ജിമ്മിക്കി കമ്മലിന്റെ താളത്തിനു മുന്നിൽ റെക്കോർഡുകൾ പഴംകഥയാകുന്നു..പുതിയൊരു ചരിത്രം കൂടിയിതാ സൃഷ്ടിയ്ക്കപ്പെട്ടിരിക്കുന്നു..!

വെളിപാടിന്റെ പുസ്തകം എന്ന ലാൽ ജോസ് ചിത്രം കേരളത്തിൽ പ്രദർശനം തുടരുമ്പോൾ ഈ ചിത്രത്തിലെ എന്റമ്മേടെ ജിമ്മിക്കി കമ്മൽ എന്റപ്പൻ കട്ടോണ്ട് പോയെ എന്ന അടിച്ചു പൊളി ഗാനം ഇന്ത്യ മുഴുവനും ഇന്ത്യക്കു പുറത്തും തരംഗം സൃഷ്ടിച്ചു കൊണ്ട് മുന്നേറുകയാണ്. യൂട്യൂബിൽ രണ്ടു കോടി വ്യൂസ് നേടുക എന്ന അപൂർവ നേട്ടത്തിലേക്ക് കുതിക്കുന്ന ഈ ഗാനം ഇപ്പോഴിതാ ഏറ്റവും കൂടുതൽ യൂട്യൂബ് ലൈക്സ് നേടിയ മലയാളം വീഡിയോ സോങ്ങും ആയി കഴിഞ്ഞു. രണ്ടു ലക്ഷത്തിനു മുകളിൽ ലൈക്സ് ഈ ഗാനം ഇത് വരെ യൂട്യൂബിൽ നേടി കഴിഞ്ഞു.

സൗത്ത് ഇന്ത്യ മുഴുവൻ തരംഗമായി കഴിഞ്ഞ ഈ ഗാനം അങ്ങ് ഹോളിവുഡിൽ വരെ എത്തി എന്ന് പറയാം. ഇന്ത്യയിലെ ഇപ്പോഴത്തെ നമ്പർ വൺ ഗാനം ആയാണ് പ്രമുഖ മ്യൂസിക് പേജുകളും സൈറ്റുകളും ഈ ഗാനത്തെ പ്രഖ്യാപിച്ചിരിക്കുന്നത്.

സോഷ്യൽ മീഡിയ മുഴുവൻ ഇപ്പോൾ ഈ ഗാനത്തിന് നൃത്തം ചെയ്യുന്ന വീഡിയോകളുടെ പൂരമാണെന്നു പറയാം. കൊച്ചു കുട്ടികളും യുവതീ യുവാക്കളും സ്കൂൾ- കോളേജ് വിദ്യാർത്ഥികളും പ്രായമായവരും സ്ത്രീകളും മുതൽ ജിമ്മിക്കി കമ്മലിന്റെ താളത്തിനൊത്തു ചുവടു വെക്കാത്ത ഒരൊറ്റ മലയാളി ഇല്ല ഇന്ന് എന്ന രീതിയിൽ ആണ് ഈ ഗാനം തരംഗം സൃഷ്ടിച്ചിരിക്കുന്നത്.

മലയാളികൾ ലോകത്തു എവിടെയൊക്കെയുണ്ടോ, അവിടൊക്കെ ജിമ്മിക്കി കമ്മലിന്റെ ഈണവും മുഴങ്ങുന്നു എന്നതാണ് ഇപ്പോഴത്തെ സ്ഥിതി. ഏതു ആഘോഷത്തിനും ഇപ്പോൾ ജിമ്മിക്കി കമൽ വേണം മലയാളികൾക്ക്. ഈ ഗാനം ആലപിച്ചത് വിനീത് ശ്രീനിവാസനും രഞ്ജിത് ഉണ്ണിയും ചേർന്നാണ്.

ഷാൻ റഹ്മാൻ ആണ് ഈ ഗാനത്തിന് ഈണം നൽകിയത്തു്. ഈ ഗാനത്തിന്റെ സൂപ്പർ വിജയത്തോടെ ഷാൻ റഹ്മാൻ മലയാള സിനിമയിലെ ഏറ്റവും വിലപിടിപ്പുള്ള സംഗീത സംവിധായകനായി മാറിയിരിക്കുകയാണ്.