2023 എന്ന വർഷത്തിലെ ഏഴു മാസങ്ങൾ പിന്നിടുമ്പോൾ കേരളാ ബോക്സ് ഓഫീസിൽ കാര്യങ്ങൾ അത്ര സുഖകരമല്ല എന്ന റിപ്പോർട്ടുകളാണ് നമ്മുക്കറിയാൻ സാധിക്കുന്നത്. മലയാളം, തമിഴ്, ഹിന്ദി, ഇംഗ്ലീഷ് തുടങ്ങി ഒട്ടേറെ ഭാഷകളിലായി 270 ചിത്രങ്ങളാണ് ഇതുവരെ ഈ വർഷം കേരളത്തിൽ റിലീസ് ചെയ്തത്. എന്നാൽ അതിൽ വെറും ഒൻപത് ചിത്രങ്ങൾ മാത്രമാണ് ബോക്സ് ഓഫീസ് ഹിറ്റ് എന്ന് പറയാവുന്നത്. ചെറിയ ബഡ്ജറ്റിൽ വന്ന രണ്ട് ചിത്രങ്ങൾ ശരാശരി വിജയവും കരസ്ഥമാക്കി. മലയാള ചിത്രങ്ങളേക്കാൾ കൂടുതൽ അന്യ ഭാഷാ ചിത്രങ്ങളാണ് ഈ വർഷം നേട്ടം ഉണ്ടാക്കിയിരിക്കുന്നത്.
മലയാളത്തിൽ നിന്ന് ഈ വർഷം ഹിറ്റ് സ്റ്റാറ്റസ് നേടിയ ചിത്രങ്ങൾ രോമാഞ്ചം, സ്ഫടികം റീ റിലീസ്, 2018 , മധുര മനോഹര മോഹം എന്നിവയാണ്. ഇതിൽ രോമാഞ്ചം അൻപത് കോടി ക്ലബിൽ ഇടം പിടിച്ചപ്പോൾ, 2018 എന്ന ചിത്രം 175 കോടിയോളം ആഗോള ഗ്രോസ് നേടി മലയാളത്തിലെ പുതിയ ഇൻഡസ്ട്രി ഹിറ്റായി മാറി. നെയ്മർ, 18+ എന്നിവയാണ് ശരാശരി വിജയവുമായി നേട്ടമുണ്ടാക്കിയ മറ്റ് രണ്ട് മലയാള ചിത്രങ്ങൾ. സൂപ്പർ താരങ്ങളുടെയടക്കം ചിത്രങ്ങൾക്ക് ഈ വർഷം ബോക്സ് ഓഫീസിൽ അടിതെറ്റി. നിലവിൽ ജനപ്രിയ നായകൻ ദിലീപിന്റെ വോയിസ് ഓഫ് സത്യനാഥൻ മികച്ച ഓപ്പണിങ് കളക്ഷനുമായി തീയേറ്ററുകളിൽ ഉണ്ട്.
ഹിന്ദി ചിത്രമായ പത്താൻ, തമിഴ് ചിത്രമായ പോർ തൊഴിൽ, ഹോളിവുഡ് ചിത്രങ്ങളായ ജോൺ വിക്ക് 4 , മിഷൻ ഇമ്പോസ്സിബിൾ 7 , ഒപ്പൻഹൈമർ എന്നിവയാണ് ഈ വർഷം ഇവിടെ വിജയം നേടിയ അന്യഭാഷാ ചിത്രങ്ങൾ. ഇനി വരുന്ന ദിവസങ്ങളിൽ വരുന്ന , ജയിലർ, കിംഗ് ഓഫ് കൊത്ത, ബാന്ദ്ര, ലിയോ, ജവാൻ, സലാർ, രാമചന്ദ്ര ബോസ് ആൻഡ് കോ തുടങ്ങിയ ചിത്രങ്ങൾ തീയേറ്ററുകളിൽ ആളെ നിറക്കുമെന്നുള്ള പ്രതീക്ഷയിലാണ് സിനിമാ ലോകം.
ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം എന്ന ചിത്രം ഓണം റിലീസായി പ്രേക്ഷകരുടെ…
യുവതാരം ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണത്തിന്റെ ട്രെയിലറിന് പാൻ ഇന്ത്യൻ തലത്തിൽ…
റീ റിലീസ് ചെയ്ത് സൂപ്പർ വിജയം നേടിയ മോഹൻലാൽ ചിത്രം ദേവദൂതൻ തീയേറ്ററുകളിൽ അൻപത് ദിവസം പിന്നിട്ട് പുതിയ ചരിത്രമാകുന്നു.…
മലയാളത്തിന്റെ മെഗാസ്റ്റാർ മമ്മൂട്ടിയെ നായകനാക്കി പ്രശസ്ത തമിഴ് സംവിധായകൻ ഗൗതം വാസുദേവ് മേനോൻ സംവിധാനം ചെയ്യുന്ന ചിത്രത്തിന്റെ ടൈറ്റിലും ഫസ്റ്റ്…
ദളപതി വിജയ് നായകനായ ഗോട്ട് എന്ന ചിത്രം കഴിഞ്ഞ ദിവസമാണ് ആഗോള റിലീസായി എത്തിയത്. വെങ്കട് പ്രഭു രചിച്ചു സംവിധാനം…
സി എൻ ഗ്ലോബൽ മൂവീസിന്റെ ബാനറിൽ ലിസി കെ ഫെർണാണ്ടസ് ആൻഡ് ടീം ചേർന്ന് നിർമ്മിച്ച്, അജു വർഗ്ഗീസ്, ജോണി…
This website uses cookies.