[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ഹിറ്റ് കൂട്ടുകെട്ട് വീണ്ടും ആവർത്തിക്കുന്നു; ഏറെ പ്രത്യേകതകളുമായി റിലീസിന് തയ്യാറെടുത്ത് ശിക്കാരി ശംഭു

സംവിധായകൻ കമലിന്റെ അസിസ്റ്റന്റായിരുന്ന സുഗീതിന്റെ സംവിധാനമികവിൽ കുഞ്ചാക്കോ ബോബന്‍-ബിജു മേനോന്‍ ഹിറ്റ് കൂട്ടുകെട്ടിനെ മലയാളത്തിന് പരിചയപ്പെടുത്തിയ ചിത്രമായിരുന്നു ഓർഡിനറി. പത്തനംതിട്ടയിലെ ഗവിയിൽ ചിത്രീകരിച്ച ഈ ചിത്രത്തിൽ കൺകുളിർപ്പിക്കുന്ന ഗ്രാമീണ ദൃശ്യങ്ങളും, താഴ്വാരങ്ങളുമെല്ലാം അതിന്റെ ഭംഗി നഷ്ടപ്പെടാതെ ഒപ്പിയെടുക്കാൻ ഫൈസൽ അലി എന്ന ക്യാമറാമാന് കഴിഞ്ഞിരുന്നു.നിഷാദ് കോയയും മനുപ്രസാദും ചേർന്നായിരുന്നു ചിത്രത്തിന്റെ തിരക്കഥ. തുടർന്ന് ത്രീ ഡോട്ട്‌സ്, മധുര നാരങ്ങ എന്നീ ചിത്രങ്ങളും കുഞ്ചാക്കോ ബോബനെ നായകനാക്കി സുഗീത് സംവിധാനം ചെയ്യുകയുണ്ടായി.

ഇപ്പോൾ വീണ്ടും ശിക്കാരി ശംഭു എന്ന ചിത്രത്തിന് വേണ്ടി സുഗീതും കുഞ്ചാക്കോ ബോബനും വീണ്ടും ഒന്നിക്കുകയാണ്. ഓര്‍ഡിനറിക്ക് തിരക്കഥ ഒരുക്കിയ നിഷാദ് കോയയാണ് ശിക്കാരി ശംഭുവിനും തിരക്കഥ എഴുതുന്നത്.

ഓർഡിനറിയിൽ ഗവി എന്ന മനോഹരമായ പ്രദേശത്തെയാണ് സംവിധായകൻ പ്രേക്ഷകന് മുന്നിൽ വരച്ചുകാട്ടിയതെങ്കിൽ ശിക്കാരി ശംഭുവിൽ കോതമംഗലത്തെ ഭൂതത്താൻ കെട്ട്, ഇടമലയാർ വനമേഖലകളാണ് തെരഞ്ഞെടുത്തിരിക്കുന്നത്. ഓർഡിനറി എന്ന ചിത്രം റിലീസ് ആയതിന് ശേഷമാണ് ഗവി എന്ന മേഖലയെ കൂടുതൽ ആളുകളും ശ്രദ്ധിച്ചുതുടങ്ങിയത്.

അതുകൊണ്ടുതന്നെ ഭൂതത്താൻ കെട്ടും ശ്രദ്ധിക്കപ്പെടാനുള്ള സാധ്യത ഏറെയാണ്. ലൊക്കേഷൻ തെരഞ്ഞെടുക്കുന്നതിലും കഥ അവതരിപ്പിക്കുന്നതിലും മറ്റുള്ളവരിൽ നിന്ന് വ്യത്യസ്തത പുലർത്താൻ സംവിധായകൻ ആദ്യം മുതൽ തന്നെ ശ്രദ്ധിച്ചിട്ടുണ്ട്.

എല്ലാവരും ന്യൂ ജനറേഷൻ സ്റ്റൈലുകളും രീതികളും പരീക്ഷിക്കുമ്പോൾ അതിൽ നിന്ന് വ്യത്യസ്തമായി ഗ്രാമീണതയുടെ നിഷ്‌കളങ്കത്വം അവതരിപ്പിച്ച് സിനിമാപ്രേമികളുടെ മനസ് കീഴടക്കി മികച്ച ഒരു ചിത്രമൊരുക്കാൻ ഓർഡിനറിയിലൂടെ സുഗീതിന് കഴിഞ്ഞു. ശിക്കാരി ശംഭുവിലൂടെ വീണ്ടും അത്തരമൊരു വിസ്‌മയമാണ് ആരാധകരെ കാത്തിരിക്കുന്നതെന്നാണ് സൂചന.

