അനിരുദ്ധ് രവിചന്ദറുമായി വിവാഹം?; വാർത്തകളിൽ പ്രതികരിച്ച് കീർത്തി സുരേഷ്.
മലയാളിയും പ്രശസ്ത തെന്നിന്ത്യൻ നായികയുമായ കീർത്തി സുരേഷ്, തന്റെ പേരിൽ പ്രചരിക്കുന്ന ഒരു ഗോസിപ്പിനെതിരെ കൂടി പ്രതികരിച്ചിരിക്കുകയാണ്. സൂപ്പർ ഹിറ്റ് തമിഴ് സംഗീത സംവിധായകനായ അനിരുദ്ധ് രവിചന്ദറും കീർത്തിയും തമ്മിൽ പ്രണയത്തിലാണെന്നും ഇരുവരുടേയും വിവാഹം ഉടനെ ഉണ്ടാകുമെന്നുമുള്ള വാർത്തകളാണ് കുറച്ചു നാളുകളായി സമൂഹ മാധ്യമങ്ങളിൽ പ്രചരിക്കുന്നത്. കുറച്ചു നാൾ മുൻപ്, കീർത്തിയുടെ അച്ഛനും മലയാളത്തിലെ പ്രശസ്ത നടനും നിർമ്മാതാവുമായ ജി സുരേഷ് കുമാർ ഈ വാർത്തകൾ നിഷേധിച്ചു കൊണ്ട് മുന്നോട്ട് വന്നിരുന്നു. ഇപ്പോഴിതാ കീർത്തിയുടെ ഭാഗത്ത് നിന്ന് തന്നെ ഈ കാര്യത്തിൽ ഒരു പ്രതികരണം ഉണ്ടായിരിക്കുകയാണ്. ടൈംസ് നൗ മാധ്യമത്തിനോടാണ് ഈ വിഷയത്തിൽ കീർത്തി പ്രതികരിച്ചത്. അനിരുദ്ധ് തന്റെ സുഹൃത്ത് മാത്രമാണെന്നും ബാക്കി പ്രചരിക്കുന്ന വാർത്തകളെല്ലാം വാസ്തവവിരുദ്ധമാണെന്നും കീർത്തി ടൈംസ് നൗവിനോട് പറഞ്ഞു.
വിവാഹത്തെ കുറിച്ചുള്ള ചോദ്യത്തിന്, അതിന്റെ സമയമാകുമ്പോൾ അത് സംഭവിക്കും എന്നാണ് കീർത്തി പറയുന്നത്. ഒടിടി പ്ളേക്ക് നൽകിയ അഭിമുഖത്തിലാണ് കീർത്തിയുടെ അച്ഛൻ ജി സുരേഷ് കുമാർ ഈ വാർത്തകൾ നിഷേധിച്ചത്. മലയാളത്തിൽ ഗീതാഞ്ജലി എന്ന മോഹൻലാൽ- പ്രിയദർശൻ ചിത്രത്തിലൂടെ നായികയായി അരങ്ങേറ്റം കുറിച്ച കീർത്തി സുരേഷ്, പിന്നീട് കൂടുതലും അഭിനയിച്ചത് തമിഴ്, തെലുങ്ക് ചിത്രങ്ങളിലാണ്, നാഗ് അശ്വിൻ ഒരുക്കിയ തെലുങ്ക് ചിത്രമായ മഹാനടിയിലെ പ്രകടനത്തിന് മികച്ച നടിക്കുള്ള ദേശീയ പുരസ്കാരവും കീർത്തി സുരേഷ് നേടിയെടുത്തിരുന്നു. തമിഴിൽ വിജയ്, സൂര്യ, ധനുഷ്, വിക്രം മുതൽ രജനികാന്തിനൊപ്പം വരെ അഭിനയിച്ച നടിയാണ് കീർത്തി സുരേഷ്. സൈറൺ, റിവോൾവർ റീത, കന്നിവെടി, രഘു താത്ത എന്നീ തമിഴ് ചിത്രങ്ങളാണ് തമിഴിൽ കീർത്തി വേഷമിട്ട് ഇനി വരാനുള്ളത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.