‘ജിമിക്കി കമ്മൽ’ ഏറെ ഇഷ്ടമായെന്ന് അമേരിക്കൻ ടെലിവിഷൻ അവതാരകൻ

ഓണചിത്രമായ വെളിപാടിന്റെ പുസ്തകത്തിലെ ഏറെ ജനപ്രീതി നേടിയ ഗാനമാണ് ജിമിക്കി കമ്മൽ എന്ന ഗാനം. ചിത്രത്തോടൊപ്പം വൻ സ്വീകാര്യതയാണ് ഗാനത്തിനും ലഭിച്ചത്. അതിനിടെയാണ് അണിയറ പ്രവർത്തകരെ ഞെട്ടിച്ചു കൊണ്ടുള്ള പ്രശസ്ത അമേരിക്കൻ ടെലിവിഷൻ അവതാരകനും കോമഡിയനുമായ ജിമ്മി കിമ്മെലിന്റെ ട്വിറ്റർ പോസ്റ്റ്.

തന്റെ പേരിനോട് സാദൃശ്യമുള്ള ഗാനം ആരോ ട്വിറ്ററിൽ അയച്ചത് കണ്ടിട്ടാണ് താൻ വീഡിയോ കണ്ടതെന്നും അത് ഒരുപാട് ഇഷ്ടമായി എന്നുമാണ് ജിമ്മി കിമ്മെൽ ട്വീറ്റ് ചെയ്തത്‌. കേരളക്കരയാകെ ഓണത്തോടൊപ്പം ആഘോഷമാക്കി തീർത്ത ജിമിക്കി കമ്മൽ എന്ന ഗാനം ഇപ്പോൾ ദേശീയതലത്തിൽ ശ്രദ്ധിക്കപ്പെടുന്നു എന്ന വാർത്ത മലയാളി പ്രേക്ഷകരെ കൗതുകത്തിലാക്കിയിട്ടുണ്ട്.

ഷാൻ റഹ്മാൻ സംഗീതം നിർവഹിച്ച് വിനീത് ശ്രീനിവാസൻ ആലപിച്ച ഗാനം ഇപ്പോൾ ദേശീയതലത്തിലും വൈറലാവുകയാണ്