ലിന്റോ കുര്യൻ എന്ന പേര് സോഷ്യൽ മീഡിയയിൽ സജീവമായിട്ടുള്ള എല്ലാ സിനിമാ പ്രേമികൾക്കും പരിചിതമാണ്. രസകരമായ ട്രോൾ വീഡിയോകൾ, അതുപോലെ ഓരോ താര ആരാധകരേയും രോമാഞ്ചം കൊള്ളിക്കുന്ന മാഷപ്പ് വീഡിയോകൾ എന്നിവ വഴി ഏറെ ആരാധകരെ സൃഷ്ടിച്ച എഡിറ്റർ ആണ് ലിന്റോ കുര്യൻ. മോഹൻലാൽ, മമ്മൂട്ടി, ദിലീപ് തുടങ്ങി മലയാളത്തിലെ ഒട്ടു മിക്ക താരങ്ങളുടെയും ജന്മദിന സ്പെഷ്യൽ ആയൊക്കെ ലിന്റോ കുര്യൻ എഡിറ്റ് ചെയ്ത മാഷപ്പ് വീഡിയോകൾ ഏവരുടെയും പ്രീയപ്പെട്ടവയാണ്. തന്റെ ജന്മദിനത്തിന് ലിന്റോ ചെയ്ത ജന്മദിന സ്പെഷ്യൽ മാഷപ്പ് കണ്ട നടൻ ജയസൂര്യ ലിന്റോയെ സിനിമയിലേക്ക് ക്ഷണിക്കുകയും ചെയ്തിരുന്നു. ഇപ്പോഴിതാ മെഗാ സ്റ്റാർ മമ്മൂട്ടി ചിത്രത്തിന്റെ കൂടി ഭാഗമാവാൻ ഉള്ള അവസരം വന്നിരിക്കുകയാണ് ഈ യുവാവിന്.
കഴിഞ്ഞ ദിവസം ലിന്റോ കുര്യൻ തന്നെയാണ് ഈ കാര്യം ഏവരെയും അറിയിച്ചത്. മമ്മൂട്ടി നായകനായി എത്തുന്ന ഷൈലോക്ക് എന്ന ചിത്രത്തിന്റെ സംവിധായകൻ അജയ് വാസുദേവ് തന്നെ വിളിച്ചു എന്നും എല്ലാം ഭംഗിയായി തീരുകയാണെങ്കിൽ ഷൈലോക്കിന്റെ ടീസർ എഡിറ്റ് ചെയ്യാൻ ഉള്ള ഭാഗ്യം തനിക്കു ലഭിക്കും എന്നും ലിന്റോ പറയുന്നു. രാജാധി രാജ, മാസ്റ്റർ പീസ് എന്നീ ചിത്രങ്ങൾ മമ്മൂട്ടിയെ വെച്ച് ഒരുക്കിയ അജയ് വാസുദേവിന്റെ മൂന്നാം സംവിധാന സംരംഭമാണ് ഷൈലോക്ക് എന്ന ബിഗ് ബജറ്റ് ആക്ഷൻ ചിത്രം. ഗുഡ് വിൽ എന്റർടൈൻമെന്റിന്റെ ബാനറിൽ ജോബി ജോർജ് നിർമ്മിക്കുന്ന ഈ ചിത്രം ഈ വർഷം ക്രിസ്മസ് റിലീസ് ആയി ആണ് എത്തുക.
മോഹൻലാൽ, മമ്മൂട്ടി, ദിലീപ്, ജയസൂര്യ എന്നിവരുടെ ജന്മദിന സ്പെഷ്യൽ മാഷപ്പ് വീഡിയോകൾക്ക് ഒപ്പം ശ്രദ്ധ നേടിയ ലിന്റോ കുര്യന്റെ മറ്റു വീഡിയോകൾ ആണ് ഫഹദ് ഫാസിൽ, ദുൽഖർ, പൃഥ്വിരാജ് സുകുമാരൻ, നിവിൻ പോളി എന്നിവരുടെ ബർത് ഡേ മാഷപ്പുകളും ലാലേട്ടൻ ഫൈറ്റ് മാഷപ്പ്, മോഹൻലാൽ, ജോഷി, മമ്മൂട്ടി എന്നിവർക്ക് വേണ്ടിയുള്ള ട്രിബ്യൂട്ട് വീഡിയോകളും. ഏതായാലും ഈ പ്രതിഭയുടെ കഴിവ് ഇനി സിനിമയിലും കാണാൻ സാധിക്കും എന്ന പ്രതീക്ഷയിൽ ആണ് ലിന്റോ കുര്യനെ സ്നേഹിക്കുന്ന സുഹൃത്തുക്കളും അദ്ദേഹത്തെ ഫോളോ ചെയ്യുന്നവരും.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.