അനുകരിക്കൂ സർപ്രൈസ് സമ്മാനം നേടൂ; മഹനടിയുടെ രസകരമായ മത്സരവുമായി നടി സാമന്ത..

ദുൽഖർ സൽമാന്റെ നായക വേഷത്തോടെ ഏറെ ചർച്ചയായ സിനിമയാണ് മഹാനടി. തെലുങ്കിലും തമിഴിലും പുറത്തിറങ്ങുന്ന ചിത്രം. തെലുങ്ക് സൂപ്പർ താരമായിരുന്ന സാവിത്രിയുടെ ജീവിത കഥ പറയുന്നു. തെലുങ്കിലെ വിശ്വവിഖ്യാത നടിയായിരുന്നു സാവിത്രി, അതുകൊണ്ട് തന്നെ പ്രേക്ഷകർക്കും ചിത്രത്തെ പറ്റി വലിയ പ്രതീക്ഷയാണ്. ചിത്രത്തിൽ സാവിത്രി ആയി എത്തുന്നത് മലയാളികളുടെ പ്രിയങ്കരിയായ കീർത്തി സുരേഷാണ്. ചിത്രത്തിൽ സാവിത്രിയുടെ ഭർത്താവും നടനുമായ സൂപ്പർ താരം ജെമിനി ഗണേശന്റെ വേഷത്തിലാണ് ദുൽഖർ സൽമാൻ എത്തുന്നത്. അർജുൻ റെഡ്ഢി എന്ന ചിത്രത്തിലൂടെ സൂപ്പർ താരമായി മാറിയ വിജയ് ദേവരക്കൊണ്ട, സാമന്ത തുടങ്ങിയ വലിയ താര നിര തന്നെ ചിത്രത്തിലുണ്ട്. ചിത്രം റിലീസിന് ഒരുങ്ങുന്നതിനിടെ ആണ് പുതിയ കൊണ്ടെസ്റ്റുമായി സാമന്ത എത്തുന്നത്.

ചിത്രത്തിൽ മധുരവാണി എന്ന വേഷത്തിൽ ഒരു സുപ്രധാന കഥാപാത്രം അവതരിപ്പിക്കുന്ന സാമന്ത പഴയകാല ചിത്രത്തിലെ ഒരു രംഗവുമായാണ് പ്രത്യക്ഷപ്പെട്ടത്. മായബസാർ എന്ന തെലുങ്ക് ചിത്രത്തിൽ സാവിത്രി അഭിനയിച്ച മനോഹര ഗാനവുമായാണ് സാമന്ത എത്തിയത്. സാവിത്രി അതിമനോഹരമാക്കിയ ഈ ഗാനം മികച്ചതാക്കി അവതരിപ്പിക്കുവാൻ കഴിയുന്നവർക്ക് മത്സരിക്കാം എന്നായിരുന്നു സാമന്ത പറഞ്ഞത്. തങ്ങളുടെ ഐഡിയയിൽ ഏറ്റവും മികച്ച രീതിയിൽ ഗാനം പുനരാവിഷ്കരിക്കുന്നവർക്ക് ഒരു സർപ്രൈസ് ഗിഫ്റ്റും ഉണ്ടെന്ന് സാമന്ത പറഞ്ഞു. സെലിബ്രേറ്റ് സാവിത്രി എന്ന ഹാഷ് ടാഗിലാണ് ചിത്രീകരിച്ച വീഡിയോകൾ അയച്ചു കൊടുക്കേണ്ടത്. വീഡിയോ വയറൽ ആയി മാറിയതോടെ ആളുകൾ ഗാനം തങ്ങളുടേതായ രീതിയിൽ ഒരുക്കുവാൻ ആരംഭിച്ചു കഴിഞ്ഞു.