കുഞ്ചാക്കോ ബോബൻ- സിദ്ധാർഥ് ഭരതൻ ടീമിന്റെ ചിത്രം വർണ്യത്തിൽ ആശങ്ക ഈ വെള്ളിയാഴ്ച മുതൽ പ്രദർശനം ആരംഭിക്കുകയാണ്. ഇന്ന് സെൻസറിങ് കഴിഞ്ഞ ഈ ചിത്രത്തിന് ഒറ്റ കട്ട് പോലും ഇല്ലാതെ ക്ലീൻ യു സർട്ടിഫിക്കറ്റ് ആണ് ലഭിച്ചിരിക്കുന്നത്. യുവാക്കളുടെയും കുടുംബ പ്രേക്ഷകരുടെയും മനം ഒരുപോലെ ഈ ചിത്രം കവരും എന്നാണ് റിപ്പോർട്ടുകൾ സൂചിപ്പിക്കുന്നത്. പ്രത്യേകിച്ച് വളരെ രസകരമായ മുഹൂർത്തങ്ങളിലൂടെ , ആസ്വാദകരെ പൊട്ടി ചിരിപ്പിച്ചു കൊണ്ട് മുന്നോട്ടു പോകുന്ന ഈ ചിത്രം കുടുംബ പ്രേക്ഷകർക്ക് ഒരുത്സവം തന്നെയായിരിക്കും എന്നാണ് റിപ്പോർട്ടുകൾ പറയുന്നത്. ആക്ഷേപ ഹാസ്യത്തിന്റെ ഒരു പുതിയ തലമായിരിക്കും ഈ ചിത്രം പ്രേക്ഷകർക്ക് സമ്മാനിക്കുക എന്നും അണിയറ പ്രവർത്തകർ ഉറപ്പു തരുന്നു. സിദ്ധാർഥ് ഭരതന്റെ മൂന്നാമത്തെ ചിത്രമാണ് വർണ്യത്തിൽ ആശങ്ക.
തൃശൂർ ഗോപാൽജി തിരക്കഥ ഒരുക്കിയ ഈ ചിത്രത്തിൽ മണികണ്ഠൻ ആചാരി, ചെമ്പൻ വിനോദ്, സുരാജ് വെഞ്ഞാറമ്മൂട്, ഷൈൻ ടോം ചാക്കോ, രചന നാരായണ കുട്ടി തുടങ്ങി ഒട്ടനവധി കലാകാരൻമാർ അണി നിരക്കുന്നു. പ്രശാന്ത് പിള്ളൈ സംഗീതം ഒരുക്കിയിരിക്കുന്ന ഈ ചിത്രം നിർമ്മിച്ചിരിക്കുന്നത് ആഷിഖ് ഉസ്മാൻ ആണ്.
ന്യൂ ജെനെറേഷൻ സിനിമകളിൽ കണ്ടു വരുന്ന ദ്വയാർത്ഥ പ്രയോഗങ്ങളോ ദൃശ്യങ്ങളോ ഇല്ലാതെ വളരെ ശുദ്ധമായ രീതിയിൽ ഹാസ്യം കൈകാര്യം ചെയ്യുന്ന ഈ ചിത്രം കുടുംബ പ്രേക്ഷകരെ ലക്ഷ്യമിട്ടാണ് നിർമ്മിച്ചിരിക്കുന്നത്.
ശിവൻ എന്ന കഥാപാത്രത്തെയാണ് കുഞ്ചാക്കോ ബോബൻ ഈ ചിത്രത്തിൽ അവതരിപ്പിക്കുന്നത്. ഒരു ഹർത്താൽ ദിനത്തിൽ തൃശൂർ നഗരത്തെ ചുറ്റിപ്പറ്റിയാണ് ഈ ചിത്രത്തിന്റെ കഥ വികസിക്കുന്നത് എന്നാണ് സൂചന. ചന്ദ്രേട്ടൻ എവിടെയാ എന്ന ദിലീപ് നായകനായ സൂപ്പർ ഹിറ്റ് ചിത്രമാണ് സിദ്ധാർഥ് ഭരതൻ ഇതിനു മുൻപേ ഒരുക്കിയ ചിത്രം. നിദ്ര എന്ന ചിത്രത്തിലൂടെയാണ് സിദ്ധാർഥ് ഭരതൻ സംവിധായകനായി അരങ്ങേറ്റം കുറിച്ചത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.