മലയാള സിനിമാ പ്രേമികൾ ഈ വർഷം ഏറ്റവും കൂടുതൽ കാത്തിരിക്കുന്ന ചിത്രമാണ് ലിജോ ജോസ് പെല്ലിശ്ശേരി സംവിധാനം ചെയ്ത ജല്ലിക്കട്ട്. വരുന്ന ഒക്ടോബർ മാസത്തിൽ റിലീസ് ചെയ്യാൻ പോകുന്ന ഈ ചിത്രത്തിൽ ആന്റണി വർഗീസ്, വിനായകൻ, ചെമ്പൻ വിനോദ്, സാബുമോൻ എന്നിവരാണ് മുഖ്യ വേഷങ്ങളിൽ എത്തുന്നത്. ഇതിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസം റിലീസ് ചെയ്യുകയും വലിയ പ്രേക്ഷക പ്രതികരണം നേടുകയും ചെയ്തിരുന്നു. ടൊറന്റോ ഇന്റർനാഷണൽ ഫിലിം ഫെസ്റ്റിവലിൽ ജല്ലിക്കട്ട് പ്രീമിയറിനായി ഒരുങ്ങുകയാണ്.
എന്നാൽ ചിത്രം അതിന് മുന്നേ കണ്ട ചില വിദേശ നിരൂപകരുടെ വാക്കുകൾ ആണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്. ലിജോ ജോസ് പെല്ലിശ്ശേരി ഒരുക്കിയ ഈ സിനിമാനുഭവത്തെ വിവരിക്കാൻ വാക്കുകളില്ല എന്നാണ് അവർ പറയുന്നത്. ഹോളിവുഡ് ക്ലാസിക് ആയ സൊ എന്ന ചിത്രത്തോട് ചിലർ ഈ ചിത്രത്തെ ഉപമിക്കുമ്പോൾ മറ്റു ചിലർ പറയുന്നത് കഴിഞ്ഞ വർഷം റിലീസ് ആയ ബോളിവുഡ് ചിത്രമായ ടുംബാഡ് നൽകിയ ഫീൽ ആണ് ഈ ചിത്രവും നൽകുന്നത് എന്നാണ്. വലിയ പ്രേക്ഷക പ്രശംസയും നിരൂപക പ്രശംസയും നേടിയ ചിത്രമാണ് ടുംബാഡ്. ലിജോ ജോസ് പെല്ലിശ്ശേരി ഒരു മാസ്റ്റർ സംവിധായകൻ ആണെന്നും അവർ അഭിപ്രായപ്പെട്ടു. പ്രശസ്ത ബോളിവുഡ് സംവിധായകൻ അനുരാഗ് കശ്യപ്, ഗീതു മോഹൻദാസ്, ഇന്ദ്രജിത് സുകുമാരൻ തുടങ്ങിയ പ്രമുഖരും ചിത്രം ഇതിനകം കാണുകയും വലിയ അഭിപ്രായങ്ങൾ നടത്തുകയും ചെയ്തിരുന്നു.
ഏതായാലും ഈ വാക്കുകൾ മലയാളി പ്രേക്ഷകരെ പ്രതീക്ഷയുടെ ആകാശത്തു ആണ് എത്തിക്കുന്നത് എന്ന് പറയാം. തോമസ് പണിക്കർ നിർമ്മിച്ചിരിക്കുന്ന ഈ ചിത്രം രചിച്ചിരിക്കുന്നത് എസ് ഹരീഷ്, ബി ജയകുമാർ എന്നിവർ ചേർന്നാണ്. ഗിരീഷ് ഗംഗാധരൻ ക്യാമറ ചലിപ്പിച്ചിരിക്കുന്ന ജല്ലിക്കട്ടിനു സംഗീതം ഒരുക്കിയത് പ്രശാന്ത് പിള്ളയും എഡിറ്റ് ചെയ്തത് ദീപു ജോസെഫും ആണ്. ഈ ചിത്രത്തിലെ ചില സ്റ്റില്ലുകൾ ഇപ്പോൾ സോഷ്യൽ മീഡിയയിൽ വലിയ തരംഗമായി മാറുകയാണ്.
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്ത അൽത്താഫ് സലിം ഒരുക്കുന്ന…
ശ്രീനിവാസൻ സംവിധാനം ചെയ്ത ചിന്താവിഷ്ടയായ ശ്യാമള എന്ന ചിത്രത്തിലൂടെ മലയാള സിനിമ പ്രേക്ഷകരുടെ മനസ്സിലിടം പിടിച്ച നായികയാണ് സംഗീത. ഇപ്പോഴിതാ…
കിസ്മത്, തൊട്ടപ്പൻ എന്നീ ചിത്രങ്ങൾ ഒരുക്കി പ്രശസ്തനായ ഷാനവാസ് ബാവക്കുട്ടി സംവിധാനം ചെയ്ത്, ഇന്ന് പ്രേക്ഷകർക്ക് മുന്നിലെത്തിയ ചിത്രമാണ് ഒരു…
This website uses cookies.