കളക്ഷൻ റെക്കോർഡുമായി കമൽ ഹാസൻ; ഇന്ത്യൻ 2 ഇനി കരിയറിലെ രണ്ടാമൻ

ഉലകനായകൻ കമൽ ഹാസൻ നായകനായ ഇന്ത്യൻ 2 , കമൽ ഹാസന്റെ കരിയറിലെ ഏറ്റവും മികച്ച രണ്ടാമത്തെ ഓപ്പണിങ് നേടുന്ന ചിത്രമായി മാറി എന്ന വിവരങ്ങളാണ് വരുന്നത്. തമിഴ്‌നാട്ടിലും ഓൾ ഇന്ത്യ തലത്തിലും ആഗോള തലത്തിലും, കമൽ ഹാസന്റെ കരിയറിലെ രണ്ടാമത്തെ മികച്ച ഓപ്പണിങ് ഡേ ഗ്രോസ്സർ ആയി ഇന്ത്യൻ 2 മാറി. ലോകേഷ് ചിത്രം വിക്രം ആണ് ഈ ലിസ്റ്റിൽ കമൽ ഹാസന്റെ കരിയറിലെ ഒന്നാമൻ.

തമിഴ്നാട് നിന്ന് ആദ്യ ദിനം വിക്രം നേടിയത് 21 കോടിക്ക് മുകളിലാണെങ്കിൽ ഇന്ത്യൻ 2 നേടിയത് 13 കോടിയാണ്. ഓൾ ഇന്ത്യ തലത്തിൽ വിക്രം 34 കോടിയും ഇന്ത്യൻ 2 ഗ്രോസ് ചെയ്തത് 31 കോടിയുമാണ്. ആഗോള കളക്ഷനായി വിക്രം ആദ്യ ദിനം നേടിയത് 60 കോടിക്ക് മുകളിലാണെങ്കിൽ 55 കോടിയോളമാണ് ഇന്ത്യൻ 2 നേടിയതെന്ന് ട്രേഡ് അനലിസ്റ്റുകൾ വ്യക്തമാക്കി. ശങ്കർ ഒരുക്കിയ ഈ ചിത്രം നിർമ്മിച്ചത് ലൈക്ക പ്രൊഡക്ഷൻസ്, റെഡ് ജയ്ൻറ്റ് മൂവീസ് എന്നിവർ ചേർന്നാണ്.