പൃഥ്വിരാജ് സുകുമാരനെ നായകനാക്കി ഷാജി കൈലാസ് സംവിധാനം ചെയ്യാൻ പോകുന്ന കടുവ എന്ന ചിത്രം ഉടൻ ഷൂട്ടിംഗ് തുടങ്ങുമെന്നുള്ള പുതിയ വിവരമാണ് കഴിഞ്ഞ ദിവസം പൃഥ്വിരാജ് സുകുമാരനും സംവിധായകൻ ഷാജി കൈലാസും പുറത്തു വിട്ടത്. അതോടൊപ്പം തന്നെ ചിത്രത്തിന്റെ ഒരു പുതിയ പോസ്റ്റർ കൂടി അവർ റിലീസ് ചെയ്തിട്ടുണ്ട്. ക്രൗര്യം നിറഞ്ഞ കണ്ണുകളോടെ ഒരു പോലീസുകാരന്റെ കഴുത്തിന് പിടിച്ചു നിൽക്കുന്ന പൃഥ്വിരാജ് കഥാപാത്രത്തെയാണ് പോസ്റ്ററിൽ കാണാൻ സാധിക്കുന്നത്. കടുവയുടെ ഈ പുതിയ പോസ്റ്റർ, പൃഥ്വിരാജ് സംവിധാനം ചെയ്ത മോഹൻലാൽ ചിത്രമായ ലൂസിഫെറിലെ മോഹൻലാലിന്റെ സ്റ്റീഫൻ നെടുമ്പള്ളി എന്ന കഥാപാത്രത്തെക്കൂടി ഓർമിപ്പിക്കുന്നു എന്നാണ് സോഷ്യൽ മീഡിയ പറയുന്നത്. കടുവാക്കുന്നേൽ കുറുവച്ചൻ എന്നാണ് കടുവയിലെ പൃഥ്വിരാജ് കഥാപാത്രത്തിന്റെ പേരെന്ന് രചയിതാവ് ജിനു എബ്രഹാം വ്യക്തമാക്കിയിരുന്നു. മാജിക് ഫ്രെയിംസ്, പൃഥ്വിരാജ് പ്രൊഡക്ഷൻസ് എന്നിവയുടെ ബാനറിൽ ലിസ്റ്റിൻ സ്റ്റീഫൻ, സുപ്രിയ മേനോൻ എന്നിവർ ചേർന്ന് നിർമ്മിക്കാൻ പോകുന്ന ഈ ചിത്രം കഴിഞ്ഞ വർഷമാണ് പ്രഖ്യാപിച്ചത്. രവി കെ ചന്ദ്രൻ ക്യാമറ ചലിപ്പിക്കുന്ന ഈ ചിത്രത്തിന് വേണ്ടി സംഗീതമൊരുക്കാൻ പോകുന്നത് തമിഴ് സംഗീത സംവിധായകനായ എസ് തമൻ ആണ്. ഷമീർ മുഹമ്മദ് എഡിറ്റിംഗ് നിർവഹിക്കുന്ന ഈ ചിത്രം അധികം വൈകാതെ തന്നെ ഷൂട്ടിംഗ് ആരംഭിക്കുമെന്നാണ് സൂചന.
ഈ ചിത്രവും സുരേഷ് ഗോപിയെ നായകനാക്കി നവാഗതനായ മാത്യൂസ് തോമസ് ഒരുക്കാൻ പോകുന്ന ചിത്രവും ഒരേ കഥയാണ് പറയുന്നതെന്ന തർക്കങ്ങൾ കോടതിയുടെ പരിഗണനയിലിരിക്കെയാണ് കടുവ ഉടൻ തുടങ്ങുമെന്ന് പൃഥ്വിരാജ്, ഷാജി കൈലാസ് എന്നിവർ പ്രഖ്യാപിച്ചത്. കടുവയുടെ ചിത്രത്തിന്റെ രചയിതാവായ ജിനു എബ്രഹാമാണ് ഈ ചിത്രത്തിലെ കഥാപാത്രങ്ങളേയും ഇതിൽ പറയുന്ന കഥയുമാണ് സുരേഷ് ഗോപി ചിത്രത്തിനായി സംവിധായകൻ മാത്യൂസ് തോമസും രചയിതാവ് ഷിബിൻ ഫ്രാൻസിസും ഉപയോഗിക്കുന്നതെന്ന് ആരോപിച്ചു കോടതിയിൽ പകർപ്പവകാശ ലംഘനത്തിന് കേസ് ഫയൽ ചെയ്തത്. ടോമിച്ചൻ മുളകുപാടമാണ് ഈ സുരേഷ് ഗോപി ചിത്രം നിർമ്മിക്കാനിരുന്നത്. കടുവ ഉടൻ തുടങ്ങുമെന്ന പ്രഖ്യാപനം വന്ന സ്ഥിതിക്ക് കടുവാക്കുന്നേൽ കുറുവച്ചൻ എന്ന കഥാപാത്രമായി സുരേഷ് ഗോപിയും എത്തുന്ന ചിത്രത്തെക്കുറിച്ചുള്ള പുതിയ വിവരങ്ങളും ഉടനെ വരുമോ എന്നറിയാനുള്ള ആകാംക്ഷയിലാണ് പ്രേക്ഷകർ.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.