വമ്പൻ റിലീസുമായി ലവ കുശ എത്തുന്നു; ഈ വ്യാഴാഴ്ച മുതൽ.

നടൻ നീരജ് മാധവ് തിരക്കഥ ഒരുക്കി ഗിരീഷ് മനോ സംവിധാനം ചെയ്ത ലവ കുശ എന്ന കോമഡി എന്റെർറ്റൈനെർ ഈ വരുന്ന ഒക്ടോബർ 12 മുതൽ കേരളത്തിലെ പ്രദർശന ശാലകളിൽ എത്തുകയാണ്. വമ്പൻ റിലീസിനു ആണ് ലവ കുശ ഒരുങ്ങുന്നത് എന്നാണ് ഇപ്പോൾ ലഭിച്ചുകൊണ്ടിരിക്കുന്ന റിപ്പോർട്ടുകൾ സൂചിപ്പിക്കുന്നത്.

കേരളത്തിലെ 125 ഓളം സ്‌ക്രീനുകളിൽ ആയിരിക്കും ഈ ചിത്രം എത്തുക. ബിജു മേനോൻ, നീരജ് മാധവ്, അജു വർഗീസ് എന്നിവർ പ്രധാന വേഷങ്ങളിൽ എത്തുന്ന ഈ ചിത്രത്തിൽ നായിക വേഷം അവതരിപ്പിക്കുന്നത് നീന, പുള്ളിക്കാരൻ സ്റ്റാറാ എന്നീ ചിത്രങ്ങളിലൂടെ പ്രശസ്തയായ നടി ദീപ്തി സതി ആണ്. ആർ ജെ ക്രീയേഷന്സിന്റെ ബാനറിൽ ജെയ്സൺ ഇളംകുളം ഗിരീഷ് വൈക്കം എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്.

ഒരു കമ്പ്ലീറ്റ് എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിന്റെ ടീസറും ഇതിലെ രണ്ടു ഗാനങ്ങളും ഇതിനോടകം തന്നെ സിനിമാ പ്രേമികളും ആരാധകരും ഇരു കയ്യും നീട്ടി സ്വീകരിച്ചു കഴിഞ്ഞു. ഗോപി സുന്ദർ സംഗീതം പകർന്നിരിക്കുന്ന ഈ ചിത്രത്തിന് വേണ്ടി ദൃശ്യങ്ങളൊരുക്കിയത് പ്രകാശ് വേലായുധൻ ആണ്.

ജോൺകുട്ടി എഡിറ്റിംഗ് നിർവഹിച്ചിരിക്കുന്ന ലവ കുശ , ബിജു മേനോനും നീരജ് മാധവും ഒരുമിച്ചഭിനയിക്കുന്ന മൂന്നാമത്തെ ചിത്രമാണ്. മധുരനാരങ്ങ, കുഞ്ഞിരാമായണം എന്നീ ചിത്രങ്ങളിൽ ഒരുമിച്ചു അഭിനയിച്ച ഇവർ ഇപ്പോൾ റോസാപ്പൂ എന്നൊരു ചിത്രത്തിലും ഒരുമിച്ചു ജോലി ചെയ്യുകയാണ്. നീരജ് മാധവ് ആദ്യമായാണ് ഒരു സിനിമയ്ക്കു തിരക്കഥ ഒരുക്കിയിരിക്കുന്നത്.