മെഗാ സ്റ്റാർ മമ്മൂട്ടി നായകനായി എത്തുന്ന പുതിയ ചിത്രമാണ് ഭീഷ്മ പർവ്വം. അമൽ നീരദ് ഒരുക്കിയ ഈ ചിത്രത്തിലെ കാരക്ടർ പോസ്റ്ററുകൾ കുറച്ചു ദിവസങ്ങളായി പുറത്തു വിട്ടു കൊണ്ടിരിക്കുകയാണ് അണിയറ പ്രവർത്തകർ. പുതുവത്സര സമ്മാനമായി മമ്മൂട്ടിയുടെ കാരക്ടർ പോസ്റ്ററും അവർ പുറത്തു വിട്ടിരുന്നു. മൈക്കൽ എന്നാണ് മമ്മൂട്ടി ഈ ചിത്രത്തിൽ അവതരിപ്പിക്കുന്ന കഥാപാത്രത്തിന്റെ പേര്. ഇത് കൂടാതെ ശ്രീനാഥ് ഭാസി, സൗബിൻ ഷാഹിർ, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, തുടങ്ങി ഒരുപാട് പേരുടെ കാരക്ടർ പോസ്റ്ററുകൾ റിലീസ് ചെയ്തിട്ടുണ്ട്. ഇപ്പോഴിതാ ഈ ചിത്രത്തിലെ ഒരു കഥാപാത്രത്തിന് ജീവൻ നൽകുന്ന ഷെബിൻ ബെൻസന്റെ കാരക്ടർ പോസ്റ്റർ പുറത്തു വിട്ടപ്പോൾ, ആദ്യം അത് വിനീത് ശ്രീനിവാസൻ ആണെന്ന് തെറ്റിദ്ധരിക്കുകയും സോഷ്യൽ മീഡിയയിൽ ആ പേരിൽ പ്രചരിക്കുകയും ചെയ്തു.
https://www.facebook.com/photo.php?fbid=471709017654903&set=pb.100044474257852.-2207520000..&type=3
അവസാനം, ഇത് താനല്ല എന്ന് പറഞ്ഞു കൊണ്ട് വിനീത് ശ്രീനിവാസൻ തന്നെ ആ പോസ്റ്റർ പങ്കു വെക്കുകയായിരുന്നു. ഏബിൾ എന്ന കഥാപാത്രം ആയാണ് ഷെബിൻ ബെൻസൺ ഈ ചിത്രത്തിൽ എത്തുന്നത്. ബിഗ് ബി എന്ന ചിത്രത്തിന് ശേഷം മമ്മൂട്ടിയും അമൽ നീരദും ഒന്നിക്കുന്ന ചിത്രം കൂടിയാണ് ഭീഷ്മ പർവ്വം. സംവിധായകൻ അമൽ നീരദ്, നവാഗതനായ ദേവദത് ഷാജി എന്നിവർ ചേർന്ന് രചിച്ച ഈ ചിത്രത്തിന് ക്യാമറ ചലിപ്പിച്ചത് ആനന്ദ് സി ചന്ദ്രനും സംഗീതമൊരുക്കിയത് സുഷിൻ ശ്യാമുമാണ്. അമൽ നീരദ് പ്രൊഡക്ഷൻസ് എന്ന ബാനറിൽ ഈ ചിത്രം നിർമ്മിക്കുന്നതും അദ്ദേഹം തന്നെയാണ്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.