ഫഹദ് ഫാസിൽ തമിഴിൽ അഭിനയിക്കുന്ന നാലാമത്തെ ചിത്രമായ മാമന്നന്റെ ഷൂട്ടിംഗ് പൂർത്തിയായി. പരിയേറും പെരുമാൾ, കർണ്ണൻ എന്നീ സൂപ്പർ ഹിറ്റ് ഗംഭീര തമിഴ് ചിത്രങ്ങൾ ഒരുക്കി ശ്രദ്ധ നേടിയ മാരി സെൽവരാജ് സംവിധാനം ചെയ്ത ഈ ചിത്രത്തിന്റെ ലൊക്കേഷനിൽ നിന്നുള്ള പാക്കപ്പ് ചിത്രങ്ങൾ ഇപ്പോൾ സോഷ്യൽ മീഡിയയുടെ ശ്രദ്ധ നേടുകയാണ്. തമിഴിൽ വേലയ്ക്കാരൻ എന്ന മോഹൻ രാജ ചിത്രത്തിൽ ശിവകാർത്തികേയന്റെ വില്ലൻ ആയി അഭിനയിച്ച ഫഹദ് പിന്നീട് സൂപ്പർ ഡീലക്സ് എന്ന ചിത്രത്തിലും അഭിനയിച്ചിരുന്നു. ഉലക നായകൻ കമൽ ഹാസനെ നായകനാക്കി ലോകേഷ് കനകരാജ് ഒരുക്കിയ വിക്രം എന്ന ചിത്രത്തിലാണ് ഫഹദ് പിന്നീടഭിനയിച്ചത്. കീർത്തി സുരേഷ് നായികാ വേഷം ചെയ്യുന്ന മാമന്നനിൽ ഉദയനിധി സ്റ്റാലിനും പ്രധാന വേഷം ചെയ്യുന്നുണ്ട്. ഈ ചിത്രത്തിൽ വില്ലനായാണ് ഫഹദ് ഫാസിൽ അഭിനയിക്കുന്നതെന്ന് നേരത്തെ വാർത്തകൾ വന്നിരുന്നു.
റെഡ് ജയന്റ് മൂവീസ് നിർമ്മിക്കുന്ന ഈ ചിത്രത്തിൽ തമിഴിലെ ഹാസ്യ സാമ്രാട്ട് വടിവേലുവും നിർണ്ണായക വേഷം ചെയ്യുന്നുണ്ട്. എ ആർ റഹ്മാനാണ് ഈ ചിത്രത്തിന് വേണ്ടി സംഗീത സംവിധാനം നിർവഹിച്ചിരിക്കുന്നത്. ഒരു പൊളിറ്റിക്കൽ ത്രില്ലറായി ഒരുക്കുന്ന ഈ ചിത്രം രചിച്ചതും സംവിധായകൻ മാരി സെൽവരാജ് തന്നെയാണ്. നീട്ടി വളർത്തിയ മീശയുമായി എത്തിയ ഫഹദ് ഫാസിലിന്റെ ഇതിലെ ലുക്ക് നേരത്തെ തന്നെ ശ്രദ്ധ നേടിയിരുന്നു. തേനി ഈശ്വർ ക്യാമറ ചലിപ്പിച്ച ഈ ചിത്രം എഡിറ്റ് ചെയ്യാൻ പോകുന്നത് അസറുദീൻ അലാവുദീനാണ്. മാമന്നൻ എന്ന് പേരുള്ള ഒരു രാഷ്ട്രീയ നേതാവായാണ് ഇതിൽ വടിവേലുവെത്തുന്നതെന്ന് വാർത്തകൾ പറയുന്നു. ഫഹദ് ഫാസിൽ- കീർത്തി സുരേഷ് ടീം ആദ്യമായി ഒന്നിക്കുന്ന ചിത്രം കൂടിയാണ് മാമന്നൻ.
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
ഇന്ത്യൻ സിനിമയിലെ പരമോന്നത ബഹുമതിയായ ദാദാസാഹേബ് ഫാൽക്കെ പുരസ്കാരം മോഹൻലാലിന്. ഇന്ത്യൻ സിനിമയുടെ പിതാവായി കണക്കാക്കപ്പെടുന്ന ധുന്ദിരാജ് ഗോവിന്ദ് ഫാൽക്കെയുടെ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഓഡിയോ/മ്യൂസിക് അവകാശം…
This website uses cookies.