വിജയ കൂട്ടുകെട്ടുകൾ ആയ ലാൽജോസും കുഞ്ചാക്കോ ബോബനും വീണ്ടും ഒന്നിക്കുകയാണ്. ഇവരുടെയും മുൻ ഹിറ്റ് ചിത്രങ്ങളായ പുള്ളിപുലിയും അട്ടിൻകുട്ടിയും, എൽസമ്മ എന്ന ആണ്കുട്ടി എന്നിവയ്ക്ക് തിരക്കഥ ഒരുക്കിയിട്ടുള്ള തിരക്കഥാകൃത്തായ എം. സിന്ധുരാജ് തന്നെയാണ് ഈ ചിത്രത്തിന് വേണ്ടിയും തിരക്കഥയൊരുക്കുന്നത്. ചിത്രത്തിൻറെ മറ്റ് നടപടികൾ പൂർത്തിയായി വരുന്നു. പേര് നൽകാത്ത ഈ ചിത്രത്തിന്റെ നിർമ്മാണം ഷെബിൻ ബേക്കറാണ്. നിരവധി പുതുമുഖങ്ങളെ സിനിമയിലേക്ക് എത്തിച്ച ലാൽ ജോസ്, ഈ ചിത്രത്തിലൂടെയും ഒരു പുതുമുഖത്തെ മലയാളസിനിമയ്ക്ക് നൽകുന്നുണ്ട്. ചിത്രത്തിലെ നായിക പുതുമുഖമായിരിക്കും എന്നാണ് പുറത്തുവരുന്ന വാർത്തകൾ സൂചിപ്പിക്കുന്നത്. കണ്ണൂരാണ് ചിത്രത്തിന്റെ പ്രധാന ലൊക്കേഷൻ. ചിത്രത്തിന്റെ ഷൂട്ടിങ് ജൂലൈയിൽ ആരംഭിക്കും. ദേശീയ അവാർഡ് ജേതാവായ സൗമ്യ സദാനന്ദന്റെ ചിത്രത്തിൽ അഭിനയിച്ചുകൊണ്ടിരിക്കുകയാണ് കുഞ്ചാക്കോ ബോബൻ ഇപ്പോൾ.
സംവിധായകൻ ലാൽ ജോസ് തിരക്കഥാകൃത്ത് എം. സിന്ധുരാജും കുഞ്ചാക്കോ ബോബനും ഒന്നിച്ച ആദ്യ ചിത്രം എൽസമ്മ എന്ന ആൺകുട്ടി ആയിരുന്നു. ആൻ അഗസ്റ്റിൻ ആദ്യമായി ബിഗ്സ്ക്രീനിൽ എത്തിയ ചിത്രം അന്ന് വളരെ വലിയ വിജയം നേടിയിരുന്നു. ചിത്രത്തിലൂടെ വലിയ ഹിറ്റായി മാറിയ കോമ്പിനേഷൻ പിന്നീട് 2013 വീണ്ടും എത്തി വിജയം ആവർത്തിച്ചു. പുള്ളിപ്പുലിയും ആട്ടിൻകുട്ടിയും എന്ന ചിത്രത്തിലൂടെയായിരുന്നു ഇത്തവണ വീണ്ടും വിജയം കൊയ്തത്. കുട്ടനാടൻ പശ്ചാത്തലത്തിൽ കഥ പറഞ്ഞ ചിത്രം ആ വർഷത്തെ വലിയ വിജയങ്ങളിലൊന്ന് ആയി മാറി. പൊതുവേ ഗ്രാമാന്തരീക്ഷത്തിൽ ഒരുക്കുന്ന കൊച്ചു കഥകളാണ് സിന്ധുരാജിന്റെ തിരക്കഥയുടെ സൗന്ദര്യം. പുതിയ ചിത്രവും അതുപോലെ ഒന്നു തന്നെയായിരിക്കും എന്നാണ് അറിയാൻ കഴിയുന്നത്. എന്തുതന്നെയായാലും കുടുംബപ്രേക്ഷകരേയും ആകർഷിക്കുന്ന മികച്ച ഒരു ചിരി ചിത്രമൊരുക്കാൻ വിജയ കൂട്ടുകെട്ടിനാവട്ടെ.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.