മോഹൻലാലിന്റെ മകന് പ്രണവ് മോഹൻലാലിന്റെ അരങ്ങേറ്റ ചിത്രമായ ‘ആദി’ക്കായി കാത്തിരിക്കുകയാണ് ആരാധകർ. ഇതൊരു സാധാരണ ഹിന്ദി, തമിഴ് ആക്ഷന് സിനിമയല്ല. വളരെ റിയലിസ്റ്റിക് ആയി അവതരിപ്പിച്ചിരിക്കുന്ന ഒരു ആക്ഷൻ ചിത്രമാണ് ആദി. അനാവശ്യമായി ഒരു സംഘട്ടനവും ഈ ചിത്രത്തിൽ തിരുകി കയറ്റിയിട്ടില്ല എന്നും സംവിധായകൻ ജിത്തു ജോസഫ് വ്യക്തമാക്കുന്നു. ചിത്രത്തിൽ വളരെ കുറച്ചു ആക്ഷൻ രംഗങ്ങൾ മാത്രമാണുള്ളത്. എന്നാൽ ഉള്ള രംഗങ്ങൾ വലിയ രീതിയിൽ ആണ് ചിത്രീകരിച്ചിരിക്കുന്നതെന്നും സംവിധായകൻ പറയുന്നു.
ഡ്യൂപ്പിന്റെ സഹായം ഇല്ലാതെ ആണ് പ്രണവ് മോഹൻലാൽ ഈ ചിത്രത്തിലെ ആക്ഷൻ രംഗങ്ങൾ ചെയ്തത്. ഡ്യൂപ്പിനെ വച്ചു ചെയ്യാൻ തീരുമാനിച്ച സാഹസിക രംഗങ്ങൾ താൻ തന്നെ ചെയ്യാമെന്ന ആത്മവിശ്വാസത്തോടെ പ്രണവ് മുന്നോട്ടുവരികയായിരുന്നു. ഫ്രാൻസിൽ നിന്നടക്കം ഇതിലെ അപകടം പിടിച്ച ആക്ഷൻ രംഗങ്ങൾ ഒരുക്കാന് ആളുകൾ എത്തിയിരുന്നു.
ആദിയില് അഭിനയിക്കുന്നതിന് മുന്നോടിയായി പ്രണവ് പാര്ക്കര് പരിശീലനവും നേടിയിരുന്നു. ജീത്തു ജോസഫ് സംവിധാനം ചെയ്യുന്ന 9–ാമത്തെ ചിത്രമാണ് ‘ആദി’. പൂര്ണമായും പ്രേക്ഷകരെ തൃപ്തിപ്പെടുത്തുന്ന തികഞ്ഞ എെന്റർടെയ്നറാണ് ചിത്രമെന്ന് സംവിധായകൻ മുൻപ് വ്യക്തമാക്കിയിരുന്നു.
സതീഷ് കുറുപ്പ് ഛായാഗ്രഹണവും അനിൽ ജോൺസൻ സംഗീത സംവിധാനവും നിർവഹിക്കുന്ന ഈ ചിത്രത്തിന്റെ എഡിറ്റർ അയൂബ് ഖാൻ ആണ്.ചിത്രത്തിൽ സ്ത്രീപ്രാധാന്യമുള്ള വേഷങ്ങളിൽ അഭിനയിക്കുന്നത് അനുശ്രീയും, ലെനയും, അതിഥി രവിയുമാണ്. ഷിജു വിൽസൺ, ഷറഫുദ്ദീൻ, ടോണി ലൂക് എന്നിവർ മറ്റ് പ്രധാനവേഷങ്ങളെ അവതരിപ്പിക്കുന്നു.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.