ഇപ്പോൾ കേരളത്തിൽ വലിയ രീതിയിൽ ചർച്ച ചെയ്യപ്പെട്ടു കൊണ്ടിരിക്കുന്ന കൂടത്തായി കൂട്ടക്കൊല കേസിനെ ആധാരമാക്കി ഒരുക്കുന്ന കൂടത്തായി എന്ന സിനിമയുടെ ഫസ്റ്റ് ലുക്ക് പോസ്റ്റർ പുറത്തു വന്നു. ഡിനി ഡാനിയൽ കേന്ദ്ര കഥാപാത്രം ആയി അഭിനയിക്കുന്ന ഈ ചിത്രം സംവിധാനം ചെയ്യാൻ പോകുന്നത് റോണക്സ് ഫിലിപ് ആണ്. അടുത്ത മാസം പത്താം തീയതി ഈ ചിത്രത്തിൻന്റെ ഷൂട്ടിംഗ് ആരംഭിക്കും എന്നും അണിയറ പ്രവർത്തകർ അറിയിച്ചിട്ടുണ്ട്. ഈ കഥയേ തന്നെ പശ്ചാത്തലമാക്കി മോഹൻലാലിനെ നായകനാക്കി ഒരു ത്രില്ലർ ചിത്രവും അണിയറയിൽ ഒരുങ്ങുന്നുണ്ട് എന്ന് വാർത്തകൾ വന്നിരുന്നു എങ്കിലും ആ ചിത്രം അടുത്ത വർഷം ഫെബ്രുവരി മാസത്തിൽ മാത്രമേ തുടങ്ങു എന്നും റിപ്പോർട്ടുകൾ പറഞ്ഞിരുന്നു.
റോണെക്സ് ഫിലിപ്പ് സംവിധാനം ചെയ്യുന്ന കൂടത്തായി എന്ന ചിത്രത്തിന് വിജീഷ് തുണ്ടത്തില് ആണ് തിരക്കഥ എഴുതുന്നത്. അലക്സ് ജോസഫ് ആണ് ഈ ചിത്രം നിർമ്മിക്കുന്നത്. അതേ സമയം മോഹൻലാൽ നായകനായി ഇതേ കേസിന്റെ പശ്ചാത്തലത്തിൽ ഒരുങ്ങും എന്ന് പറയപ്പെടുന്ന ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമ്മിക്കുക എന്നാണ് റിപ്പോർട്ടുകൾ വന്നത്. എന്നാൽ ഈ ചിത്രം രചിക്കുന്നതും സംവിധാനം ചെയ്യുന്നതും ആരാണെന്നുള്ള വിവരങ്ങൾ അന്ന് പുറത്തു വന്നില്ല. ഒരു അന്വേഷണ ഉദ്യോഗസ്ഥനായി ആണ് മോഹൻലാൽ ഈ ചിത്രത്തിൽ എത്തുന്നത് എന്നാണ് അന്ന് വന്ന വിവരങ്ങൾ സൂചിപ്പിക്കുന്നത്.
ഇപ്പോൾ ഫസ്റ്റ് ലുക്ക് പോസ്റ്റർ പുറത്തു വന്ന കൂടത്തായി എന്ന് പേരിട്ടിരിക്കുന്ന ചിത്രത്തിൽ ജോളി ആയി ഡിനി ഡാനിയൽ അഭിനയിക്കുന്നതിനൊപ്പം മലയാളത്തിലെ പ്രമുഖ താരങ്ങളും ഉണ്ടാകും എന്നാണ് സൂചന. മോഹൻലാൽ നായകനായ ഒരു ത്രില്ലർ വരുന്നുണ്ട് എന്നും അതിനു വേണ്ടി തയ്യാറാക്കിയ കഥയുടെ ഭാഗങ്ങൾ കൂടി കൂടത്തായി കേസിലെ സംഭവങ്ങളോട് കൂട്ടി ചേർത്ത് ആയിരിക്കും മോഹൻലാൽ ചിത്രം അവതരിപ്പിക്കുക എന്നുമാണ് റിപ്പോർട്ടുകൾ നമ്മളോട് പറയുന്നത്. ഏതായാലും മോഹൻലാൽ ചിത്രം നേരത്തെ പറഞ്ഞത് പോലെ അടുത്ത വർഷം ഫെബ്രുവരിയിൽ ആണ് തുടങ്ങുന്നത് എങ്കിൽ അതിനു മുൻപേ തങ്ങളുടെ ചിത്രത്തിന്റെ ജോലികൾ തീർത്തു റിലീസ് ചെയ്യാൻ ആണ് കൂടത്തായി എന്ന ഈ സിനിമയുടെ അണിയറപ്രവർത്തകരുടെ ശ്രമം.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.