കഴിഞ്ഞ വർഷം റിലീസ് ചെയ്ത് മലയാള സിനിമാ പ്രേമികളെ ഏറെ രസിപ്പിച്ച ചിത്രമാണ് കുഞ്ചാക്കോ ബോബൻ നായകനായ ന്നാ താൻ കേസ് കൊട്. രതീഷ് ബാലകൃഷ്ണ പൊതുവാൾ ഒരുക്കിയ ഈ ചിത്രം കുഞ്ചാക്കോ കരിയറിലെ തന്നെ ഏറ്റവും വലിയ ബോക്സ് ഓഫീസ് വിജയങ്ങളിൽ ഒന്നായി എന്ന് മാത്രമല്ല, ഇതിലെ കൊഴുമ്മൽ രാജീവൻ എന്ന കഥാപാത്രമായുള്ള പ്രകടനം അദ്ദേഹത്തിന് സംസ്ഥാന ചലച്ചിത്ര പുരസ്കാരത്തിൽ മികച്ച നടനുള്ള സ്പെഷ്യൽ ജൂറി അംഗീകാരം നേടിക്കൊടുക്കുകയും ചെയ്തു. കുഞ്ചാക്കോ ബോബന്റെ കരിയറിലെ തന്നെ ഏറ്റവും മികച്ച പ്രകടനമായാണ് കൊഴുമ്മൽ രാജീവനായുള്ള അദ്ദേഹത്തിന്റെ പകർന്നാട്ടത്തെ പ്രേക്ഷകരും നിരൂപകരും വിലയിരുത്തുന്നത്. ഇപ്പോഴിതാ, വൈകാതെ ഈ കഥാപാത്രമായി താൻ ഒരിക്കൽ കൂടി വെള്ളിത്തിരയിലെത്തുമെന്ന് വെളിപ്പെടുത്തിയിരിക്കുകയാണ് കുഞ്ചാക്കോ ബോബൻ.
ന്നാ താൻ കേസ് കൊട് എന്ന ചിത്രത്തിലെ വളരെ പ്രധാനപ്പെട്ട രണ്ട് കഥാപാത്രങ്ങളാണ് രാജേഷ് മാധവൻ അവതരിപ്പിച്ച സുരേശനും, ചിത്ര നായർ അവതരിപ്പിച്ച സുമലതയും. ഇവരുടെ രസകരമായ പ്രണയ കഥ ഈ ചിത്രത്തിന്റെ ഹൈലൈറ്റ് ആയിരുന്നു. ഈ കഥാപാത്രങ്ങളെ വെച്ച് കൊണ്ട് രതീഷ് ബാലകൃഷ്ണ പൊതുവാൾ ഒരുക്കുന്ന ന്നാ താൻ കേസ് കൊട് സ്പിൻ ഓഫ് ചിത്രമാണ്, “സുരേശന്റെയും സുമലതയുടേയും ഹൃദയഹാരിയായ പ്രണയ കഥ”. ഈ ചിത്രത്തിലാണ് കൊഴുമ്മൽ രാജീവനായി ഒരു നിർണ്ണായക അതിഥി വേഷത്തിൽ കുഞ്ചാക്കോ ബോബൻ പ്രത്യക്ഷപ്പെടുന്നത്. രതീഷ് ബാലകൃഷ്ണ പൊതുവാൾ തന്നെ രചനയും നിർവഹിച്ച ഈ ചിത്രം നിർമ്മിക്കുന്നത് സിൽവർ ബേ സ്റ്റുഡിയോസ്, സിൽവർ ബ്രോമൈഡ് പിക്ചേഴ്സ് എന്നിവർ ചേർന്നാണ്. ഡോൺ വിൻസെന്റ് സംഗീതമൊരുക്കുന്ന ഈ ചിത്രത്തിന് കാമറ ചലിപ്പിച്ചത് സബിൻ ഉരളികണ്ടിയും എഡിറ്റ് ചെയ്യുന്നത് ആകാശ് തോമസുമാണ്
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.