ചിത്രത്തിൽ ചാക്കോച്ചനോടൊപ്പം കട്ടപ്പനയിലെ ഹൃതിക് റോഷൻ ഫെയിം വിഷ്ണു ഉണ്ണികൃഷ്ണനും സുപ്രധാന വേഷം അവതരിപ്പിക്കുന്നുണ്ട്. സുസു സുധി വാത്മീകം എന്ന ചിത്രത്തിലൂടെ മലയാളികളുടെ പ്രിയ നായികയായി മാറിയ ശിവദ ആദ്യമായി കുഞ്ചാക്കോ ബോബന്റെ നായികയാകുന്നു എന്ന പ്രത്യേകതയും ഈ ചിത്രത്തിനുണ്ട്.

webdesk

Recent Posts

പുരാണ–ഫാന്റസി ദൃശ്യവിസ്മയം ‘നാഗബന്ധം’; ട്രെയിലർ പുറത്തിറങ്ങി

പാൻ-ഇന്ത്യൻ ആക്ഷൻ–അഡ്വഞ്ചർ ചിത്രം ‘നാഗബന്ധം’ ട്രെയിലർ പുറത്തിറങ്ങി. പുരാണം, ചരിത്രം, ഫാന്റസി, സാഹസികത എന്നിവ സമന്വയിപ്പിച്ച വിപുലമായ ദൃശ്യലോകമാണ് ചിത്രം…

3 days ago

ആഷിക്ക് അബു ഭദ്രദീപം കൊളുത്തി; വിനീത് കുമാർ നായകനാകുന്ന ‘നോട്ട്’ ന് തുടക്കം

വിനീത് കുമാർ കേന്ദ്രകഥാപാത്രത്തെ അവതരിപ്പിക്കുന്ന പുതിയ ചിത്രം ‘നോട്ട്’ പൂജാ ചടങ്ങോടെ ഔദ്യോഗികമായി ആരംഭിച്ചു. നവാഗതരായ ആശിഷും കിരണും ചേർന്ന്…

4 days ago

“റെയ്സ് ഓഫ് നാഗ”; രൂപേഷ് പീതാംബരൻ ചിത്രം ഭാസ്കരഭരണത്തിലെ ആദ്യ ഗാനം പുറത്ത്

രൂപേഷ് പീതാംബരൻ സംവിധാനം ചെയ്ത് പ്രധാന കഥാപാത്രത്തെ അവതരിപ്പിക്കുന്ന 'ഭാസ്കരഭരണം' എന്ന ചിത്രത്തിലെ ആദ്യ ഗാനം പുറത്ത്. "റെയ്സ് ഓഫ്…

1 week ago

ബ്രഹ്മാണ്ഡ ചിത്രം നാഗബന്ധത്തിനായി ഹൈദരാബാദിൽ അനന്ത പത്മനാഭ സ്വാമി രഥയാത്ര നടത്തി

അഭിഷേക് നാമ രചിച്ചു സംവിധാനം ചെയ്യുന്ന പാൻ ഇന്ത്യൻ തെലുങ്ക് ചിത്രമായ നാഗബന്ധം 2026, ജൂലൈ 3 ന് ലോകമൊട്ടാകെ…

1 week ago

ഭാസ്കരഭരണം ജൂൺ 26 ന് തിയറ്ററുകളിൽ

രൂപേഷ് പീതാംബരൻ സംവിധാനം ചെയ്ത് പ്രധാന വേഷത്തിലെത്തുന്ന ഭാസ്കരഭരണം ജൂൺ 26 ന് തിയറ്ററുകളിലെത്തും. അടുത്തിടെ പുറത്തിറങ്ങിയ ചിത്രത്തിന്റെ ടീസർ…

2 weeks ago

വിരാട് കർണ്ണ നായകനാകുന്ന മിത്തോളജിക്കൽ ആക്ഷൻ- അഡ്വഞ്ചർ; നാഗബന്ധം’ കേരള വിതരണാവകാശം സ്വന്തമാക്കി ഗുഡ് ഫെല്ലാസ്

അഭിഷേക് നാമ സംവിധാനം ചെയ്യുന്ന ബ്രഹ്മാണ്ഡ സോഷ്യോ-ഫാന്റസി അഡ്വഞ്ചർ ചിത്രം 'നാഗബന്ധം - ദി സീക്രട്ട് ട്രഷർ' ന്റെ കേരള…

2 weeks ago

This website uses cookies.