കാർത്തിക്കൊപ്പം കൈതി 2 ഇൽ സൂപ്പർ താരനിര; ഡില്ലിക്കൊപ്പം റോളെക്സും അമറും വിക്രമും ലിയോയും?; വെളിപ്പെടുത്തലുമായി സംവിധായകൻ

കാർത്തിക്കൊപ്പം കൈതി 2 ഇൽ സൂപ്പർ താരനിര; ഡില്ലിക്കൊപ്പം റോളെക്സും അമറും വിക്രമും ലിയോയും?; വെളിപ്പെടുത്തലുമായി സംവിധായകൻ

ഇപ്പോൾ തെന്നിന്ത്യൻ സിനിമാ പ്രേമികൾ ഏറ്റവും കൂടുതൽ കാത്തിരിക്കുന്ന ചിത്രങ്ങളിൽ ഒന്നാണ് തമിഴ് നടൻ കാർത്തി നായകനായി എത്തുന്ന കൈതി 2 . ലോകേഷ് കനകരാജ് സംവിധാനം ചെയ്ത ബ്ലോക്ക്ബസ്റ്റർ ചിത്രമായ കൈതിയാണ് അദ്ദേഹം രൂപം നൽകിയ ലോകേഷ് സിനിമാറ്റിക് യൂണിവേഴ്സിന്റെ വരെ അടിത്തറയിട്ടത്. കൈതി, വിക്രം, ലിയോ എന്നീ ചിത്രങ്ങളിലൂടെ ആ യൂണിവേഴ്‌സ് വലുതാക്കിയ ലോകേഷ് കൈതി രണ്ടാം ഭാഗത്തിലൂടെ ആ യൂണിവേഴ്‌സ് കൂടുതൽ വലുതാക്കാനുള്ള ശ്രമത്തിലാണ്. അടുത്തിടെ അദ്ദേഹം കൊടുത്ത ഒരു അഭിമുഖത്തിൽ വെളിപ്പെടുത്തിയത് കൈതി 2 ഇൽ കാർത്തിയെ കൂടാതെ ഈ യൂണിവേഴ്സിലെ ഒട്ടേറെ സൂപ്പർ താരങ്ങൾ എത്തുമെന്നാണ്. ചിലപ്പോൾ ഈ യൂണിവേഴ്സിലെ എല്ലാ താരങ്ങളും അതിഥി വേഷത്തിലും അല്ലാതെയും ഈ ചിത്രത്തിൽ ഉണ്ടാകുമെന്നും ലോകേഷ് സൂചിപ്പിക്കുന്നു.

വിജയ്, സൂര്യ, കമൽ ഹാസൻ, ഫഹദ് ഫാസിൽ, വിജയ് സേതുപതി മുതൽ ഒട്ടേറെ വമ്പൻ താരങ്ങൾ ലോകേഷ് ഉണ്ടാക്കിയ യൂണിവേഴ്സിന്റെ ഭാഗമാണ്. ഇവർ എല്ലാവരുമോ ഇവരിൽ ബഹുഭൂരിപക്ഷമോ കൈതി 2 ന്റെ ഭാഗമായേക്കാം. അടുത്തതായി രജനികാന്ത് നായകനാവുന്ന ചിത്രമാണ് ലോകേഷ് ഒരുക്കുന്നത്. ഇത് തന്റെ സിനിമാറ്റിക് യൂണിവേഴ്സിന്റെ ഭാഗമാകാത്ത ഒരു പുതിയ ചിത്രമാണെന്നും അദ്ദേഹം വെളിപ്പെടുത്തി. തന്റെ സിനിമാറ്റിക് യൂണിവേഴ്സിൽ അദ്ദേഹം ഇനിയിലൊരുക്കാൻ പോകുന്നത് കൈതി 2 , സൂര്യ നായകനായ റോളക്സ്, സൂപ്പർതാര സംഗമവുമായി എത്തുന്ന വിക്രം 2 എന്നിവയാണെന്നും അദ്ദേഹം തുറന്നു പറയുന്നു. ലിയോ എന്ന ചിത്രത്തിൽ താൻ ഒളിപ്പിച്ചു വെച്ച ഒട്ടേറെ കാര്യങ്ങളുണ്ടെന്നും, അതെല്ലാം വരും ചിത്രങ്ങളിലൂടെ പുറത്തു വരുമെന്നും അദ്ദേഹം വിശദീകരിച്ചു.