22 കൊല്ലം ആയി ഞാൻ അഭിനയിച്ചിട്ടു ശരിയാവുന്നില്ല, നിങ്ങൾ ഈ അടുത്ത് കേറി വന്നിട്ട് ഇങ്ങനെ പൊളിക്കരുതെന്ന് സൗബിനോട് ചാക്കോച്ചൻ..!

ആഷിക് അബു സംവിധാനം ചെയ്ത വൈറസ് എന്ന ചിത്രം മികച്ച പ്രേക്ഷക പിന്തുണ തേടി തീയേറ്ററുകളിൽ പ്രദർശനം തുടരുകയാണ്. വമ്പൻ താര നിരയാണ് ഈ ചിത്രത്തിൽ അണിനിരന്നിരിക്കുന്നത്‌. കോഴിക്കോട് കഴിഞ്ഞ വർഷം പൊട്ടിപ്പുറപ്പെട്ട നിപ വൈറസ് ദുരന്തത്തെ മുൻനിർത്തി ഒരുക്കിയ ഈ ചിത്രം നിർമ്മിച്ചിരിക്കുന്നത് ഓ പി എം പ്രൊഡക്ഷൻസ് ആണ്. കുഞ്ചാക്കോ ബോബൻ, രേവതി, ശ്രീനാഥ് ഭാസി, ആസിഫ് അലി, റിമ കല്ലിങ്കൽ, ടൊവിനോ തോമസ്, പാർവതി, രമ്യ നമ്പീശൻ, സൗബിൻ ഷാഹിർ, ദിലീഷ് പോത്തൻ, ജോജു ജോർജ്, റഹ്മാൻ, ഇന്ദ്രജിത്ത്, പൂർണിമ, മഡോണ എന്നിവർ നിർണ്ണായക കഥാപാത്രങ്ങളെ അവതരിപ്പിച്ച ഈ ചിത്രം രചിച്ചിരിക്കുന്നത് മുഹ്‌സിൻ പരാരി , സുഹാസ്- ഷർഫു എന്നിവർ ചേർന്നാണ്. വൈറസിന്റെ പ്രമോഷന്റെ ഭാഗമായി താരങ്ങൾ ഒരുമിച്ചു എത്തിയ ഒരു മാധ്യമ അഭിമുഖത്തിൽ കുഞ്ചാക്കോ ബോബൻ സൗബിൻ ഷാഹിറിനോട് പറഞ്ഞ ഒരു കമന്റ് ആണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്.

സൗബിൻ ഈ ചിത്രത്തിൽ ഗംഭീര പ്രകടനം ആണ് കാഴ്ച വെച്ചത്. അത് പരാമർശിച്ചു കൊണ്ട് കുഞ്ചാക്കോ ബോബൻ പറഞ്ഞത്, 22 കൊല്ലം ആയി താൻ അഭിനയിച്ചിട്ടു ശെരിയാവുന്നില്ല എന്നും ഈ അടുത്ത് വന്നിട്ട് നിങ്ങൾ ഇങ്ങനെ പൊളിച്ചടുക്കി അഭിനയിക്കരുത് എന്നാണ്. ചാക്കോച്ചന്റെ ഈ രസകരമായ കമന്റ് പൊട്ടിച്ചിരികളോടെ ആണ് വൈറസ് ടീം ഏറ്റെടുത്ത്. ശ്രീനാഥ് ഭാസി, പാർവതി, റിമ എന്നിവരും ഈ ചിത്രത്തിലെ പ്രകടനത്തിലൂടെ കയ്യടി നേടുകയാണ്. ലിനി സിസ്റ്ററെ ഓർമിപ്പിക്കുന്ന അഖില എന്ന കഥാപാത്രമായി എത്തിയ റിമ കല്ലിങ്കൽ ഗംഭീരമായ പ്രകടനം നൽകിയപ്പോൾ ആബിദ് ആയി എത്തിയ ശ്രീനാഥ് ഭാസി, അനു ആയി എത്തിയ പാർവതി എന്നിവരുടെ പ്രകടനവും ചിത്രത്തിന് മുതൽക്കൂട്ടായി മാറി.