തമിഴിലെ സൂപ്പർ ഹിറ്റ് സംവിധായകൻ ലോകേഷ് കനകരാജ് രൂപം നൽകിയ ലോകേഷ് സിനിമാറ്റിക് യൂണിവേഴ്സ് ആണ് ഇപ്പോൾ സോഷ്യൽ മീഡിയയിലെ സിനിമാ പ്രേമികളുടെ ചർച്ചാ വിഷയം. കഴിഞ്ഞ വർഷം റിലീസ് ചെയ്ത കമൽ ഹാസൻ ചിത്രമായ വിക്രത്തിലൂടെ ആണ് ലോകേഷ് സിനിമാറ്റിക് യൂണിവേഴ്സിന് അദ്ദേഹം രൂപം നൽകിയത്. അതിനു മുൻപ് താൻ സംവിധാനം ചെയ്ത് സൂപ്പർ വിജയം നേടിയ കാർത്തി ചിത്രമായ കൈതിയിലെ കഥാപാത്രങ്ങളെ ഉൾപ്പെടുത്തിയാണ് അദ്ദേഹം വിക്രത്തിന്റെ കഥ പറഞ്ഞത്. വിക്രത്തിൽ കമൽ ഹാസനൊപ്പം ഫഹദ് ഫാസിൽ, വിജയ് സേതുപതി എന്നിവരേയും, സൂര്യയെ അതിഥി വേഷത്തിലും കൊണ്ട് വന്ന ലോകേഷ്, കൈതിയിൽ നിന്ന് അർജുൻ ദാസ്, ഹരീഷ് ഉത്തമൻ, നരെയ്ൻ എന്നിവരേയും ഇതിലേക്ക് കൊണ്ട് വന്നു. ഇപ്പോഴിതാ ദളപതി വിജയ് നായകനായി എത്തുന്ന ഏറ്റവും പുതിയ ചിത്രമാണ് ലോകേഷ് ഒരുക്കുന്നത്. ആ ചിത്രവും ലോകേഷ് സിനിമാറ്റിക് യൂണിവേഴ്സിന്റെ ഭാഗമാണെന്ന സൂചനയാണ് സംവിധായകൻ നൽകുന്നത്.
അടുത്തിടെ നടന്ന ഒരു പരിപാടിയിൽ, വിജയ്, സൂര്യ, കമൽ ഹാസൻ, കാർത്തി എന്നിവരുടെ ചിത്രങ്ങൾ കാണിച്ചിട്ട്, ഇവരെ ഒരുമിച്ച് എന്നെങ്കിലും സ്ക്രീനിൽ കാണാൻ കഴിയുമോ എന്ന ചോദ്യത്തിന് ലോകേഷ് നൽകിയ മറുപടിയാണ് വൈറലാവുന്നത്. യഥാർത്ഥത്തിൽ ഒരു യൂണിവേഴ്സ് ആവുമ്പോൾ അത് അവസാനിക്കുന്നത് ഇവർ ഒരുമിച്ചു വരുമ്പോൾ ആണെന്നും, അത് സംഭവിച്ചു കാണാൻ തനിക്കും ആഗ്രഹമുണ്ടെന്നുമാണ് അദ്ദേഹം പറഞ്ഞത്. ഇവരെ കാണിച്ചപ്പോൾ അത് ഒരു യൂണിവേഴ്സിന്റെ ഭാഗമാണെന്ന രീതിയിൽ ലോകേഷ് സംസാരിച്ചതോടെ, വിജയ് ചിത്രവും ലോകേഷ് സിനിമാറ്റിക് യൂണിവേഴ്സിന്റെ ഭാഗമാണെന്ന് ആരാധകർ ഉറപ്പിച്ചുകഴിഞ്ഞു. വിക്രം 2, കൈതി 2, റോളക്സ് എന്നീ ചിത്രങ്ങളും ഈ യൂണിവേഴ്സിന്റെ ഭാഗമായി ലോകേഷ് ഒരുക്കാൻ പ്ലാൻ ചെയ്യുന്ന ചിത്രങ്ങളാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.