വിവാഹ വാർഷിക ദിനത്തിൽ കുഞ്ഞിന്റെ ഫോട്ടോ പങ്കു വെച്ച് കാവ്യാ മാധവൻ..!

രണ്ടു വർഷം മുൻപൊരു നവംബർ 25 നു ആയിരുന്നു ദിലീപ്- കാവ്യാ മാധവൻ താര ജോഡികൾ വിവാഹിതരായത്. കഴിഞ്ഞ മാസമാണ് ഇവരുടെ ആദ്യത്തെ കുഞ്ഞു ജനിച്ചത്. ഇപ്പോഴിതാ തങ്ങളുടെ വിവാഹ വാർഷിക ദിനത്തിൽ കുഞ്ഞിന്റെ ഫോട്ടോ ആരാധകർക്കായി പങ്കു വെച്ചിരിക്കുകയാണ് കാവ്യാ മാധവൻ. കൈക്കുഞ്ഞുമായി നിൽക്കുന്ന കാവ്യയുടെ ഫോട്ടോ ഇപ്പോൾ സോഷ്യൽ മീഡിയയിൽ വൈറൽ ആണ്. മഹാലക്ഷ്മി എന്നാണ് തന്റെ രണ്ടാമത്തെ കുഞ്ഞിന് ദിലീപ് നൽകിയിരിക്കുന്ന പേര്, ആദ്യ ഭാര്യയായ മഞ്ജു വാര്യരിൽ ദിലീപിന് ജനിച്ച മകൾ മീനാക്ഷിയും ദിലീപ്- കാവ്യാ മാധവൻ ദമ്പതികൾക്കൊപ്പമാണ്.

തന്റെ വിവാഹ വാർഷികം ദിലീപ് ആഘോഷിച്ചത് ബാങ്കോക്കിൽ ഉള്ള പ്രൊഫസ്സർ ഡിങ്കൻ എന്ന പുതിയ സിനിമയുടെ സെറ്റിൽ വെച്ചാണ്. ചിത്രത്തിന്റെ രചയിതാവ് റാഫി, സംവിധായകൻ രാമചന്ദ്രബാബു, വ്യാസന്‍ കെ.പി തുടങ്ങിയവർ ദിലീപിനൊപ്പം ആഘോഷത്തിൽ പങ്കെടുത്തു. സെറ്റിലുള്ള എല്ലാവര്ക്കും ദിലീപ് തന്നെയാണ് കേക്ക് മുറിച്ചു നൽകിയത്. കുറച്ചു ദിവസങ്ങൾക്കു മുൻപായിരുന്നു മഹാലക്ഷ്മിയുടെ നൂലുകെട്ടു ചടങ്ങു നടന്നത്. അടുത്ത സുഹൃത്തുക്കളും കുടുംബാംഗങ്ങളും പങ്കെടുത്ത ചടങ്ങിന്റെ ചിത്രങ്ങള്‍ സോഷ്യൽ മീഡിയയിൽ വൈറലായിരുന്നു. പ്രൊഫസ്സർ ഡിങ്കന്റെ ചിത്രീകരണവുമായി ബന്ധപ്പെട്ട് ജനുവരി അഞ്ചുവരെ ദിലീപ് വിദേശത്തായിരിക്കും. പട്ടായ, ബാങ്കോക്ക്, തായ്‍ലൻഡ് എന്നിവടങ്ങളിലാണ് ഈ സിനിമയുടെ ചിത്രീകരണം നടക്കുന്നത്. നമിതാ പ്രമോദ്, അജു വര്‍ഗീസ്, സുരാജ് വെഞ്ഞാറമൂട്, സൃന്ദ എന്നിവരും അഭിനയിക്കുന്ന ഈ ചിത്രം നിർമ്മിക്കുന്നത് സനൽ തോട്ടം ആണ്. പൂർണ്ണമായും ത്രീഡി ടെക്‌നോളജി ഉപയോഗിച്ച് ചിത്രീകരിക്കുന്ന ഈ സിനിമ ഛായാഗ്രാഹകനായ രാമചന്ദ്ര ബാബുവിന്റെ ആദ്യ സംവിധാന സംരംഭമാണ്.