന് അറിയില്ല എന്ന് മധുബാല സൂചിപ്പിക്കുകയുണ്ടായി. ഇതൊരു ഭാഗ്യത്തിന്റെ അടയാളം ആണെന്നും മമ്മൂട്ടിയെ പോലെ ഒരു ഗ്രേറ്റ് ആക്ടറാണ് ദുൽഖറെന്ന് താരം പറയുകയായിരുന്നു. ഒരേ സമയം പരമ്പരാഗത ശൈലിയും മോഡേൺ സ്റ്റൈലും പിന്തുടരുന്ന ആളാണ് ദുൽഖറെന്ന് താരം കൂട്ടിച്ചേർത്തു.