ജോഷിയുടെ പൊറിഞ്ചു മറിയം ജോസ് എന്ന സിനിമയിലെ കാട്ടാളൻ പൊറിഞ്ചു ആയി തകർത്തഭിനയിച്ച ജോജു ജോർജ് ഇപ്പോൾ പ്രശംസകൾ ഏറ്റു വാങ്ങുന്ന തിരക്കിലാണ്. ജോസഫിന് ശേഷം ജോജുവിന്റെ സിനിമാ ജീവിതത്തിൽ ഏറ്റവും കൂടുതൽ അഭിനന്ദനം അദ്ദേഹത്തിന് നേടിക്കൊടുത്ത കഥാപാത്രമായി മാറി കഴിഞ്ഞു കാട്ടാളൻ പൊറിഞ്ചു. അത്ര ഗംഭീരമായ രീതിയിലാണ് ജോജു ഈ കഥാപാത്രത്തിന് ജീവൻ പകർന്നിരിക്കുന്നത്. എന്നാൽ കാട്ടാളൻ പൊറിഞ്ചു ആയി ജോഷി ചിത്രത്തിലേക്ക് വിളിച്ചപ്പോഴും ഈ കഥാപാത്രത്തെ കുറിച്ച് കൂടുതൽ അറിഞ്ഞപ്പോഴും ഇത് എങ്ങനെ ചെയ്തു ഫലിപ്പിക്കണം എന്നതിനെ കുറിച്ച് തനിക്കു സംശയം ആയിരുന്നു എന്ന് ജോജു പറയുന്നു. ഇത്ര പരുക്കനും അതേ സമയം സ്നേഹം ഉള്ളിൽ സൂക്ഷിക്കുന്നവനുമായ പൊറിഞ്ചുവിന് ഏതു തരം ശരീര ഭാഷയാണ് കൊടുക്കേണ്ടത് എന്നതായിരുന്നു ജോജുവിന്റെ സംശയം. അത് ജോജു സുഹൃത്തായ ശ്യാം പുഷ്കരനോട് പറഞ്ഞപ്പോൾ ശ്യാം ജോജുവിനോട് രണ്ടു ചിത്രങ്ങൾ കാണാൻ പറഞ്ഞു.
അത് രണ്ടും മമ്മൂട്ടി അഭിനയിച്ച രണ്ടു പഴയ ചിത്രങ്ങൾ ആയിരുന്നു. അടിയൊഴുക്കുകളും മഹായാനവുമാണ് ശ്യാം പുഷ്ക്കരൻ നിർദേശിച്ച ആ രണ്ടു മമ്മൂട്ടി ചിത്രങ്ങൾ. മലയാള സിനിമയിൽ ഏറ്റവും കൂടുതൽ പരുക്കൻ കഥാപാത്രങ്ങൾ അഭിനയിച്ച നടന്മാരിൽ ഒരാൾ ആണ് മമ്മൂട്ടി. അദ്ദേഹത്തിന്റെ അഭിനയ ജീവിതത്തിലെ അത്തരത്തിലുള്ള മികച്ച രണ്ടു കഥാപാത്രങ്ങൾ മുകളിൽ പറഞ്ഞ സിനിമകളിലേതു ആണ്. അതുകൊണ്ടാണ് അത്തരം ഒരു വേഷം ചെയ്യാൻ ആ ചിത്രങ്ങളിലെ അദ്ദേഹത്തിന്റെ പ്രകടനം കാണാൻ ശ്യാം പുഷ്ക്കരൻ നിർദേശിച്ചത്. ആ ചിത്രങ്ങൾ കണ്ടതോടെ തന്റെ ടെൻഷൻ മാറി എന്നും ജോജു പറയുന്നു. അതുപോലെ ഈ ചിത്രത്തിലെ സംഘട്ടന രംഗങ്ങളിൽ പെർഫോം ചെയ്യുമ്പോൾ മനസ്സിൽ ഉണ്ടായിരുന്നത് ലാലേട്ടന്റെ കിരീടം, സ്ഫടികം എന്നീ ചിത്രങ്ങളിലെ സംഘട്ടനങ്ങൾ ആയിരുന്നു എന്നും ജോജു പറയുന്നു.
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്ത അൽത്താഫ് സലിം ഒരുക്കുന്ന…
ശ്രീനിവാസൻ സംവിധാനം ചെയ്ത ചിന്താവിഷ്ടയായ ശ്യാമള എന്ന ചിത്രത്തിലൂടെ മലയാള സിനിമ പ്രേക്ഷകരുടെ മനസ്സിലിടം പിടിച്ച നായികയാണ് സംഗീത. ഇപ്പോഴിതാ…
കിസ്മത്, തൊട്ടപ്പൻ എന്നീ ചിത്രങ്ങൾ ഒരുക്കി പ്രശസ്തനായ ഷാനവാസ് ബാവക്കുട്ടി സംവിധാനം ചെയ്ത്, ഇന്ന് പ്രേക്ഷകർക്ക് മുന്നിലെത്തിയ ചിത്രമാണ് ഒരു…
This website uses cookies.